არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანი"სიმღერიდან სიტყვამდე". * მიხო მოსულიშვილი„ჰელესა“ (კინორომანი). * თამარ ლომიძე"ზღვარი" (ლექსები).
* ანრი გიდელი"პიკასო" (ბიოგრაფიული რომანი) * გიგი სულაკაური"ხეტიალი" (ლექსები. რჩეული) * ბელა ჩეკურიშვილი"შეკითხვად სიზიფეს" (ლექსები)
* ლაშა ბუღაძე"ნავიგატორი" (პიესა). * ნინო ქაჯაია (მთარგმნელი)უილიმ გოლდინგი - "ბუზთა ბატონი" (რომანი) * ზაზა თვარაძე"სიტყვები" (რომანი).
* მიხეილ ანთაძე"საიდუმლოებით მოცული უ.შ", "სინქრონისტულობის პრინციპი". *
* რადიარდ კიპლინგი - "აი ასეთი ამბები" (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძე"ვახტანგური" (ლექსები. რჩეული)
* მიხო მოსულიშვილი"დიდი ძუ დათვი" (რომანი). * ნინო ნადირაძე"VIA SOLIS" (ლექსები). * მარიამ ხუცურაული"სანათა" (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling). * გივი ალხაზიშვილი"ეპისტოლეთა წიგნი" (ლექსები).
* ბესიკ ხარანაული"მთავარი გამთამაშებელი". * მიხო მოსულიშვილი"სულის მდინარე" (თორმეტი ნოველა). * ნინო სადღობელაშვილი"ფრთები და ხელები" (ლექსები).
* მამუკა ხერხეულიძე„ომში, როგორც ომში“ (მოთხრობები). * ნატა ვარადა – „დედის კერძი“ (მოთხრობები). * ზაალ სამადაშვილი – „ავტოპორტრეტი წიგნების ფონზე“ (მოთხრობები). * ვაჟა ხორნაული – „როგორც ბაღიდან...“ (ლექსები). * ირაკლი ლომოური – „ავტონეკროლოგი“ (მოთხრობები).
* მანანა ანთაძე (მთარგმნელი)ტენესი უილიამსი - Camino Real (პიესა). * თამარ ბართაია, დავით გაბუნია, ნინო მირზიაშვილი, მიხო მოსულიშვილი, ნანუკა სეფაშვილი, ირაკლი ცხადაია„ქართული პიესა 2012“ (ექვსი პიესა).
* ნატა ვარადა – "დედის კერძი" (მოთხრობები). * თამრი ფხაკაძე – "ბოსტანი კონფლიქტის ზონაში" (მოთხრობა). * რიუნოსკე აკუტაგავა – "დიალოგი წყვდიადში" (მოთხრობები).
* გიორგი კაკაბაძე"ნიკო ფიროსმანი" (ბიოგრაფიული რომანი). * მიხო მოსულიშვილი – "ვაჟა-ფშაველა" (ბიოგრაფიული რომანი).

Share | 
 

 ბესიკ ხარანაული

View previous topic View next topic Go down 
Go to page : Previous  1, 2, 3, 4, 5, 6  Next
AuthorMessage
არაბული
Into Armury
Into Armury


Male
Number of posts : 190
Age : 25
Location :
Job/hobbies :
Humor :
Registration date : 27.12.08

PostSubject: Re: ბესიკ ხარანაული   Thu Jul 09, 2009 1:05 am

ერთი სული მაქვს ამ წიგნის გამოცემისა....

დიდი მადლობა სანათას აქ მოტანილი ამონარიდისთის.....

იმ წიგნითაც (ორივ ფურცელი ცის და მიწისა) ძალიან გამახარა სანათამ.... ძალიან დიდი ხანი გამყვება ეს მადლიერება.... წავიკითხე და (სულ ვკითხულობ) აი იცით როგორი წიგნია?.. რომ არ გინდა დამთავრდეს, (ეს სიტყვები რამდენადაც ბანალურად არ უნდა მოგეჩვენოთ) დღეს ასე რამდენიმე წიგნზე იტყვის კაცი.... ჰო და ეგრეა ვკითხულობ და ფურცლებს წინ-უკან , წინ-უკან ვშლი.... ეს დიდხანს გაგრძელდება, ძალიაბ დიდხანს.... ახლიდან წაკითხვა წაკითხული გვერდისა თუ ფრაზისა სულ განსხვავებულ შთაბეჭდილებას ტოვებს წინასთან შEდარებით... ააი ეგაა ჩემი აზრით პოეზია.... თან რო ვკითხულობ, ხუცესის ლოცვასავით მესმის... ნაქადაგარებს გავქს ... ბესიკ ხარანაული ხო ჩვენი დროის უდიდესი პოეტია....მართლაც სულია საქრათველოსი და ქართული პოეზიისა......... აი ასე გამიგძლედა სიტყვა... კორექტურაც იყოს... უბრალოდ განწყობამ მოიტანა... წავალ ახლა ისევ მივუბრუნდები იმ გენიალურ წიგნს.... ჰო კიდევ "ამბა ბესარინზეც' მინდოდა რაღაცის თქმა... მანამდე კი ერთი ფრაზა რომელიც დამამახსოვრდა ( "კაცმა გაამჟღავნა გულისნადები და მარტო დარჩა.." ) მოვალ კიდევ აქ და დავწერ ხოლმე ხო რაღაცებს?... წავედი, წავედი.... კიდევ და კიდევ მადლობა სანათას....
Back to top Go down
View user profile http://lib.ge/
Guest
Guest



PostSubject: Re: ბესიკ ხარანაული   Thu Jul 09, 2009 1:35 am

სანათა wrote:
"მარათალია, ჩვენში ისე არავინ გაბრიყვდება, რომ ერთ-ორ სტრიქონს ლექსი უწოდოს, მაგრამ არიან ჭეშმარიტებას აცდენილი ადამიანები, რომლებიც სულ სხვაგვარად სჯიან. ამათ აზრით პოეზია არის ერთხელ და სამუდამოდ შობილი სიტყვების ერთადერთი რიგი, რომელიც მის ავტორს ჩაესმის ჰაერის მეშვეობით და რომელთა შეცვლის უფლებაც არა აქვს. ის ვერ გაასწორებს სიტყვას, ვერ წაშლის, სხვას ვერ ჩასვამს... ვერ იმკითხავებს რაა ზედმეტი ან რა აკლია. სიტყვები მას თვლითა და წონით ეძლევა, ერთმა მარცვალმაც კი შეიძლება არიოს სასწორი.

კაცობრიობას რომ ჭკუა ჰქონდეს, ასეთი ნიჭის მქონე პოეტს გაუშვებდა სრულიად თავისუფალს, _ იქნება რამე ჩაესმას სულელს! ამდენი ინსტიტუტები აქვთ და გასაიდუმლოებული ლაბორატორიები, ქადაგი კი ერთიც არა ჰყავთ...
რამ უნდა მიიზიდოს სამყაროს სიტყვა თუ არა პოეტმა?

მეორენაირ ვარიანტში, ანუ, როცა ლექსს ავტორი თვითონა წერს საკუთარ ძალებით, წინ და უკან ბოლთის ცემით და ტუჩების კვნეტით, ნება ეძლევა, თავის ნაწერს როგორც უნდა ისე მოიქცეს: შეუძლია ათასჯერ გაასწოროს, შეამციროს, გაზარდოს, გამოკვეროს, გააშალაშინოს... წაიღოს რედაქციაში, დადოს ლიტერატურულ საიტზე, გაიმარჯვოს ერთი ლექსის ნომინაციაში და ა. შ. "

Arrow

პირველ ვარიანტს მე ამოთქმულებს ვეძახი, მეორეს - დაწერილებს.
სამწუხაროდ, პირველი ცოტაა და მეორე - ბევრი...

და მართალია გიო, "ორივ ფურცელი ცისა და მიწის" - ეს პოემა ხევისბერის ქადაგებასავით არის... წასაკითხი კი არა, მოსასმენი...

ბესიკ ხარანაულისა - მე მარტო ლექსები მომდის ჭკუაში. როგორც კი პროზის დაწერას შეეცდება, იქვე შეეტყობა ხოლმე, რომ პოეტია მხოლოდ და მხოლოდ... და განა ცოტაა კარგ პოეტად ყოფნა ამ ჩვენ პოეტების ქვეყანაში?

study
Back to top Go down
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Thu Jul 09, 2009 7:34 am

ბობო wrote:

ბესიკ ხარანაულისა - მე მარტო ლექსები მომდის ჭკუაში. როგორც კი პროზის დაწერას შეეცდება, იქვე შეეტყობა ხოლმე, რომ პოეტია მხოლოდ და მხოლოდ... და განა ცოტაა კარგ პოეტად ყოფნა ამ ჩვენ პოეტების ქვეყანაში?

study

ახალი გულწრფელობის ხანა


ნუ დაგიჩემებიათ ეს სიკეთე! სამყაროში სიკეთე არ არსებობს. არც სასწორი უდგათ სამყაროში.
ადამიანის საფუძველს ბუნება წარმოადგენს და არა ზნეობა.
ადამიანი მათ შორის, როგორც ორ ყბას შორის.

დაწერ ლექსს, მოთხრობას, რომანს და მიემატება აჩრდილებს ზღვაში. ამიტომაც უნდა დაწერო “რაღაც” _ რაც შენამდე ხმა მოვიდა სამყაროს ძაბრიდან.
ბუნებაში სულ მიმოდის _ საგანი, გრძნობა, ამბავი და დრამატურგია, სულ დიალოგებია მავთულებივით გაბმული, მაშინაც კი, როცა კაცი მხოლოდ საკუთარ თავს შეაგონებს, მიმოდის _ “რაღაც”.
დაწერე “რაღაც”!
ფორმის ძებნაში ბევრი დაგრჩა შეუგრძნობელი, მკრთალი როა, სახელშეურქმეველი,
სულ ჰაერზე გეწყოს ფურცლები, რადგან დრო სწრაფია, მიღებულ წესებს ნუ მიჰყვები, დაწერე “რაღაც”!
ბუნებას გაზაფხულს ვერ გამოძიძგნი.
ივლი იმას, რაც დახაზულია და სად უნდა წაიღო ზედმეტი, თუ არა ცეცხლში?
სად წაიღებ კმაყოფილებას, თუ არა შხამში?
მოკვდა პოეზია, რომელიც იყო დილის მზის წყალობით,
სიტყვამ უნდა ის დაასახელოს, რაც არ გამოსჭვივის.

ადამიანს არ უნდა თავის ინდივიდუალობის დაკარგვა. ამიტომ ცხოვრებაში თავს მხატვრული ფორმით არ ზღუდავს. ის არც ლექსია, არც რომანი, ის არის დაუსრულებელი თხრობა რაღაცის. მას არ უნდა, რომ პოეზია და სიცოცხლე, როგორც კი ამბავს და ლექსს გასცდება, მთავრდებოდეს.
რადგან: რა არ წაერთმის ადამიანს?
ამბავიც წაერთმის, თავგადასავალიც წაერთმის, არ წაერთმის “რაღაც”, რაშიც ყველაფერზე უფროა მისი სიცოცხლე.
რადგან ის ცხოვრობს “რაღაც-აში”, აზრში, თხრობაში, რომელსაც სახელი რომ შეარქვა, ბრჭყალებში უნდა ჩასვა.
სიკვდილი ბრმაა. თვალახელილი რომ იყოს, ჯალათი იქნებოდა.


შენ გაუშვი შენი სათამაშო ნავი და გიხარია, მიცურავს იგი, გილოცავენ და გიხარია... უცნაურია, შენ გაუშვი შენი ნავი სიმორცხვისათვის, მაგრამ სხვებსაც ართობს იგი და უხარია.


ეგეთი ცოტა არაა ადამიანი, რომ შენ ჩაკეტო სცენისხელა პატარა მიწაზე
და მოისვენო. მე გაჩვენებ სეირს, ბედისწერავ, ისეთ სპექტაკლებს გაგიმართავ კლდის ფიცარნაგებზე, ისეთ ფარდებს დაგიკიდებ მთა-ტყეებისას, ისეთ კულისებს გავიმართავ კლდის ჭიუხებში, ისე ნამდვილს ვითამაშებ, ნამდვილ სისხლს ვიდენ, არც ვარსკვლავებს მოვიკლებ და არც ცხენის ჭიხვინს, გამშველებელი მოგინდება, მაგრამ იცოდე, თანაბართ შორის _ სიკვდილია გამშველებელი.

როგორ ეთიატრებიან ადამიანები ერთი-მეორეს. უთუოდ ბავშვების კარნახით. ესენი ხომ მოსაფსმელადაც არ მიატოვებენ სცენას. ასე იწყება ადამიანში ნარჩენი ცხოველი და იქვე მთავრდება. ნათდება. ცოტახანს კიდევ ჩაითრევენ მელაკუდები მშობლებს თამაშში, მაგრამ ისინი დილიდანვე ადამიანებია. და ეს იმიტომ, რომ მელაკუდებს თამაში შეაწყვეტინეს.




ბესიკ ხარანაული, "სამოცი ჯორზე ამხედრებული რაინდი ანუ წიგნი ჰიპერბოლებისა და მეტეფორებისა"
Back to top Go down
View user profile http://www.geowebi.com/sanatha/
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Thu Jul 09, 2009 7:47 am

"ვინ იცის, რამდენი მხატვრული გაუმხელობაა, ვისაც მთელი არსება წარსტაცა რომელიმე ზუსტმა მეცნიერებამ. გენიას შეუმჩნეველი არ დარჩენია თავისი ნიჭი და არც ბედის ანაბარა დაუგდია; პირიქით, ცხოვრების ყველაზე ჯანსაღ და უალკოჰოლო დროს მას ახმარდა. არ დაღლილა არც ლიტერატურის კითხვით, არც წერით და არც მასლაათით. პოეზია მისთვის შემეცნების ტკბილი, საიდუმლო გზა იყო. სწორედ ასეთმა ფორმალურად არაპროფესიონალურმა ინტერესმა, სწორედ ამ დილეტანტობამ დააწერინა მას ის მნიშვნელოვანი თეორიული წერილი, რომელსაც ძალიან მალე გამოუჩნდა მიმდევრები და რომლის სათაურიც იყო “პოეზიისა და პროზის პირშესაყარი”.
_ მე ვერ ვიტყვი, ადეპტივით, თუ რამდენად ორგანულია ქართველი კაცის ბუნებისთვის პროზა, მე მხოლოდ ის შემიძლია ვთქვა, _ თანაც რიხის გარეშე, _ რომ ჩვენ არც გერმანელები ვართ და არც ფრანგები, ჩვენ ერთ რომელიმე ჟანრში წარმატებას ვერ მივაღწევთ; ჩვენ უნდა ვიღვაწოთ ამ ჟანრების შესაყარზე. მე განათლებით ფიზიკა-მათემატიკოსი ვარ და თუ რამე ნორმალური შევქმენი, შევქმენი მათ პირშესაყარზე. ცალკე ერთ-ერთ რომელიმე დარგში რომ მეღვაწა, ამდენს ვერ მივაღწევდი. მაგალითისთვის, ზუსტი მეცნიერების, ფიზიკა-მათემატიკის დარგით, დიდი წარმატება ხვდა “სისულელის დრეკადობის თეორიას”, ასევე იყო “ჰაერის დამჭერი ძალის” შემთხვევაში. თუნდაც ჩემი წარმატებული ლიტერატურულ-ფილოსოფიური (დაუკვირდით დეფისს, ბოლო ორ სიტყვა-ცნებას შორის რომაა, საინტერესო პირშესაყარია!) ნაშრომი, “სისულელის დრეკადობის თეორია”, ისევე, როგორც სხვა გამოცემები ნაირგვარ გასაყარ-შესაყარზე, განწყობით მიიღო საზოგადოებამ ჩვენშიც და სხვაგანაც და ერთხმად ზუსტი მეცნიერებისა, ლიტერატურისა და ფილოსოფიის სინთეზი უწოდეს. მე “ჰუმანისტურ იდეას” ვიტყოდი, თუმცა მირჩევნია, რომ ის ემსახურებოდეს ადამიანის სამყაროული აგრესიისაგან დაცვის იდეას. ჩემი ნაშრომებით, საერთოდ, მე ადამიანის ადვოკატი ვარ, სადაც გინდა იყოს იგი, აქიდან სამყარომდე.
ადამიანს ადვოკატი არცა ჰყავს და არცა ჰყოლია. სამაგიეროდ მუდამ ჰყავდა მოსამართლე. ზოგჯერ, საუკუნეებში გაიელვებდნენ ხოლმე თითო-თითოდ ეს ადვოკატები, მაგრამ მათ მაშინვე ჯვარზე აცვამდნენ. ასე რომ, ადამიანს დღესდღეობით ჰყავს მხოლოდ მოსამართლე. ადვოკატი არ მოჰკვდომია, რადგან იგი არა ჰყოლია. ცოტაოდნავ, ირიბად და ორჭოფულად, ადამიანს თითქოსდა ისტორია ადვოკატობს ხოლმე, ისიც იმისთვის, რომ ანუგეშოს, _ ამ მზისქვეშეთში ადამიანი მარტო დღეს როდი ითვლება ცოდვილად, მისი ბედი სულ მოსამართლის ხელთ იყოო...

მე, ამ სიტყვების ავტორმა, გადავწყვიტე, რომ ჩემს გასამართლებაზე არათუ ადვოკატზე ვთქვა უარი, არამედ თარჯიმანზეც. დაე, ინავარდოს მოსამართლემ თავის ნებაზე, დაე გავსამართლდე ჩემთვის გაუგებარ ენაზე, და, დაე მსჯავრი გამომიტანონ სრულიად გაუგებარ და უხამს ჟარგონზე. "



ბესიკ ხარანაული, "სამოცი ჯორზე ამხედრებული რაინდი ანუ წიგნი ჰიპერბოლებისა და მეტეფორებისა"
lol! lol!

Back to top Go down
View user profile http://www.geowebi.com/sanatha/
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Thu Jul 09, 2009 7:58 am



მოკლედ, ღმერთმა ქნას, რომ როგორც “სისულელის დრეკადობის თეორიამ” გაითქვა სახელი, გენიას ეს ახალი ქმნილებაც ისევე სინტაქსურად გამართული და ციფრივით ზუსტი იყოს!


(ბესიკ ხარანაული, "სამოცი ჯორზე ამხედრებული რაინდი ანუ წიგნი ჰიპერბოლებისა და მეტეფორებისა")



cheers sunny cheers
Back to top Go down
View user profile http://www.geowebi.com/sanatha/
Guest
Guest



PostSubject: Re: ბესიკ ხარანაული   Thu Jul 09, 2009 8:49 am

drunken

აჰა, თუ არა!..
ფაა-ფუ სიუჟეტი და კომპოზიცია...

pirat
Back to top Go down
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Thu Jul 09, 2009 10:42 am

ბობო wrote:
drunken

აჰა, თუ არა!..
ფაა-ფუ სიუჟეტი და კომპოზიცია...

pirat


ეს არის რამოდენიმე ამონარიდი დიდი ზომის წიგნიდან!
რა უნდა აქ სიუჟეტსა და კომპოზიციას?
ან ფორმას?
ესაა ის, “რაღაც” _ რაც შენამდე ხმა მოვიდა სამყაროს ძაბრიდან."

ესაა “პოეზიისა და პროზის პირშესაყარი”.

ლიტერატურულ-ფილოსოფიური "თხრობა" ის "რაღაც" რაც არ წაერთმის ადამინს და
"რა არ წაერთმის ადამიანს?
ამბავიც წაერთმის, თავგადასავალიც წაერთმის, არ წაერთმის “რაღაც”, რაშიც ყველაფერზე უფროა მისი სიცოცხლე.
რადგან ის ცხოვრობს “რაღაც-აში”, აზრში, თხრობაში, რომელსაც სახელი რომ შეარქვა, ბრჭყალებში უნდა ჩასვა."

და პასუხიც იქავეა, ფორმისა და შინაარსის მჩხრეკელთათვის

Back to top Go down
View user profile http://www.geowebi.com/sanatha/
Guest
Guest



PostSubject: Re: ბესიკ ხარანაული   Thu Jul 09, 2009 11:22 am

სანათა wrote:

რა უნდა აქ სიუჟეტსა და კომპოზიციას?
ან ფორმას?
ესაა ის, “რაღაც” _ რაც შენამდე ხმა მოვიდა სამყაროს ძაბრიდან."

ესაა “პოეზიისა და პროზის პირშესაყარი”.

ლიტერატურულ-ფილოსოფიური "თხრობა" ის "რაღაც" რაც არ წაერთმის ადამინს და
"რა არ წაერთმის ადამიანს?
ამბავიც წაერთმის, თავგადასავალიც წაერთმის, არ წაერთმის “რაღაც”, რაშიც ყველაფერზე უფროა მისი სიცოცხლე.
რადგან ის ცხოვრობს “რაღაც-აში”, აზრში, თხრობაში, რომელსაც სახელი რომ შეარქვა, ბრჭყალებში უნდა ჩასვა."

და პასუხიც იქავეა, ფორმისა და შინაარსის მჩხრეკელთათვის[/b]
[/color]

Arrow

ვთქვა თუ არა, აღარ ვიცი...
მაგრამ...
რა ძაბრი, რის ძაბრი, გინდაც სამყაროსი - აცდენილი მეტაფორა იქნება, თუ შემდგომი ტექსტით არ ახსენი...

"რა წაერთმის და რა არ წაერთმის" - ვინ დაადგინა ეგ?
თუ თვითონ ავტორს რო უნდა, ის - "რაღაცა" არ წაერთვას, იმიტომ ამბობს ეგრე?

მოკლედ, მე ეს პროზა არა მგონია - არც პირშესაყარზე, არც პირგასაყარზე, არც მაღლა, არც დაბლა - არსად...
მე ვფიქრობ, რომ ეს ერთი პოეტის მოუწესრიგებელი ფიქრებია ჩაწერილი და - მორჩა.
Back to top Go down
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Thu Jul 09, 2009 12:45 pm

მეც მაქვს უფლება "სიტყვა ვთქვა", რადგან ყველაფერი წავიკითხე ხარანაულის გამოუცემელის ჩათვლით და მართალიც ვიქნები, თუ ვიტყვი, რომ ამაზე დანაშაულებრივი არფერია,"მოუწესრიგებელი ფიქრი"უწოდო ხარანაულის შემოქმედებას! ან პროზას ან პოეზიას, ან "შესაყარს"
. მაგაშია სწორედ გენიალურობა ამ დიდი ავტორისა, რომ შეძლო ფორმითაც სიახლის მოტანა და დამკვიდრება, და ამ ფორმის შიგნით არის ძალიან დიდი მოწესრიგებულობა, ჰარმონიულობა, სიბრძნე და განსჯა დაყურსული.
ყველა მისი წიგნი, პოემა ერქმევა, თუ რომანი, თუ მათი "პირშესაყარი" არის ხარანაულის! არ ჰგავს არავის! სიახლეა, რომელსაც ადვილდაც ვერავინ გაყვება და გაიმეორებს, რადგან ასეთ მასშტაბით აზროვნება ერთეულთა ხვედრია.
და რაც უმთავრესია, იგი, როგორც ავტორი, არის უდიდესი მაძიებელი... სამყაროს ახალ ფერსა და წახნაგს მატებს, არის ამავდროულად ძალიან ეროვნული, ძალიან ძველი და უახლესიც! მე აქ გამიჭირდება რაღაც-რაღაცის მტკიცება, მაგრამ ხარანაულთან დაკავშირებით ვიტყოდი გულალადა: რომ გენიალურია!!!!! ჩვენ გვაშინებს ეს სიტყვა და ასეც უნდა იყოს, უნდა ვეკრძალებოდეთ და ვშიშობდეთ ამის თქმას, მაგრამ ეს არ ნიშნავს, რომ არ უნდა ვამბობდეთ!
მე ვხედავ და ვგრძნობ, რომ ჩვენ საზოგადოება, რომ თავის სიმაღლეზე იდგას, რომ სახელმწიფოც ზრუნავდეს თავის იმიჯზე, აუცილებლად, გავაერთიანებდით ჩვენს ძალისხმევას "დიდნიც და მცირენიც ამა სოფლისანი" და წარვადგენდით მის შემოქმედებას ნობელზე!!!!!

ამინ! ამინ! ამინ!

ვიცი, რომ ეს აუცილებლად გამოიღებდა შედეგს სწორი პოლიტიკის შემთხვევაში! უამრავი აქ ვერთქმული ფაქტორის გათვალისწინებით ჩვენ ანუ ქართული მწერლობა დიდი წინაპრებისა და თანამედროვეების ჩათვლით , სწორედ ასეთ ორიგინალური, ეროვნული, თანამედროვე და თუ გნებავთ ეგზოტიკური შემოქმედებით მიიღებდა ამ უმაღლეს ჯილდოს!!!


Last edited by bao on Tue Nov 03, 2009 10:28 pm; edited 3 times in total
Back to top Go down
View user profile
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Thu Jul 09, 2009 12:50 pm

და კიდევ დავამატებ, რომ არის ხელოვნება (და ლიტერატურაც მათ შორის), რომლის წაკითხვა ხდება არა გარედან არამედ "შიგნიდან" ! ეს ჩემზე უკეთ იცით თქვენ! ყველამ! და ამაზეც ვიფიქროთ, რატომ შეიქმნა ასეთი ნაწარმოებები სწორედ ამ ათასწლეულთა, და არა მხოლოდ საუკუნეთა "პირგასაყარზე"? scratch
Back to top Go down
View user profile
Guest
Guest



PostSubject: Re: ბესიკ ხარანაული   Thu Jul 09, 2009 1:30 pm

შეიძლება ძალიან დამნაშავე ვარ და ეგრევე დახვრეტა მეკუთვნის, მაგრამ, კიდე დავაზუსტებ, - მე ხარანაულის პროზაზე ვთქვი ჩემი აზრი და არა პოეზიაზე...
Back to top Go down
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Thu Jul 09, 2009 1:34 pm

ბობო, დე, მე მომხვდეს შენი დასახვრეტი ტყვია, მაგრამ თუნდაც პროზაზე გეთქვა, მაინც ასე დავწერდი!

პირობითობები შვენის ხელოვნებას!

და არავინ რომ არაპირებს შენ დახვრეტას, იმადაც ჩაგიდექი წინ და ტყვიას ავეფარე მატროსოვივით! ეგ ხუმრობით და ბესიკზე რაცა ვთქვი, სულ სერიოზულად და სულ აფთიაქარის სასწორზე მაქვს აწონილი, ბაოურადაSmile
Back to top Go down
View user profile
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Thu Jul 09, 2009 3:06 pm

ვახ, ვახ, ვახ, რა ხალხი, რა ხალხი ავიყოლიე!

მიხო, შენ მიყვარხარ ჯიუტ ქიზიყურად, ბაო-ხევსურულად და თქვენ გენაცვალეთ ორივეს სანათ(ა)ურად!

ბესიკს კიდევ ვაკოცებ უჭკვიანეს შუბლზე იმიტომაც და კიდევ იმიტომ, რომ ახლა მითხრა, მოდითო, თქვენზე უკეთესი ვეინ გამაცილებსოოოო!


cheers cheers cheers
Back to top Go down
View user profile http://www.geowebi.com/sanatha/
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Thu Jul 09, 2009 3:30 pm

სანათ, სკაიპის ბენზინი გამოგელია?
Back to top Go down
View user profile
nini
Into Armury
Into Armury


Female
Number of posts : 673
Registration date : 17.11.08

PostSubject: Re: ბესიკ ხარანაული   Tue Sep 22, 2009 7:26 pm




აქ მოუსმენთ
http://www.lyrikline.org/index.php?id=60&a...Hash=a5315cdb22


აქ ნაირა გელაშვილის ძალიან კარგ ესეს წაიკითხავთ

თანამედროვედ ყოფნის ნიშნები

http://lib.ge/body_text.php?1144

Back to top Go down
View user profile
nini
Into Armury
Into Armury


Female
Number of posts : 673
Registration date : 17.11.08

PostSubject: Re: ბესიკ ხარანაული   Tue Sep 22, 2009 7:27 pm

ესეც ინტერვიუ ხარანაულთან


ავტორი: ნანა კობაიძე


როდიდან აღიქვამთ თქვენს თავს მკითხველად და ვისი შემოქმედების მკითხველი ბრძანდებით?

მინდა იმით დავიწყო, რომ მკითხველი ისევე იბადება, როგორც შემოქმედი. ბევრ ჩემს მეგობარს, ნამდვილ მკითხველს, უკვირს, რომ მათი შვილები და შვილიშვილები წიგნს არ ეტანებიან. წიგნს ბევრი რამ ჩაენაცვლა, მაგრამ ნამდვილი მკითხველი მაინც შერჩა.
პირადად ჩემზე თუ ვისაუბრებთ, შეიძლება ითქვას, უხსოვარი დროიდან ვკითხულობ. დედაჩემი (იგი ქართული ენის მასწავლებელი გახლდათ) და მისი მეგობარი - მირზა გელოვანის და - რუსუდანი, თავად იყვნენ მკითხველები. ისინი მხოლოდ ლიტერატურით ცხოვრობდნენ. აქედან გამომდინარე, მეც ვკითხულობდი. საბედნიეროდ, მაშინ არაფერი იყო ისეთი, რაც წიგნს ჩაენაცვლებოდა. მაგრამ, სამწუხაროდ, წიგნები ძალიან ცოტა იყო. ჩვენი საოჯახო ბიბლიოთეკა მთლიანად რომ ავითვისე, სხვენს მივაკითხე. მაშინ არ ვიცოდი, რომ იქ აკრძალული წიგნები ინახებოდა. რამდენიმე ჩამოვიტანე, მათ შორის, მიხეილ ჯავახიშვილის "არსენა მარაბდელი", გრიგოლ რობაქიძის "გველის პერანგი" და გალაკტიონ ტაბიძის ერთტომეული (გალაკტიონი აკრძალული არ იყო, მაგრამ ეს გამოცემა მირზა გელოვანის ნაჩუქარი იყო მისსავე წარწერით. მირზა კი იმ დროს რაღაც მიზეზით ტყეში იმალებოდა. როგორც ჩანს, შეშინებულმა დედაჩემმა ეს წიგნიც გადამალა). ჩამოვიტანე და ჩუმად ვკითხულობდი. მერე გავთამამდი და ღიად დავაწყვე. ერთ მშვენიერ დღეს ისინი ისევე უჩუმრად გაქრა, როგორ უჩუმრადაც ჩამოვიტანე სხვენიდან. არც მე მიკითხავს დედაჩემისთვის მათი ადგილსამყოფელი და არც დედას უთქვამს, რომ ეს აკრძალული ლიტერატურა იყო. აი, ასეთ ცუდ დროში ვცხოვრობდით.

თქვენთან საუბრისას ვერ გავექცევით ვერლიბრის თემას. ამასთან დაკავშირებით სხვადასხვა, სრულიად საწინააღმდეგო მოსაზრებები არსებობს. მაგალითად, უილიამ კარლოს უილიამსი წერს, "ერთადერთი ფორმა, რომლითაც შეიძლება ადეკვატურად გადმოსცე თანამედროვე ცხოვრება, თავისუფალი ლექსია". იოსიფ ბროდსკის აზრით კი ვერლიბრი მათი ხვედრია, ვისაც არ ყოფნის ოსტატობა, წეროს ტრადიციული სალექსო ფორმით. თქვენი შეფასება.

ამ ორივე დიდ პოეტს თავისი წილი სიმართლე ალაპარაკებდა. ისეთ დიდ პოეტს, როგორიც რობერტ ფროსტია, ძალზე სხარტი გამონათქვამები ჰქონდა ვერლიბრის წინააღმდეგ. ვერც ბროდსკი და ვერც ფროსტი ვერ შეეგუებოდნენ იოლი გზით პოეზიაში სიარულს. მათი რეაქცია, რომელიც უთუოდ იმდროინდელ ამერიკულ ლიტერატურულ სინამდვილეს ემყარებოდა, სრულიად ბუნებრივია. მაგრამ თქვენ ახსენეთ სიტყვა "ხვედრი", რომელიც მხოლოდ ბროდსკისეული გაგებით არ იხმარება. ეს ძალზე მნიშვნელოვანი სიტყვაა და უფრო მაღლა დგას, ვიდრე ლექსის წერის უნარი.

და ისევ ვერლიბრზე. რა ბედი ელის მას ოცდამეერთე საუკუნეში?

გულწრფელად რომ გითხრათ, ნამდვილად არ ვათენებ და ვაღამებ იმაზე ფიქრით, რა მოუვა ლექსს და როგორ განვითარდება. მე თვითონ პოეზია მიყვარს და არა ლექსის ესა თუ ის ფორმა.

ლიტერატურული გავლენის შესახებ მინდა გკითხოთ. ეთანხმებით თუ არა მოსაზრებას, რომ მწერალი მისი შემოქმედების გარკვეულ ეტაპზე აუცილებლად განიცდის ვისსამე ზეგავლენას. ანუ, თუ არ ყოფილხარ შეგირდი, ვერც კარგი ოსტატი გახდები.

პოეზია უამრავ საუკუნეს ითვლის და ამიტომ, რაც დრო გადის, მნიშვნელოვანია თვითნაბადი ავტორი და არა კარგად ნაწრთობ-ნაშეგირდალი. თუმცა, პოეტისთვის ისეთივე განმსაზღვრელია ბედისწერა, გენეტიკა, როგორც წყლისთვის მისი შემადგენელი მინერალები, რომელიც საბოლოოდ მის გემოსა და ხარისხზე აისახება.

თქვენს ახალ პოემაზე მინდა გკითხოთ. კრიტიკოსები მიიჩნევენ, რომ "წიგნი ამბა ბესარიონისა" ახალი ეტაპია თქვენს შემოქმედებაში.

მე მინდოდა დამეწერა დემოკრატიული ნაწარმოები, სადაც მკითხველი თავს ავტორადაც იგრძნობდა. ჩემი აზრით, ხელოვნება ცდილობს, ჩამოიშოროს საფარველი, გაშიშვლდეს, რათა უკეთ დაენახვოს თავის თავს - თითქოს ადამისდროინდელ სიშიშვლეს ესწრაფვოდეს. ხელოვნების ნაწარმოები ადამიანის ხელით არის შექმნილი და იმავე ადამიანის მიერ დადგენილ კანონებს ემორჩილება. მაგრამ არის კი ეს რეალობის ნამდვილი გამოხატვა ან თუნდაც ხელოვნების ჭეშმარიტი არსი? ჩემი აზრით, ხელოვნების ჭეშმარიტი არსი, მიზანი და მიზეზი საკუთარი თავის ძიება და გამოხატვაა. განა, შესაძლებელია, ძიება იყოს სტრუქტურულად შეზღუდული? პირიქით, ყველა მოვალეა ეძიებდეს. მე არ მინდოდა ტრადიციული ნაწარმოები, სიუჟეტი, გმირი. წიგნში განუწყვეტლივ შეხვდებით მიჯნებს, რომლებიც ყოველ ფეხის ნაბიჯზე ირღვევა, რადგანაც ამოსავლად აღებულია ცნობიერების ის ქვედა ზღვარი , რომელიც პირობითად გადის ნორმალურსა და არანორმალურს, ბავშვსა და კაცს შორის... სამივე გმირი - ბავშვი, გიჟი და პოეტი აქ ერთია და ერთი საზრუნავი აქვთ, დაეწიონ საკუთარ თავს. ამიტომ მიდიან და მილაპარაკობენ, იხსენებენ და ივიწყებენ, თხზავენ, ფიქრობენ, ანუ ცხოვრობენ ადამიანის აგებულების მიხედვით და იმის მიხედვითაც, რომ პოეტმა ძალიან ღრმად რომ იცოდეს რამე, მაშინ საჭირო აღარ იქნებოდა.

"ღმერთო ჩემო, რა მკვდარია ლიტერატურა" - ამბობს ერთგან ამბა ბესარიონი. ხომ არ დააკონკრეტებდით რას გულისხმობთ?

აქ ლიტერატურის როლზეა ლაპარაკი, მწერლის სიმხდალეზე. თანამედროვე ლიტერატურა მოიდედლებს. მე კი მგონია, კლასიკური სიმაღლეების დათმობა არ შეიძლება. არ შეიძლება, ასე მწარედ მიეტანო ცხოვრებას, პოეტმა არ უნდა გააკეთოს აქცენტი ცხოვრებაზე!

თქვენს ლექსებს ვკითხულობდი საქართველოზე და რამდენიმე ისეთი აღმოჩნდა, რომელნიც ძალზე ეხმაურება თანამედროვეობას. რა არის ეს, პოეტის წინათგრძნობა, ინტუიცია თუ უბრალო დამთხვევა?

საქართველოზე ლექსის დაწერა არც მოვალეობაა და არც თავმოსაწონებელი. უბრალოდ, ეს არის ლექსი ძალზე სათუთ საგანზე, რომელიც მხოლოდ მაშინ უნდა დაწეროს კაცმა, როცა მის გულს ძალიან მოუნდება.

როდის დაწერეთ?

თუ არ ვცდები, 2000 - 2001 წლებში. საერთოდ, ლექსს თარიღს არ ვაწერ. მგონია, რომ არ არის საჭირო. არც ხელნაწერების შენახვა მიყვარს. ჩვენ ხომ ყველა წამსვლელები ვართ! რჩება ხოლმე ზედმეტ ბარგად და შთამომავლებმა აღარ იციან - რა იყონ.

კომენტარები, რომლებიც თქვენი ლექსების კრებულს ერთვის, არანაკლებ საინტერესოა, ვიდრე თავად ლექსები. ასე მაგალითად, კომენტარი "ტექსტის" შესახებ, ფაქტობრივად არის ესსე. დამეთანხმებით, ასეთი მიდგომა კომენტარებისადმი ქართულ სინამდვილეში არცთუ ტრადიციულია.

ავტორს ლექსის მიღმა ძალიან ბევრი რამ რჩება. ლექსი ამაში არც დამნაშავეა და არც არაფერს კარგავს. კარგავს ავტორი, რომელსაც აშიებზე ძალზე ბევრი რამ აქვს დასაწერი. სწორედ ის, რასაც ავტორი აშიებზე წერს ან დაწერდა, არის კომენტარი. ძირითადად, ჩვენთან კომენტარი მხატვრულ ტექსტად არ ითვლება, არადა, იქაც ხომ თამაშობს და ლივლივებს აზრი. თავად პოეტიც ხომ იქ რაღაცებს "ახურებს". გახურებაც ხომ ძალზე მნიშვნელოვანია.

პოეტები რომ პროზის წერას იწყებენ, ამაზე რა აზრის ხართ?

კაცმა რომ თქვას, რა გახსოვთ რომელიმე დიდი რომანიდან? გახსოვთ ის, რაც პოეზიაა, ანუ ძალიან ცოტა. ხუთი ტომიდან რჩება თხელი რვეულისხელა ცოდნა. პროზა რა არის? ის, რაც ზედმეტია? პოეზია ყველაზე მნიშვნელოვანია, ამიტომ არიან დიდი პოეტები ბევრნი, დიდი პროზაიკოსები ცოტა.
Back to top Go down
View user profile
nini
Into Armury
Into Armury


Female
Number of posts : 673
Registration date : 17.11.08

PostSubject: Re: ბესიკ ხარანაული   Tue Sep 22, 2009 7:27 pm

გივი ალხაზიშვილი

ასე ამბობდა `ამბა-ბესარიონი~

ბესიკ ხარანაულის პოემაში წაშლილია ზღვარი პოეზიასა და პროზას შორის.
ამბავი, ავტორი რომ გადმოგვცემს და ლირიკული პერსონაჟის პოეტური წიაღსვლები, სენტენციები, განსჯა, რიტორიკული ჩანართები, ნაივური პოეზიისათვის დამახასიათებელი უკიდურესი, საშიში გულწრფელობა, მოულოდნელობებით აღსავსე ემპირიულ დაკვირვებათა სინთეზი, ქაოტური შთაბეჭდილებების მოხელთების და ერთიან არქიტექტონიკაში მოქცევის მცდელობაა.
ჟანრობრივი ეკლექტიკა დიდ თავისუფლებასთან ერთად, შესაბამისად, დიდ რისკთანაა დაკავშირებული და ავტორს დანის პირზე უწევს სიარული. როგორც `წერილის~ (ასე განვსაზღვრავ პირობითად ჟანრს) დინამიკა ააშკარავებს, მას წინასწარ არ განუსაზღვრავს, გზა საით მიდის. ასეთი სვლის ლოგიკური ფინალი ისევ და ისევ თვითირონიას გულისხმობს და მძლავრი პაროდირების მუხტს, როგორც გარდაუვალ და ერთადერთ შედეგს, რადგან მიუხედავად მკვეთრად დასახული მიზნისა, რომელსაც შეიძლება ასევე პირობითად `შეცნობის~, `შემეცნების~, `შეგრძნების~, `ამოხსნის~ `მძლავრი სურვილი~ ვუწოდოთ, რაც თავისთავად დამახასიათებელია იმ სულიერი ბიძგისა, ცნობიერების ნაკადის სახელით რომ ვიცნობთ და იმ ჩანაწერების თუ ციტატების სიუხვე, ილუსტრაციის ფრაგმენტებს რომ წარმოადგენს, ქმნის პარადიგმულ სამყაროს, ლირიკულ გმირთან ერთად რომ მიემართება `ამოხსნის~ სურვილიდან ამოუხსნელი დასასრულისაკენ. პაროდირების, თვითირონიის აუცილებლობა `წერილის~ ფინალში იკვეთება, რადგან ჩანს, რომ მუდმივი დაძაბულობის გაგრძელება ისევე შეუძლებელია, როგორც მუდმივი მოცალეობა ან განცხრომა. ტრაგიზმი, რითაც აღსავსეა დასახული მიზნის აბსურდულობა, რომელსაც ლირიკული გმირი მძაფრად გრძნობს, ერთადერთ სწორ და ლოგიკურ ფინალს გვთავაზობს.
`მე ვარ მამალი`… – ფშავურ ფარდაგზე მიხატულ მამალთან თავის გაიგივებიდან ამ `წერილამდე~ ბევრი რამ შეიცვალა და განვითარდა ბესიკ ხარანაულის პოეზიაში, თუმცა მთავარი უცვლელი დარჩა, კერძოდ კი ის, რომ ბესიკ ხარანაული პირველყოფილი, არქაული სულის ნაშიერია და იგი გაჟღენთილია ჭეშმარიტი ნაივურობის მსოფლგანცდითა და ამავე დროს თანამედროვე სულისკვეთებით, რაც თავისთავად ნიშნავს კლასიკური პოეზიის ჩამოყალიბებამდე არსებულ სამყაროსთან დაბრუნებას, როცა ჯერ კიდევ არ იყო ერთმანეთისგან მკვეთრად გამიჯნული ჟანრები და არქეტიპური ცნობიერება ისევე ძველია, როგორც მამლის ყივილი, რომელიც ახლაც კი, როცა გვესმის, თავისთავად გულისხმობს უხსოვარ წარსულს და იმ უცნაურ პირველყოფილ გულწრფელობას, რაც ასე საგრძნობია ბესიკ ხარანაულის პოეზიაში და ამავდროულად თვითკმარია. ეს კი, თავისთავად, იმას ნიშნავს, რომ მიმდევრები, რომლებიც ბესიკ ხარანაულს გაუჩნდნენ, იმავე ორბიტაში იტრიალებენ მანამ, ვიდრე ადგილს არ მოინაცვლებენ, სხვაგვარად, ისინი ამავე ორბიტაზევე გაუჩინარდებიან, რომლის განვითარების შანსი, ჩემი აზრით, სხვისთვის ნაკლებად არსებობს.
როცა ბესიკ ხარანაულის სამყაროს თავისებურებაზე ვსაუბრობ, არ უნდა დაგვავიწყდეს ასევე ის გარემოება, რომ ამ გზის ამრჩევს, ანუ პოეტს სრულად აქვს გაცნობიერებული არჩევანის სირთულე, მშვენივრად იცის, რომ კლასიკური, კონვენციური ლექსი, ე. წ. ცივილიზებული ფორმები, სტროფული სტრუქტურები, მუსიკასთან წილნაყარი პროსოდიული მეტყველება მისი ბუნება არაა. იგი ეძებს და პოულობს კლასიკამდე არსებულ თვითნაბად ფორმებს, რაც მის ნიჭს შესაძლებლობას აძლევს სრულად გამომზეურდეს. იგი თავს არ იზღუდავს კანონიკური სალექსო საზომებით და მედიტაციურ დინებას მინდობილი აღმოაჩენს ქაოსური თავისუფლების დისჰარმონიულ უსასრულობას, რომელიც ყოფიერების ფარგლებში გადმოსული რაღაც ნოსტალგიას გვაგრძნობინებს, თან მუდამ იმ გაელვებულ დროზე მიგვანიშნებს, რომლის შექმნის თუ რესტავრაციისთვისაც იღვწის პოეტი.
`წერილში~ გაბნეული სენტენციები, ციტატები, სჯანი ასევე ეკლექტურია და გულწრფელობის ფონი, რომელიც არა მარტო ხალხური პოეზიიდანაა გადმოზრდილი მის სამყაროში, არამედ თვითონაა აღჭურვილი ამ ბუნებით, ეპისტემათა კონოტაციები, რემინისცენციები, ალუზიები, გამორჩეულ მოზაიკას ქმნის. პირველქმნილისა და ეპისტემათა ამგვარი შერწყმა მაფიქრებინებს, რომ `წერილი~ რაღაცით ენათესავება სახარების აპოკრიფული ტექსტების ცალკეულ მონაკვეთებს და, რაც მთავარია, თუ არ ვცდები, შეგნებულად მიგვანიშნებს `ასე ამბობდა ზარატუსტრასთან" არა მხოლოდ ფორმალურ ნათესაობაზე, არამედ ფილოსოფიის, პროზისა და პოეზიის შერწყმის მცდელობაზე, რომლის არაერთ მაგალითს იცნობს ცივილიზაციის ისტორია.
ბესიკ ხარანაულის `წერილი~ სწორედ ამ მრავალმხრივობითაა საინტერესო და კიდევ იმით, რომ საგულისხმოა ინტერტექსტუალურ და ნაივურ მეტამორფოზათა დანიშნულებისა და არსის გათვალისწინება. საგულისხმოა აგრეთვე `სიბრძნის დარგისთვის~ დამახასიათებელი იგავური და აფორიზმული მეტყველების დომინანტურობა ბესიკ ხარანაულის `წერილში~.
უნდა აღინიშნოს აგრეთვე ისიც, რომ ამგვარი `წერილი~ სრულიად განსხვავებული მოვლენაა და იგი სიტყვიერი კულტურის ამოუწურაობის კიდევ ერთი დასტურია. ინტუიციას თუ დავეყრდნობი, ვიტყვი, რომ ბესიკ ხარანაულის `წერილი~, ალბათ, შობს ახალ ვარიაციებს ახალგაზრდა პოეტების შემოქმედებაში, რომელთა მზერა კარგა ხანია მიპყრობილია იმ სტრუქტურათა რღვევისაკენ, რომელიც ვერ დაძლიეს და… როგორც ოსტატებმა ვერ შეძლეს განსაკუთრებულ მდგომარეობაში გამოეჩინათ თავი…
ბესიკ ხარანაულის ესთეტიკა, თავის თავში რომ გულისხმობს პირველქმნილი სამყაროსა და თანამედროვე სულისკვეთების სინთეზს, მნიშვნელოვანი მოვლენა და უცნაური მცდელობაა ჟანრობრივი შერწყმისა.
Back to top Go down
View user profile
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Tue Nov 03, 2009 6:02 pm

ეს არის ბესიკ ხარანაულის მიერ წლების წინ დაწერილი და დღემდე გამოუქვეყნებელი სალაღობოები... რა თქმა უნდა, ვინც პირადად არ იცნობს ბატონ ბესიკს და მხოლოდ მისი ღრმა შინაარსიანი ლექსები და პოემები წაუკითხავს, მათთვის ძნელი წარმოსადგენი იქნება, ლაღი და მხიარული ბესიკ ხარანაული.
ძალიან მალე, 2009 წლის 11 ნოემბერს ბესიკ ხარანაული 70 წლის ხდება. როგორც გავიგე, "ლიტერატურული გაზეთი" 13 ნოემბრის ნომერში ბეჭდავს პოეტის მიერ "უხამს ლექსებად" სახელდებულ სალაღობოებსა და უჩვეულოებს.

მეფე-პოეტი

ეჰ, ჩემო თავო, ბედო და
სისუსტევ, სიბერეო და,
ბნელში ვიწექი მარტუა,
თავი ბალიშზე მედო და,
ლექსთ ვიგონებდი ბეჩავთა,
სხვა არა მეგონებოდა.
შემოჰყვა დედა ქალებსა,
სანათურს ინათებოდა:
_ მაგან თუ თავი მოგთხოვათ,
უარი არ შაჰბედოთა!

ცუკანი

ცუკან გარეთ გამოვიდა,
საფსმელადა, ლამფაითა,
შხივილ წამააღებინა,
მე მეგონა, ცა დაიქცა,
_ ეჰ, ნეტავი, ჩემო თავო,
მიწაიმც გქნა, ბალახიმცა,
რა მალევ განედლდებოდი,
მკვდარიმც იყო, ნალახიმცა!..
Back to top Go down
View user profile http://www.geowebi.com/sanatha/
Tekle



Female
Number of posts : 9
Age : 24
Location : Tbilisi
Job/hobbies : moscavle var :)
Humor : ...
Registration date : 29.09.09

PostSubject: Re: ბესიკ ხარანაული   Sun Nov 08, 2009 9:26 pm

"მას, ვისაც მცირე ელდაც ჰყოფნის,
რათა დაფეთდეს,
ღმერთი დიდ ტანჯვას არ მიაყენებს."

ბ.ხარანაული
Back to top Go down
View user profile
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Mon Nov 09, 2009 5:25 pm

70wlis besik xaranauli

da SegviZlia, pirdapir mividet da mivulocoT "qaravanSi'
da wignic vixiloT?

maS, rarac velodebiT?
meCvidmete magidastan, mesame skami cemia!! stuk! stuk! stuk!
Back to top Go down
View user profile
ეკატო (ეკა ტალახაძე)
Front of Armury
Front of Armury


Female
Number of posts : 55
Age : 43
Location : თბილისი
Job/hobbies : სიტყვა
Humor : რას იტყვის ,,მეოთხე?"
Registration date : 23.07.09

PostSubject: Re: ბესიკ ხარანაული   Tue Nov 10, 2009 7:58 pm

,,უშნოსთვის იოლია თავს პატიოსნება მოსთხოვოს, ლამაზისთვის კი – ძნელი. პოეტი ბავშვობიდან ცოდვებს ეთამაშება, ამიტომ ცოდვებმა იციან პოეტის სული/სუნი და სიბერეში აღარ კბენენ. ყველა ბერდება, პოეტის გარდა. პოეტი ყველა ასაკში ახალგაზრდაა. თუ მისი გაგება გინდა, მოუსმინე: ლექსით გვარსა და სახელს გეტყვის, რომანებით კი ვინაობას გაგიმხელს."
ბესიკ ხარანაული

ჰოდა, ხვალ კიდევ ერთხელ გავიგოთ ამ ადამიანის ვინაობა study
[b]
Back to top Go down
View user profile http://www.radio1.ge/FullShow.aspx?ShowID=15
ჯალალი
Into Armury
Into Armury


Female
Number of posts : 222
Registration date : 11.11.08

PostSubject: Re: ბესიკ ხარანაული   Tue Nov 10, 2009 9:12 pm

მეც მოვდივარ,სადმე კუთხეში დამაყენეთ...Smile

sunny
Back to top Go down
View user profile
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Wed Nov 11, 2009 12:40 am

"ღრუვში ლექსჩასხმული, ტყე-ბალახჩაცმული" ბესიკ ხარანაული ხვალ 70 წლის ხდება.
მადლობა ღმერთო, დღეს საღამოხანს ჯანიანი, ხალისიანი იჯდა სახლში და შვილებსა და შვილიშვილებთან ერთად აზუსტებდა ხვალინდელი დღის დეტალებს.
მე მართლა დიდი ბედნიერება მხვდა წილად, უკანასკნელი ორი კვირის მანძილზე ლამის ყოველდღიურად მათ ახლოს ვყოფილიყავი და მათი ოჯახის სახვალიო-სასიამოვნო ფორიაქით მეცხოვრა.
არადა, ჯერ ერთი სიტყვაც არ მითქვამს მისალოცი...
ან რა უნდა ვუთხრა, ხვალ იმდენი და ისეთი ადამიანი ეტყვის და მოეფერება.
ეს ნაწერიც ახლა ძალიან ქაოტური და ერთი შეხედვით უსუჟეტო იქნება, მაგრამ თავს იმით დავიიმედებ, რომ შინაურების მეტი არავინ წაიკითხავს(მითუფრო იუბილარი) და ძალიან გულახდილი ვიქნები.
ამ საღამოს მე და მარიამ წიკლაური ბ-ნი ბესიკის საჩუქარზე ავლაპარაკდით და ისევ დავდუმდით...მთელი ჩვენი კეთილგანწყობა, სიყვარული, ღრმა პატივისცემა და უსაზღვრო აღფრთოვანებაც რომ შევადუღ-შევაკოწოწთ, აბა, როგორ შეიძლება, რაიმეთი, გარდა ისევ სიყვარულის, თაყვანისცემისა და აღფრთოვანებისა, გამოვხატოთ მისდამი დამოკიდებულება? რაში შეიძლება გავანივთოთ? ჰოდა, გადავწყვიტეთ, რომ საამისო ფიქრზედაც არ მოვცდებით. მითუფრო, რომ უამრავი საქმე გვაქვს საკეთებელი...
ბიდონი გვიდგას(სუ თაფლ-ერბოზე ნახმარი ბიდონი!)ნობელის პრემიების რიგში და ჯერ-ჯერით ვყარაულობთ, ვინმემ უკან რომ არ წაგვიჩოჩოს...
თქვენ იცინეთ და...
"გენია, მოგეხსენებათ, პატარა ერის და უფრო პაწაწკინტელა კუთხის შვილი იყო."
და რომ არ იყოს?..
ან გინდაც იყოს და რომ დროზე და კარგად ითარგმნოს?..
რომ სასწაული სიზმარი დაესიზმროთ ამაღამ ძლიერთა ამა ქვეყნისათა? რა იცი, გენი(ა)ები ხომ ყოველღამ არ ხდებიან 70 წლისანი?


და ამ ხანში კიდეც მოვიდა 11 ნოემბერი!

ვულოცავ ბედნიერ კაცობრიობას, რომელსაც წინ აქვს საიმოვნება, ეზიაროს ბესიკ ხარანაულის შემოქმედებას!
ვულოცავ საქართველოს, მისი ერთი გამორჩეულად მადლცხებული შვილის იუბილეს...
ვულოცავ ჩემს პატარა და დიდი პოეტური გენიის მქონე ფშავს მისი გენიალური შვილის, მისი სისხლ-ხორცის, მისი სიამაყის - ბესიკ ხარანაულის დაბადების დღეს!
გილოცავთ აქაურებო და სტუმრებო!
ბატონო ბესიკ! "დედამიწა ჯვარი კი არა - საჩუქარია!" და 70 წელიც ზუსტად ის ასაკია, მწერალმა რომ უნდა წეროს! მითუფრო, როცა "ყველაზე მაგარი" წიგნი მერცხალაზე უკვე რიგში დგას...

თქვენ შეეწიეთ მამა-პაპათ ნალოც ჯვარ-ხატებო!

"ღმერთო, ნუ დასწყევ / აემ თიანელსაო-ო-ო,
შენიაო, აეს / თიანელიო-ო-ო-"
Back to top Go down
View user profile http://www.geowebi.com/sanatha/
bao
Into Armury
Into Armury


Female
Number of posts : 391
Age : 56
Registration date : 11.12.08

PostSubject: Re: ბესიკ ხარანაული   Wed Nov 11, 2009 10:58 am

mec vulocav!!!

su metireboda am dilita da sul fSlukuniT amomijda guli,ro mivuloce da iciT ratom?
sixarulma xo didi cremli icis, hoda mec mixaroda,ro ai, egre avdgebodi da davurekavdi da vetyodi, RmerTma Tqven suls sixaruli ar moaklos-meTqi!!!

sanaTo, eka, Cemo ninia, da yvelas gilocavT xaranaulis 70 wels, axal wignebs, yvelafers, rasac "RvTis saCuqari" hqvia!!!

besik xaranauli, rara es sityvebi giTqvams da rara mTebi gadagivliao da aha, de gadagvevlos mTebica da de, is sityvac gvesminos,marto am mTebSi rom ismis xolme:RvTisa da kacis maradiuli saubari!!!!!
Back to top Go down
View user profile
სანათა
Into Armury
Into Armury


Female
Number of posts : 340
Age : 56
Registration date : 10.11.08

PostSubject: Re: ბესიკ ხარანაული   Wed Nov 11, 2009 11:19 am

ეჰეიიი... ომარ თურმანაულო, სადა ხარ?! Shocked

მე და ბაო-მარიამი დღეს იუბილეთი ვააართ დაკავებულები და იცოდე, ბიდონთან ჯერი მოგერგო Exclamation

თაფლ-ერბო ისიამოვნე მაგრამ ისეც ნუ იზამ, წაგთვლიმოს ან ყურადღება მოგიდუნდეს თაფლით მთვრალსა...

რა გინდა, შენს ნაცვლად, მე ვემთხვევი იუბილარსა ჭკვიან შუბლზე sunny sunny

Back to top Go down
View user profile http://www.geowebi.com/sanatha/
Sponsored content




PostSubject: Re: ბესიკ ხარანაული   Today at 4:01 am

Back to top Go down
 
ბესიკ ხარანაული
View previous topic View next topic Back to top 
Page 4 of 6Go to page : Previous  1, 2, 3, 4, 5, 6  Next

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: