არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანი"სიმღერიდან სიტყვამდე". * მიხო მოსულიშვილი„ჰელესა“ (კინორომანი). * თამარ ლომიძე"ზღვარი" (ლექსები).
* ანრი გიდელი"პიკასო" (ბიოგრაფიული რომანი) * გიგი სულაკაური"ხეტიალი" (ლექსები. რჩეული) * ბელა ჩეკურიშვილი"შეკითხვად სიზიფეს" (ლექსები)
* ლაშა ბუღაძე"ნავიგატორი" (პიესა). * ნინო ქაჯაია (მთარგმნელი)უილიმ გოლდინგი - "ბუზთა ბატონი" (რომანი) * ზაზა თვარაძე"სიტყვები" (რომანი).
* მიხეილ ანთაძე"საიდუმლოებით მოცული უ.შ", "სინქრონისტულობის პრინციპი". *
* რადიარდ კიპლინგი - "აი ასეთი ამბები" (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძე"ვახტანგური" (ლექსები. რჩეული)
* მიხო მოსულიშვილი"დიდი ძუ დათვი" (რომანი). * ნინო ნადირაძე"VIA SOLIS" (ლექსები). * მარიამ ხუცურაული"სანათა" (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling). * გივი ალხაზიშვილი"ეპისტოლეთა წიგნი" (ლექსები).
* ბესიკ ხარანაული"მთავარი გამთამაშებელი". * მიხო მოსულიშვილი"სულის მდინარე" (თორმეტი ნოველა). * ნინო სადღობელაშვილი"ფრთები და ხელები" (ლექსები).
* მამუკა ხერხეულიძე„ომში, როგორც ომში“ (მოთხრობები). * ნატა ვარადა – „დედის კერძი“ (მოთხრობები). * ზაალ სამადაშვილი – „ავტოპორტრეტი წიგნების ფონზე“ (მოთხრობები). * ვაჟა ხორნაული – „როგორც ბაღიდან...“ (ლექსები). * ირაკლი ლომოური – „ავტონეკროლოგი“ (მოთხრობები).
* მანანა ანთაძე (მთარგმნელი)ტენესი უილიამსი - Camino Real (პიესა). * თამარ ბართაია, დავით გაბუნია, ნინო მირზიაშვილი, მიხო მოსულიშვილი, ნანუკა სეფაშვილი, ირაკლი ცხადაია„ქართული პიესა 2012“ (ექვსი პიესა).
* ნატა ვარადა – "დედის კერძი" (მოთხრობები). * თამრი ფხაკაძე – "ბოსტანი კონფლიქტის ზონაში" (მოთხრობა). * რიუნოსკე აკუტაგავა – "დიალოგი წყვდიადში" (მოთხრობები).
* გიორგი კაკაბაძე"ნიკო ფიროსმანი" (ბიოგრაფიული რომანი). * მიხო მოსულიშვილი – "ვაჟა-ფშაველა" (ბიოგრაფიული რომანი).

Share | 
 

 თამარ ლომიძე

View previous topic View next topic Go down 
AuthorMessage
Admin
Into Armury
Into Armury


Male
Number of posts : 3860
Registration date : 09.11.08

PostSubject: თამარ ლომიძე   Wed Jan 11, 2012 3:10 pm



Tamar Lomidze

(born 27.06.1969) is painter, poet, teacher and philologist from Tbilisi in Georgia. She graduated from Tbilisi State University in Georgian language and literature, art critics and painting. Tamar has participated in scholarships and research-projects at University of Oslo related to Norwegian literature and language. In 2000 she received the scholarship of the Norwegian sculptor Gustav Vigeland.

თამარ ლომიძე


ბმულები:
* http://www.tamar.no/
* http://www.culturaltravel.ge/
* https://www.facebook.com/profile.php?id=100003128138437



გამომცემლობა - "უსტარი"
გამოცემის წელი - 2011




Last edited by Admin on Wed Jan 11, 2012 3:17 pm; edited 1 time in total
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3860
Registration date : 09.11.08

PostSubject: Re: თამარ ლომიძე   Wed Jan 11, 2012 3:14 pm

თამარ ლომიძე


* * *
დრო _ ტკივილივით
გაკრული ჯვარზე _
სულში მინთია
როგორც ფარანი...
და ვდნები, რადგან
ჩემშიც და ჩემზეც
თვით უფალივით
არ დგას არავინ...


რტო ზეთისხილის

მე ამ ტაძარში
ფუნჯით ხელში ვლოცულობ ისევ...
ძვლებს მიმწვარ გულში
ოცნებები მინდა ვახარო...
მთვარის თვალებით გეკითხები
თუ რატომ დაცხრა,
დაიღალა და...
დაიბზარა
შენი სამყარო.

საღვთო ნაკრძალში სახლი დარგე,
ხე ტყედ აქციე...
ლექსის ზვირთები ძალას გმატებს,
სიკვდილსაც კვებავ...
ორ ფეხზე დგომას ეგუები
და ხედავ ისევ,
რომ ყოფის მგლ;ები
მაინც ყოფის რჩებიან მგლებად.
ახლა სიყვარულს
ეჭვის თვალით უმზერენ ყველგან,
არ გპატიობენ სევდასა და
გაპობილ ღიმილს...
დრო უნდა დათმო...
იქნებ
სულში გაიხსნას ზეცა,
მოულოდნელად აყვავილდეს
რტო ზეთისხილის.


წმინდა ნინოო...

წმინდა ნინოო...
დაცვარულო თაფლის სანთელო,
მთვარის სინაზევ,
უფლის ცრემლო,
ჟამის მთენარო,
უმანკო კრავო,
ნათლის თმებით შეკრულო რწმენავ,
საქართველოსთვის
დაწურულო საღვთო მტევანო.
სვეტო ცხოველო,
საქართველოს ძალავ და მადლო,
კვართის მესაყდრევ,
კვერთხო პირველ,
მცველო გრაალის,
ცად
ქართველთათვის აზიდულო
ღვთის კელაპტარო,
სულის მირონო,
ნათელჯვარო,
ფესვო თამარის...
მზესავით მწველო,
ამოჭრილო ზეცის სარკმელო,
ორთავე სოფლის
მწყალობელო,
მანათობელო,
სალოცავივით
სიტყვასავით მყარო და მრთელო,
სიმართლის მხვნელო,
ერის ხსნაო,
ერის საყდარო.
სიყვარულისთვის დაფენილო
ცის სასწაულო,
ხატო ხილულო _
უკვდავების საგალობელო,
მარადისობის ნატერფალო,
ხმაო სიცოცხლის,
საქართველოსთვის დანთებულო
დედათუფალო _
წმინდა ნინოო...



* * *
ახლა უფრო
მძიმედ სუნთქავს ქართლში მტკვარი,
უფრო ხშირად აკვირდება დაისს...
საქართველოვ,
ვის ამზადებ ხვალისათვის
ჭირისუფლად
უპატრონო ტაძრის.

კრწანისიდან
მოპარული ტკივილებით
დღესაც აგებს
მტერი ციხის კედელს...
ბედისწერის მარწუხებში
უხმოდ ჩაშლილს
ამაღლება გიწერია ეგებ.

ეგებ შენსავ
წიაღშია ისევ შველა,
ეგებ
შენ ხარ გუნდრუკიც და ძღვენიც...
კვლავ ეჭიროს
ნარიყალას მხრებით ზეცა,
აქ,
ბეთლემში დაიბადოს
ღმერთი!!!


როგორც ბიბლიას...

შეხედე, ჩემო _
მთვარე როგორ უცბად აიმღვრა,
ჩამოიშალა ჩუქურთმები
ვერცხლის დაშნიდან,
სარკის ნატეხებს დაემსგავსა
ნისლის მორევში,
სულში ჭრილობა შემატოვა
სასჯელის ნიშნად.


ახლა...

მეც მალე დამცვივდება
ფერები ნატვრის
და წვიმის ფარდებს დაუშვებენ
ციდან მიწამდის,
ო, რომ შემეძლოს,
ევას ნაქონ ლეღვის ფოთოლსაც
გასაავდრებელ ხვალესავით
გადავიცვამდი,
ოღონდ ვიცოდე,
რომ ზეცისას მეტს ითხოვ ახლა,
გამწყდარი ხმები
ხმელ ტოტებად ჩაცვივდნენ ხევში,
მავანის მკერდში
აღარ ტოკავს მცირე კაენი,
არ მემწარება
დათაფლული ვაშლის ნაკბეჩი.

ოღონდ ვიცოდე
ბედის მწერალს
რა სიტყვა დასცდა,
რა ხაფანგს მიგებს
ხავერდივით მიწის ალერსი...…
რას მეტყვის დედა,
შეშლილ თვალებს როცა ჩახედავს,
რას დაარქმევენ მეგობრები
ნათლობას ლექსით.


ჩემი ედემი

არ ნებდება ხილვებთან ჩურჩულს,
ყრუ ტყვიასავით
მეკარგება ბოლო მარცვალი...
თურმე სიზმარში
ცხადზე ცხადი არის ყოველი,
რადგან სიცრუეს
სინამდვილე უკეთ გასწავლის.

შენს ნაკრძალშიაც
სულ საეჭვო ხილი მწიფდება,
ცრემლი ისე დუღს,
ტანჯვაც თურმე
ხდება ნეტარი,
პირს მომდგარ სულსაც
ჩავაბრუნებ ისევ სხეულში,
ოღონდაც
მთვრალი სიყვარულით ავივსო თვალი.


სხვა ჟამი დგება...

ბროწეულის გვირგვინებს ვიწნით,
ცხვრის ფარასავით ვერეკებით
ჩიტებს მახეში,
უძაღლო სოფელს
კატითაც კი ვაყეფებთ, ჩემო,
როცა სიმწრისგან
ლოდებიც კი ყრია ნაღეჭი.

ყველას თავისი
წილი მზე-რით მოეკითხება,
ჩვენი წამებიც
ჩვენთან ერთად გადათვლილია...
როგორც ურჩ ბატკნებს
დაგვატარებს უფალი მხრებით
და
სულს გვიფურცლავს
სიყვარულით _
როგორც ბიბლიას.


ჩვილი სული

მამა ტარიელს

შიში დამჩემდა,
მოწეული შიში, მამაო,
ქვიშის საბელს ვქსოვ დღენიადაგ,
ასე მგონია...
ჩემი სიზმრები,
გაცვეთილი,
ნაფერმკრთალები,
გასხვისებული გაზაფხულის
დანაზოგია.
ცაჩამოტეხილს
გარინდებამ ვერ მარგო ბინდში,
კვლავ მდუმარებას
სამსჭვალიდან სისხლად ვეღვრები,
ვერ ავიტანე
სიტყვისა და ფერის ღალატი,
ყაყაჩოებში ჩამეფერფლა
მძიმე ხელები.

რა ვქნა, მამაო,
მეც მარტივად მამტვერებს ქარი,
წვიმა მაწყლულებს,
სიცივისგან მიკემსავს თვალებს,
ტაძართან ვდგავარ
და სულიდან მეწყება წარღვნა,
არყოფნის საყრდენს
ყოფნა როცა ლოცვად მავალებს...

გაბზარულ ღამეს
ვეღარ ვშველი მხოლოდ ოცნებით,
ყვავის ყრანტალი
თევზის დუმილს ან რას შეჰმატებს...
გაუხედნავი სიტყვებით თუ
შევრჩები სტრიქონს,
ბერწი გულივით
თუკი ვეღარ დაგინთებ სანთელს...

საკუთარ ცხედარს
რად დავყურებ მაინც, მამაო,
მე ხომ
მთვარესთან ერთად მიყვარს
მუდამ გაფრენა...
სიყვარულს თუკი
წუთებს ვპარავ ერთგულებისთვის,
რად ვიხარჯები შიშნაჭამი
ქვიშის საბელად?..

რომ ვერ ვიხარე?
ვერ ვილაღე მშობელ მიწაზე?
რომ ვეღარავინ მომაწოდა
ცეცხლიდან წყალი?
ჩემს ნაკვალევზე
რადგან წვება ჩრდილი კაენის
და უცნაური ანგელოზის
ხატვას მასწავლის?..

იქნებ სიყალბის
მიწერია სიყალბით მსხვრევა,
ჭექა-ქუხილით
იქნებ უნდა ვფერავდე მახვილს,
რომ დატოტვილი
სინდისივით დავისხა კვირტი,
და... ჩვილი სული
გადავიდე ბინდიდან გაღმით.



პატრიარქი

უწმინდესსა და უნეტარესს, ილია 11-ს

როცა ვთელავთ,
როცა ვქელავთ ერის ნამუსს
და წკვარამით
დამძიმებულ ლანდებს ვლოკავთ...
ამბორსყოფით
მეათასედ გავცემთ უფალს,
სხვათა ხმებით
დემონებთან ერთად ვროკავთ...
როცა ფესვზე
საკუთარი ნებით ვამყნობთ
ნათავთავებ
სიტყვასა და ფუყე მტევანს,
დათოვლილი ყორნებივით
მოგვწონს თავი,
გველის ტყავით
როცა
სხვათა მზეზე ვთვლემთ და
ვერ ვფხიზლდებით,
ვერ ვინთებით,
ვერ ვუტყდებით...
_ ერთმანეთის
სიყვარული ვერ ვისწავლეთ...
ნათლის სვეტად ჩაგვიდგება,
შეგვახსენებს:
_ დიდგორიდან
ნუ მივდივართ
კრწანისამდე!!!

study
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3860
Registration date : 09.11.08

PostSubject: Re: თამარ ლომიძე   Wed Jan 11, 2012 3:24 pm



წიგნის დასახელება - "კარიუსი და ბაქტუსი"
ავტორი - თურბიორნ ეგნერი
გამომცემლობა - "უსტარი"
გამოცემის წელი - 2012
მთარგმნელები - თაკო ლომიძე, სვენდ ვოგე (ნორვეგიულიდან თარგმნილი)


study
Back to top Go down
View user profile http://armuri.4forum.biz
Sponsored content




PostSubject: Re: თამარ ლომიძე   Today at 8:43 am

Back to top Go down
 
თამარ ლომიძე
View previous topic View next topic Back to top 
Page 1 of 1

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: