არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანისიმღერიდან სიტყვამდე. * მიხო მოსულიშვილიჰელესა (კინორომანი). * თამარ ლომიძეზღვარი (ლექსები).
* ბელა ჩეკურიშვილიშეკითხვად სიზიფეს (ლექსები) * ხათუნა ცხადაძე (მთარგმნელი) უმბერტო ეკო „ფუკოს ქანქარა“
* ლაშა ბუღაძენავიგატორი (პიესა). * ნინო ქაჯაია (მთარგმნელი)უილიმ გოლდინგი - „ბუზთა ბატონი“ (რომანი) * ზაზა თვარაძესიტყვები (რომანი).
* მიხეილ ანთაძესაიდუმლოებით მოცული უ.შ, სინქრონისტულობის პრინციპი. *
* რადიარდ კიპლინგი - აი ასეთი ამბები (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძევახტანგური (ლექსები. რჩეული)
* მიხო მოსულიშვილიდიდი ძუ დათვი (რომანი). * ნინო ნადირაძეVIA SOLIS (ლექსები). * მარიამ ხუცურაულისანათა (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling).
* ბესიკ ხარანაულიმთავარი გამთამაშებელი. * მიხო მოსულიშვილისულის მდინარე (თორმეტი ნოველა). * ნინო სადღობელაშვილიფრთები და ხელები (ლექსები).
* მამუკა ხერხეულიძეომში, როგორც ომში * ზაალ სამადაშვილი – ავტოპორტრეტი წიგნების ფონზე * ირაკლი ლომოური – ავტონეკროლოგი
* მანანა ანთაძე (მთარგმნელი)ტენესი უილიამსი - Camino Real (პიესა). * ქართული პიესა 2012 (ექვსი პიესა).
* თამრი ფხაკაძე – ბოსტანი კონფლიქტის ზონაში (მოთხრობა). * რიუნოსკე აკუტაგავა – დიალოგი წყვდიადში
* გიორგი კაკაბაძენიკო ფიროსმანი (ბიოგრაფიული რომანი). * მიხო მოსულიშვილი – ვაჟა-ფშაველა (ბიოგრაფიული რომანი).

Share | 
 

 მაიკო მიქაია

View previous topic View next topic Go down 
Go to page : Previous  1, 2
AuthorMessage
maiko miqaia
Way at Armury
Way at Armury
avatar

Female
Number of posts : 31
Age : 48
Location : Tbilisi Georgia
Job/hobbies : Literature
Humor : ggggggggggggggg
Registration date : 27.03.12

PostSubject: Re: მაიკო მიქაია   Wed Jun 05, 2013 8:48 pm

პეპელა

დაგეძებ ბნელში ხელის ცეცებით
და რომ გპოულობ, გკარგავ მაშინვე.
სამყარო შხამით და საცეცებით
მშხამავს, მგესლავს და ასე მაშინებს.
ვგავარ პეპელას, ფოთოლზე აკრულს,
ხვალ მზიან დილის რომ აქვს ოცნება,
მზისკენ ფარფატით თავის აღსასრულს
იახლოებს და უახლოვდება.
ისე ნაზი და ისე მშვიდია,
სამყაროს კიდეს თითქოს გამოსცდა...
როდესაც გზები შენსკენ მიდიან,
წყდება კავშირი მთელ სამყაროსთან.


Back to top Go down
View user profile http://Maiko_miqaia@yahoo.com
maiko miqaia
Way at Armury
Way at Armury
avatar

Female
Number of posts : 31
Age : 48
Location : Tbilisi Georgia
Job/hobbies : Literature
Humor : ggggggggggggggg
Registration date : 27.03.12

PostSubject: Re: მაიკო მიქაია   Wed Jun 05, 2013 8:49 pm

უსაზღვრო სივრცე

ალბათ, სიტყვებით
ვერასდროს გეტყვი _
მიყვარხარ ისე!
უგონოდ ვეტრფი შენი თვალების
უსაზღვრო სივრცეს.
რასაც ვგრძნობ შენთან,
ალბათ, მხოლოდ მე თვითონ ვიცი
და მიყვარს ფეთქვა
შენი გულის
უსაზღვრო სივრცის.
ერთმანეთს ვავსებთ,
ვცხოვრობთ, ვფიქრობთ,
ვაზროვნებთ, ვიბრძვით...
და მეც ვარ სავსე
შენი სულის
უსაზღვრო სივრცით.


Back to top Go down
View user profile http://Maiko_miqaia@yahoo.com
maiko miqaia
Way at Armury
Way at Armury
avatar

Female
Number of posts : 31
Age : 48
Location : Tbilisi Georgia
Job/hobbies : Literature
Humor : ggggggggggggggg
Registration date : 27.03.12

PostSubject: Re: მაიკო მიქაია   Wed Jun 05, 2013 8:50 pm

ფშავი

ვინატრე, ახლა იქ ვიყო, სად სული მღერის ხვარამზის,
არც სხვა რამ სურვილს ვისურვებ, არც სითბო მინდა სხვა რამ მზის.
უმანდოდ ისე ურვით ვარ, გულში ჩამენთქას ქვა ლამის,
ჩემს სიყვარულში გიტყდები, განა თქმა მინდა სხვა რამის!
ვიცი, რა გულით მიმიღე, მეც შეგაგებე სალამი,
ივრის ტალღებში ჩათქვიფე ჩემი დარდი და ვარამი,
შენი სითბოთი მიპყარი, შენი სიტკბოთი დამშხამე,
მანატრე კადაჩლის ნისლი და ქუშხეურას ქვა-შლამი.
ფილტვები ამომიგლისე მტვერით ვაჟაის ქალამნის,
შენს სიყვარულში გავცვითო უნდა უცვეთი კალამნი!


Back to top Go down
View user profile http://Maiko_miqaia@yahoo.com
maiko miqaia
Way at Armury
Way at Armury
avatar

Female
Number of posts : 31
Age : 48
Location : Tbilisi Georgia
Job/hobbies : Literature
Humor : ggggggggggggggg
Registration date : 27.03.12

PostSubject: Re: მაიკო მიქაია   Wed Jun 05, 2013 8:52 pm

ყავის ნალექი

შენ არ ჩამაცვი თეთრი კაბა,
ასე რომ მსურდა,
თითქოს გიყვარდი
და მეგონა ჩემი ცა და მზე.
ხელი ჩამკიდე,
მე ვიყავი წრფელი და სუფთა,
მაგრამ ჩვენი გზა არ მივიდა
მაშინ ტაძრამდე...
ცა ჩამობნელდა, მზე კი ისე
აღარ კაშკაშებს,
შენ გახსენდება,
რომ ვიყავი ოდესღაც მშვიდი...
დიდი ხანია მივხვდი _ დარჩი
მხოლოდ ქაღალდზე,
მაშ, სამუდამო ერთგულებას
რატომ დაგპირდი?!
მოვდიოდი და ვივიწყებდი
ქვეყნიურ წუხილს...
ეს სიხარული,
ვეღარც მიხვდი, ისე წალეკე
და მოგონება დამრჩა მხოლოდ
ისეთი მუქი,
როგორც ბოღმაზე დალეული
ყავის ნალექი.
Back to top Go down
View user profile http://Maiko_miqaia@yahoo.com
maiko miqaia
Way at Armury
Way at Armury
avatar

Female
Number of posts : 31
Age : 48
Location : Tbilisi Georgia
Job/hobbies : Literature
Humor : ggggggggggggggg
Registration date : 27.03.12

PostSubject: Re: მაიკო მიქაია   Thu Jun 06, 2013 12:50 pm

ვერ გიღალატე

ხატებს ლოცვებში ვანდობდი სათქმელს,
ცისხელა დარდით მიველ სიონთან,
სანთელს კი _ შენთვის დანთებულ სანთელს
ბეჭდისოდენა ცრემლი სდიოდა.
მე მთელი ღამე ცრემლს ვერ ვმალავდი,
ჩემი ტკივილი ვერვის გავანდე
და მაპატიე,
შენი ღალატი
ვიფიქრე,
თუმცა,
ვერ გიღალატე...
Back to top Go down
View user profile http://Maiko_miqaia@yahoo.com
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Thu Apr 17, 2014 11:03 am

მაიკო მიქაია "შურიმშინე"

http://youtu.be/YNR_tF_xNT0
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Fri Apr 18, 2014 1:53 pm



მაიკო მიქაია

შურიმშინე*


ცისფერ ზაფხულს შემოდგომა გადაება,
ზღვას ქარებმა ღრუბლის გული შეუშვირეს
და შენსავით ბაგეტკბილი გულაბების
და შენსავით ბაგეტკბილი გულაბების
ყვითელ ფოთლებს აშრიალებს,
შურიმშინე.

გითხარი, რომ ვერ დავრჩები, მალე წავალ,
შენ თვალები დახარე და მოიწყინე.
როგორ ვდარდობ, მაგრამ შენთან მე არა ვარ,
როგორ გნატრობ, რადგან შენთან მე არა ვარ,
მე არა ვარ, შენთან ზღვაა,
შურიმშინე.

სანამ ნისლებს დავიწყების შევერევი,
თვალს აყოლებ პეპლის ფრთებად მობიბინე
ფირუზისფერ კაბას, ქარში გადარეულს,
ფირუზისფერ კაბას, ქარში გადარეულს,
თვალს _ აყოლებ, გული _ გწყდება,
შურიმშინე.

ახლაც გხედავ მხარმიყრდნობილს სევდის ლოდთან,
ზღვის ნაპირზე რომ იდექი მომლოდინე,
მიმწუხრისას მზე დასავლეთს მიდიოდა,
სხივჩამქრალი მზე დასავლეთს მიდიოდა,
მზესთან ერთად მეც წავედი,
შურიმშინე.

სიშორეში რადგან მე ვარ დამნაშავე,
გავჩუმდი და უშენობა მოვითმინე.
ზღვის ტალღებზე მიტორტმანებს შენი ნავი,
უიალქნოდ მიტორტმანებს შენი ნავი,
მეც დინებას მივუყვები,
შურიმშინე.

დედამიწას, მრგვალს და მრავალწახნაგოვანს,
გარს ვუვლი და გული ვეღარ მოგაწვდინე.
დღეს ჩვენს შორის ბინდისფერი სამყაროა,
გზებით შორით დასერილი სამყაროა
შენს კუთხიდან ჩემს კუთხემდე,
შურიმშინე.

მაგრამ იცი, ვერასოდეს მიგატოვებს,
ვისაც ერთხელ ასე თბილად გაუცინე.
მიყვარს, როცა ცა ირეკლავს ღიღილოებს,
შენს თვალებში მოციმციმე ღიღილოებს,
შეყვარებულ შენს თვალებში,
შურიმშინე.

ღმერთო ჩემო, რა მძიმეა ქალის ტვირთი!
მე კი შენით უფრო მეტად დავიმძიმე.
ზღვას მზის ჩასვლით შეეფაკლა ლაზურიტი,
ზღვას მზის ჩასვლით შეეფაკლა ლაზურიტი
და ნაპირი გაირინდა,
შურიმშინე!

---
შურიმშინე _ (ლაზ.) გენაცვალე, შენი ჭირიმე.


მოვისმინოთ ავტორის წაკითხვით -- http://youtu.be/YNR_tF_xNT0

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Sat Sep 05, 2015 12:11 pm

მაიკო მიქაია

სიზმარში...

შენთან მოვდივარ,
ფეხსაც ვუწყობ გულს მოღიღინეს.
ვსველდები,
წვიმა ჩამოშლილა ციდან მძივებად.
როცა ახლოს ხარ,
შენით ვხარობ,
შენით ვციმციმებ,
როგორ მიხდება მერე შენით აციმციმება!
არ დაგირეკე,
ეს პირადად სასაუბროა,
უკვე ახლოა ჩვენი სახლი, ჩვენი სართული...
აქ სულ თბილა და ჩახუტებაც ისე მყუდროა,
შემომიშვითო,
მერე წვიმაც მოგვიკაკუნებს.
ხომ გიყვარვარო? _ მახალისებს ეს დაეჭვება,
უცებ თვალები მიცელქდება
და ვიბადრები.
შენ _ რა ვიცი და...
სიგიჟემდე მიყვარს პეპლები,
შენს დანახვაზე სხეულში რომ დაფარფატებენ.

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Wed Mar 15, 2017 9:36 am

მაიკო მიქაია

ხვედრი

მე უნდა ვზიდო ეს ჯვარი მარტო _
მძიმეა...
სიცოცხლე სუსტი, გავიდა რაც დრო _
სიმია,
მაგრამ იმ ორ გვრიტს, ღმერთმა რომ მანდო _
იმედად,
ჩემი სხეულის მარცვლები საზრდოდ
სჭირდება.

2017

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Wed May 17, 2017 10:39 am

მაიკო მიქაია

თეთრაულები
(სონეტი)

აქ სიმშვიდეა. სიმშვიდეში არის ცდუნება,
რომ გაერიდო ფიქრებს, გრძნობებს, ეჭვებს... ქალაქებს,
სადაც მარტო ხარ, ოცნებაც კი აღარ გალაღებს
და ელოდები, როდის, როდის გაზაფხულდება!

აქ სიმშვიდეა, რადგან მხოლოდ აქ გეგულება
მთათა ვარაყი ჩახვეული ზეცის ლაჟვარდებს,
თავისუფლებით ჟანგბადივით რომ ამარაგებს
სულსა და სხეულს, ზამთრისაგან დაძაბუნებულს.

აქ სიმშვიდეა. წყლის და მიწის მზესთან კირთება
მუდმივად გიხმობს და მუდმივად შველას გპირდება,
მუდმივად, სანამ დის იორი, დის ქუშხეურა.

შენც ეახლები, მცხუნვარება მზის შენც გჭირდება,
აქ ცაც შენია, მიწაც _ შენი, შენი იმდენად,
რომ არ გშორდება, თან მოგყვება სულკურთხეული.

2017

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: მაიკო მიქაია   Tue Jun 06, 2017 12:54 pm

მაიკო მიქაია

წასვლა აღარ დამიგვიანო
(სონეტი)

უკამათოა და უსიტყვო ეს შეთანხმება _
წავიდეს ყველა წამსვლელი და დარჩეს დამრჩენი.
მე დაბადება ვიჩქარე და სხვა დანარჩენი,
სხვა ყველაფერი ქვეყანაზე მიგვიანდება.

ეს სახეები, ქცეულები ფიქრშიც ლანდებად,
ხანდახან რატომ მიჩემდება, ვეღარ ავხსენი,
როგორც მიწიდან გაზაფხულის ამონაქშენი,
დროდადრო მათი მოგონება ამოლაგდება.

რომ მიბრუნდება იმქვეყნიდან ადამიანი,
მიწაზე პირქვე დამხობილ ფიქრს ავახმიანებ
და ნებას ვაძლევ თვალის ფსკერზე გადამიაროს...

თუნდ ერთის სულს რომ სამუდამო დავრჩე სალბუნად,
ამქვეყნად მოსვლა ვიჩქარე და აღარ მარგუნო,
ღმერთო, ლოდინი... წასვლა აღარ დამიგვიანო!

2017

Arrow
Back to top Go down
View user profile http://armuri.4forum.biz
Sponsored content




PostSubject: Re: მაიკო მიქაია   

Back to top Go down
 
მაიკო მიქაია
View previous topic View next topic Back to top 
Page 2 of 2Go to page : Previous  1, 2

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: