არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  

Share | 
 

 ლიტერატურისა და ხელოვნების კონკურსი „თბილისი“

View previous topic View next topic Go down 
AuthorMessage
Admin
Into Armury
Into Armury
avatar

Male
Number of posts : 4302
Registration date : 09.11.08

PostSubject: ლიტერატურისა და ხელოვნების კონკურსი „თბილისი“   Mon Sep 07, 2015 12:07 pm



ლიტერატურისა და ხელოვნების კონკურსი „თბილისი“

კონკურსის შესახებ

კონკურსის მიზანია ხელი შეუწყოს: ლიტერატურის, ფერწერის, არქიტექტურის, სკულპტურის, სიმღერის და ფოტოგრაფიის დარგში მოღვაწე შემოქმედთა აქტივობას, ინტელექტუალური პოტენციალის გამოვლენას, ჯანსაღი კონკურენტული გარემოს შექმნას, საზოგადოებაში სამოქალაქო ცნობიერების ამაღლებას, ეროვნული და საკაცობრიო ღირებულებების დანერგვას, რისთვისაც ნებისმიერ დაინტერესებულ პირს შეუძლია მონაწილეობა.

ნომინაცია წლის საუკეთესო ესე - "ჩემი თბილისი" განკუთვნილია მხოლოდ სასკოლო ასაკის ბავშვებისთვის. სხვა ნომინაციებში კონკურსანტებს, ყოველგვარი ასაკობრივი შეზღუდვის გარეშე, შეუძლიათ მონაწილეობის მიღება.

კონკურსში განიხილება ბოლო ერთი წლის განმავლობაში შექმნილი/გამოცემული საავტორო ნაწარმოების პირველადი (გადაუმუშავებელი) ვერსია.

კონკურსანტს - ნებისმიერ თემატიკაზე - შეუძლია თითო ნომინაციაში მხოლოდ ერთი ნაწარმოების წარმოდგენა.

გვერდების რაოდენობა შეზღუდული არ არის.

პროზის, პოეზიისა და ესეს ქართულენოვანი ვერსია მიიღება ელექტრონული ან ბეჭდური სახით.

სიმღერის, ნახატის, ქანდაკების, ფოტოს, არქიტექტურული ნამუშევრის წარმოდგენა შესაძლებელია გამოხატვის ნებისმიერი ფორმითა და ხერხით. (MP3, CD, JPEG, PDF ვერსია და სხვა...)

საკონკურსოდ წარმოდგენილი ნაწარმოები არ უნდა იყოს რომელიმე ენიდან თარგმნილი ნაწარმოები.


კონკურსანტი, საკონკურსო ნაწარმოების გამოგზავნიდან სამი დღის განმავლობაში, პირად ელექტრონულ მისამართზე ადმინისტრაციისგან მიიღებს შეტყობინებას - მასალების სრულყოფილად მიღების ან ხარვეზების გასწორების მოთხოვნის შესახებ.

კონკურსზე წარდგენილი მხოლოდ დედანი ნამუშევრები უბრუნდებათ ავტორებს.



კონკურსზე რეგისტრაციის პირობები

სავალდებულოა შეივსოს ელექტრონული სააპლიკაციო ფორმა (საკონკურსო განაცხადი), სადაც მიეთითება ავტორის პერსონალური მონაცემები.

სააპლიკაციო ფორმაში ავტორი ვალდებულია მიუთითოს ნამდვილი გვარ-სახელი, ხოლო სპეციალურ გრაფაში მიანიშნოს ფსევდონიმით მონაწილეობის მოთხოვნის შესახებ.

კონკურსის ადმინისტრაცია კისრულობს ვალდებულებას, რომ ავტორის ნებართვის გარეშე მის გვარ-სახელს, არც ერთ ეტაპზე, არ გაასაჯაროებს (საკონკურსო პერიოდში, შედეგების გამოცხადებისას ან პუბლიკაციის შემთხვევაში).

კონკურსის ორგანიზატორების მოთხოვნისამებრ, საკონკურსო ნამუშევრები წარმოდგენილ უნდა იყოს ქ. თბილისის მუნიციპალიტეტის საკრებულოში, მისამართი თავისუფლების მოედანი # 2

საკონკურსო ნაწარმოებების მიღების ვადაა: 20.07.2015 - 10.09.2015

სამუშაო დღეებში განაცხადები მიიღება: 09:00-დან - 18:00-მდე.

საკონკურსო ნაწარმოები, სააპლიკაციო ფორმა და კონკურსთან დაკავშირებული კითხვარები გამოაგზავნეთ ერთ წერილად: konkursitbilisi@tbsakrebulo.gov.ge

საკონტაქტო პირი: ნატო აბრამაშვილი; ტელ: 555-459-643



საკონკურსო ნომინაცია, პრემია

წლის საუკეთესო პროზაული ნაწარმოები;

წლის საუკეთესო პოეტური ნაწარმოები;

წლის საუკეთესო ესე („ჩემი თბილისი“ - სასკოლო ასაკის ბავშვებისთვის);

წლის საუკეთესო სიმღერა;

წლის საუკეთესო ფერწერული ნაწარმოები;

წლის საუკეთესო ქანდაკება;

წლის საუკეთესო ფოტოხელოვნების ნაწარმოები;

წლის საუკეთესო არქიტექტურული ნაწარმოები;

და ჟიურის სპეციალური პრიზი.

გამარჯვებულებს გადაეცეს კონკურსის პრიზი (სიმბოლო, XII საუკუნის არტეფაქტის - ხოხბის - გამოსახულების სტილიზებული ვარიანტი) და ფულადი ერთჯერადი განაცემი (ჯილდო) 1500 (ერთიათას ხუთასი) ლარის ოდენობით.



კონკურსის ჩატარების ეტაპები

I ეტაპი (20 ივლისი -10 სექტემბერი) - კონკურსის გამოცხადება, განაცხადების შევსება და საკონკურსო ნამუშევრების წარდგენა;

II ეტაპი (11 სექტემბერი - 25 სექტემბერი) - ჟიურის მიერ ნამუშევრების გაცნობა და შეფასება;

III ეტაპი (30 სექტემბერი) - გამარჯვებულების გამოვლენა;

IV ეტაპი - გამარჯვებულების დაჯილდოება „თბილისობის” ღონისძიების ფარგლებში.



ჟიურის შემადგენლობა, მუშაობის სპეციფიკა

კონკურსის ჩატარების, ნამუშევრების შეფასებისა და გამარჯვებულთა გამოვლენის მიზნით იქმნება 7 წევრისგან შემდგარი ჟიური.

ჟიურის წევრთა კანდიდატებს ყოველწლიურად, თბილისის საკრებულოს განათლებისა და კულტურის კომისია დასამტკიცებლად წარუდგენს თბილისის მუნიციპალიტეტის საკრებულოს.

კონკურსის ჟიურის მუშაობას ხელმძღვანელობს ჟიურის თავმჯდომარე, რომელსაც ყოველწლიურად, ხმათა უმრავლესობით, ირჩევენ ჟიურის წევრები. ჟიურის თავმჯდომარეს და ჟიურის წევრებს აქვთ ერთი ხმა. ჟიური უფლებამოსილია, თუ მას ესწრება წევრთა ნახევარზე მეტი.

თითოეულ ნომინაციაში, ხმათა უმრავლესობის პრინციპით, ჟიური გამოავლენს ერთ გამარჯვებულს.

ჟიური უფლებამოსილია კონკურსში მონაწილე ნებისმიერი პირი დააჯილდოვოს სპეციალური პრიზით.

ჟიურის წევრები ინდივიდუალურად ეცნობიან კონკურსანტთა მიერ წარმოდგენილ ნაშრომებს, აფასებენ, არჩევენ და ავლენენ საუკეთესო ნაწარმოებებს.

ჟიურის უფლებამოსილება შეუწყდება ლიტერატურისა და ხელოვნების კონკურსის ,,თბილისის” დაჯილდოების ცერემონიის შემდეგ.

ჟიურის სახელმძღვანელო კრიტერიუმებია: პროფესიონალიზმი, სახელოვნებო ოსტატობა, სალიტერატურო ფორმებისა და მხატვრული ხერხების ფლობა, ნაწარმოების ესთეტიკური მხარე, თბილისისთვის საინტერესო და აქტუალური თემების დამუშავება და ინოვაციური აზროვნება.

ჟიურის მხრიდან პლაგიატის გამოვლენის შემთხვევაში, წარმოდგენილი მასალა მოიხსნება კონკურსიდან, ხოლო ავტორი დაკარგავს განმეორებით მონაწილეობის უფლებას.

ბმული - http://tbsakrebulo.gov.ge/index.php?m=576&service1_id=383&service1=ლიტერატურისა%20და%20ხელოვნების%20კონკურსი
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4302
Registration date : 09.11.08

PostSubject: Re: ლიტერატურისა და ხელოვნების კონკურსი „თბილისი“   Mon Jul 03, 2017 12:31 pm

ლიტერატურისა და ხელოვნების კონკურსი „თბილისი“


რეგისტრაციისთვის სავალდებულოა შეივსოს ელექტრონული სააპლიკაციო ფორმა (საკონკურსო განაცხადი), სადაც მიეთითება ავტორის პერსონალური მონაცემები.

საკონკურსო ნაწარმოები, სააპლიკაციო ფორმა და კონკურსთან დაკავშირებული კითხვარები გამოაგზავნეთ ერთ წერილად: konkursitbilisi@tbsakrebulo.gov.ge

საკონკურსო ნაწარმოებების მიღების ვადა: 15.05.2017 - 08.09.2017

კონკურსის ჩატარების ეტაპები

I ეტაპი (2017 წლის 15 მაისი - 2017 წლის 8 სექტემბრის ჩათვლით) - კონკურსის გამოცხადება, განაცხადების შევსება და საკონკურსო ნამუშევრების წარდგენა

II ეტაპი (2017 წლის 9 სექტემბრიდან - 2017 წლის 22 სექტემბრის ჩათვლით) - ჟიურის მიერ ნამუშევრების გაცნობა და შეფასება ნომინაციების მიხედვით

III ეტაპი (2017 წლის 23 სექტემბრიდან - 2017 წლის 29 სექტემბრის ჩათვლით) - ერთი გამარჯვებულის გამოვლენა ნომინაციების მიხედვით

IV ეტაპი - გამარჯვებულების დაჯილდოება „თბილისობის” ღონისძიებების ფარგლებში

ბმული - http://www.tbsakrebulo.gov.ge/index.php?m=576&service1_id=383&member=265&service1=ლიტერატურისა%20და%20ხელოვნების%20კონკურსი

study
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4302
Registration date : 09.11.08

PostSubject: Re: ლიტერატურისა და ხელოვნების კონკურსი „თბილისი“   Tue Aug 08, 2017 7:45 pm

ლიტერატურისა და ხელოვნების კონკურსი „თბილისი“


ლიტერატურისა და ხელოვნების კონკურსის "თბილისი" მიზანია ხელი შეუწყოს ლიტერატურის, მუსიკის, ფერწერის, არქიტექტურისა და ხელოვნების სხვა დარგში მოღვაწე პირების შემოქმედებით აქტივობას, პროფესიულ ზრდასა და ჯანსაღი, კონკურენტული გარემოს ჩამოყალიბებას, ინტელექტუალური პოტენციალის გამოვლენასა და წახალისებას, ეროვნული და საკაცობრიო ღირებულებების დანერგვასა და საზოგადოებაში სამოქალაქო ცნობიერების ამაღლებას.

ლიტერატურისა და ხელოვნების კონკურსში მონაწილეობა შეუძლია ნებისმიერ დაინტერესებულ პირს, ყოველგვარი ასაკობრივი შეზღუდვის გარეშე. გამონაკლისს წარმოადგენს ნომინაცია წლის საუკეთესო ესსე, რომელიც განკუთვნილია მხოლოდ სკოლის მოსწავლეთათვის.

კონკურსში განიხილება ბოლო ერთი წლის განმავლობაში ნებისმიერ თემატიკაზე შექმნილი საავტორო ნაწარმოები.

კონკურსანტს შეუძლია თითო ნომინაციაში მხოლოდ ერთი ნაწარმოების წარმოდგენა.

საკონკურსოდ წარმოდგენილი ნაწარმოები არ უნდა იყოს რომელიმე ენიდან თარგმნილი ნაწარმოები.

ნაწარმოების გვერდების მაქსიმალური რაოდენობა შეადგენს 30 გვერდს.

პროზის, პოეზიისა და ესსეს ქართულენოვანი ვერსია მიიღება ელექტრონული სახით.

სიმღერის, ფერწერის, ქანდაკების, ფოტოს, არქიტექტურული ნამუშევრის წარმოდგენა შესაძლებელია MP3, CD, JPEG, PDF ვერსიით.

კონკურსანტი პირად ელექტრონულ მისამართზე მიიღებს შეტყობინებას მასალის სრულყოფილად მიღების ან ხარვეზის გამოსწორების შესახებ.

საკონტაქტო პირი: ნატა აბრამაშვილი (ტელ: 555-459-643) და ირაკლი შამათავა (579-606-590)


რეგისტრაციის პირობები
რეგისტრაციისთვის სავალდებულოა შეივსოს ელექტრონული სააპლიკაციო ფორმა (საკონკურსო განაცხადი), სადაც მიეთითება ავტორის პერსონალური მონაცემები.

საკონკურსო ნაწარმოები, სააპლიკაციო ფორმა და კონკურსთან დაკავშირებული კითხვარები გამოაგზავნეთ ერთ წერილად: konkursitbilisi@tbsakrebulo.gov.ge

საკონკურსო ნაწარმოებების მიღების ვადა: 15 მაისი. 2017 - 8 სექტემბერი, 2017


ნომინაციები

. წლის საუკეთესო პროზაული ნაწარმოები

. წლის საუკეთესო პოეტური ნაწარმოები

. წლის საუკეთესო ესსე (სკოლის მოსწავლეთათვის)

. წლის საუკეთესო სიმღერა

. წლის საუკეთესო ფერწერული ნაწარმოები

. წლის საუკეთესო ქანდაკება

. წლის საუკეთესო ფოტოხელოვნების ნაწარმოები

. წლის საუკეთესო არქიტექტურული ნაწარმოები

. ჟიურის სპეციალური პრიზი

ბმული - http://www.tbsakrebulo.gov.ge/index.php?m=576&service1_id=383&member=264&service1=ლიტერატურისა%20და%20ხელოვნების%20კონკურსი

study
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4302
Registration date : 09.11.08

PostSubject: Re: ლიტერატურისა და ხელოვნების კონკურსი „თბილისი“   Sat Oct 07, 2017 1:50 pm

თბილისის საკრებულოს ლიტერატურისა და ხელოვნების კონკურს "თბილისის" 2017 წლის ფინალისტები დასახელდნენ

თბილისის მუნიციპალიტეტის საკრებულოს ლიტერატურისა და ხელოვნების კონკურსი „თბილისი“, რომლის მიზანი ხელოვნების სფეროში მოღვაწე პირების ინტელექტუალურ-შემოქმედებითი პოტენციალის გამოვლენა და წახალისებაა, წელს მესამედ ტარდება.
თბილისის მუნიციპალიტეტის საკრებულოს ლიტერატურისა და ხელოვნების კონკურს „თბილისის“ საორგანიზაციო ჯგუფი თითოეულ მონაწილეს მადლობას უხდის კონკურსში მონაწილეობისთვის.
ლიტერატურისა და ხელოვნების კონკურს „თბილისის“ წლევანდელმა შვიდკაციანმა ჟიურიმ კოდიფიცირებული ხუთასზე მეტი ნაშრომიდან ფინალისტები გამოავლინა, რომლებსაც წარმოგიდგენთ ნომინაციებითა და ანბანური თანმიმდევრობით:

წლის საუკეთესო პროზაული ნაწარმოები
ბუაჩიძე ანდრო - „აგარაკი“
თოფურია თეა - „შატალო“
რუხაძე რუსუდანი - „მოძრავი დღესასწაული“
სოლომანაშვილი ბესიკი - „ჩახმახი, სასხლეტი, ლულა და სხვისი კინო“
ქურხული ბექა - „დაუსრულებელი დეჟავიუ მოლბერტთან“
ყურაშვილი ცირა - „სამოთხის ღამე“
ცუცქირიძე ლელა - „ფანჯარა“
ხვედელიძე ბესო - „მკვდრების ქალაქი“

წლის საუკეთესო პოეტური ნაწარმოები
აბუსელიძე როინი - „მიწის პოეტის მსხვერპლი“
ახალაია ბექა - „ლინდა“
ბერიძე ირმა - „სიკვდილი ლიმონათის ქარხანაში“
ბიბილაშვილი ზაზა - „ფაზლი“
ზუკაკიშვილი მელანო - „ქვების და ხეების“ (უშვილოთა საკითხავი)
მარღია ელგუჯა - ციკლიდან „კოლხურ სტელებზე მინაწერი“
ქურხული ეკატერინე - „ანატორი“
ცუცქირიძე ლელა - „უმამო გოგოებისთვის“
ჯავახაძე ვახტანგი - „ელეგია\"
ჯავახიშვილი კატო - „ამბავი ჩვენზე, კიბეებზე, მოაჯირებსა და ხურჯინებზე“

წლის საუკეთესო ესსე (სკოლის მოსწავლეთათვის)
ბენდელიანი სალომე - „ილიას საქართველო“
კოხტაშვილი ქეთა - „ცოტაც გაუძელ, ტატო“
ფირცხალავა ელისაბედი - „ილიას საქართველო“
ჭელიძე სოფიო - „ნიკოლოზ ბარათაშვილი - მსოფლიო გენიოსთა წინამორბედი და მუზა“
ჯანჯალაშვილი რუსუდანი - „ბედისადმი დაუმორჩილებლობის იდეა ნიკოლოზ ბარათაშვილის შემოქმედებაში“

წლის საუკეთესო სიმღერა
ზაქარაია შოთა - „ვეგებები გაზაფხულს“
კარტოზია მურმანი - „ამბავი ომის შესახებ“
მალაზონია დავითი - „ჩემი სიყვარული“
მახნიაშვილი მამუკა - „ზღაპარიყო“
ნებიერიძე სანდრო - „ელემენტები“ (ცეცხლი, წყალი, მიწა, ჰაერი)

წლის საუკეთესო ფერწერული ნაწარმოები
აბრამიშვილი ლელა - „დარღვეული ქალაქების სევდა“
ბუდაღაშვილი ლიზი - „ნოსტალგია“
კობახიძე ქეთევანი - „ღამის თბილისი“
საყვარელიძე ბექა - „დრეზდენი“

წლის საუკეთესო ქანდაკება
მაისურაძე დავითი - „მეომარი ქალი“

წლის საუკეთესო ფოტოხელოვნების ნაწარმოები
ველიჯანაშვილი გიორგი - „ხანძარი ბორჯომში“
თოლორდავა რომანი - „ბუნებრივი სტიქიონი“
ნაცვლიშვილი რამაზი - „ლოცვა“
ნიქაბაძე ანი - “აქ მოგონებები იყიდება”
ოსეფაიშვილი ლიზა - „ცხოვრების ფასადები“
ჩადუნაშვილი დუნდო - „ადამიანი“

წლის საუკეთესო არქიტექტურული ნაწარმოები
აბაშიძე ირაკლი, შაფაქიძე დიმიტრი – „ახალი მედიათეკა თბილისში”
გიორგობიანი მიხეილი - „იუსტიციის სახლი თიანეთში“
დვალიშვილი ნუგზარი - რესტორანი „ვარაზი“
სულაბერიძე გიორგი - „ტექნოპარკი ოქროყანაში“
ცუცქირიძე დავითი - „გაგუას კლინიკა“

დაჯილდოების დღეს, თითო ნომინაციაში დასახელდება მხოლოდ ერთი გამარჯვებული, რომელსაც გადაეცემა კონკურსის პრიზი (სიმბოლო, XII საუკუნის არტეფაქტის - ხოხბის - გამოსახულების სტილიზებული ვარიანტი), რომელიც სპეციალურად ამ კონკურსისთვის მოქანდაკე გიორგი (გია) ჯაფარიძემ შექმნა.
გამარჯვებული ავტორებისთვის თბილისის მუნიციპალიტეტის საკრებულომ დააწესა ერთჯერადი ფულადი პრემია 1500 ლარის ოდენობით. სპონსორები ასევე დააჯილდოვებენ კონკურსის ფინალისტებს.
დაჯილდოების ცერემონიალი, თბილისობის ღონისძიების ფარგლებში, 2017 წლის 7 ოქტომბერს 18:00 საათზე, თბილისის მუნიციპალიტეტის საკრებულოს თამარ მეფის სახელობის დარბაზში გაიმართება.
დაჯილდოების ცერემონიალი დახურულია.


ჟიური:
* დათო ევგენიძე (თვმჯდომარე)
* ქეთევან დუმბაძე
* ნინო ლაღიძე
* როსტომ ჩხეიძე
* თეიმურაზ მურვანიძე
* ნიკოლოზ შენგელაია
* გოგა ჩანადირი

გამარჯვებულები:

გამარჯვებულები, რომლებსაც კონკურსის პრიზი (სიმბოლო, XII საუკუნის არტეფაქტის - ხოხბის - გამოსახულების სტილიზებული ვარიანტი) და თბილისის მუნიციპალიტეტის საკრებულოს მიერ ერთჯერადად დაწესებული ფულადი პრემია გადაეცათ, შემდეგ ნომინაციაში გამოვლინდნენ:

წლის საუკეთესო პროზაული ნაწარმოები - თეა თოფურია
წლის საუკეთესო პოეტური ნაწარმოები - ვახტანგ ჯავახაძე
წლის საუკეთესო ესსე (სკოლის მოსწავლეთათვის) - სალომე ბენდელიანი
წლის საუკეთესო სიმღერა - სანდრო ნებიერიძე
წლის საუკეთესო ფერწერული ნაწარმოები - ლელა აბრამიშვილი
წლის საუკეთესო ქანდაკება - დავით მაისურაძე
წლის საუკეთესო ფოტოხელოვნების ნაწარმოები - გიორგი ველიჯანაშვილი
წლის საუკეთესო არქიტექტურული ნაწარმოები: ირაკლი აბაშიძე, დიმიტრი შაფაქიძე
ჟიურის სპეციალური პრიზი - ანდრო ბუაჩიძე
წლის საუკეთესო არქიტექტურული ნაწარმოები - ირაკლი აბაშიძე, დიმიტრი შაფაქიძე

ბმული - http://www.tbsakrebulo.gov.ge/index.php?m=255&news_id=3680

study
Back to top Go down
View user profile http://armuri.4forum.biz
Sponsored content




PostSubject: Re: ლიტერატურისა და ხელოვნების კონკურსი „თბილისი“   

Back to top Go down
 
ლიტერატურისა და ხელოვნების კონკურსი „თბილისი“
View previous topic View next topic Back to top 
Page 1 of 1

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: ლიტერატურული კონკურსები-
Jump to: