ომარ ხაიამი

***
ბაგით დავწვდი დოქის ბაგეს, ბაგე გადავიბადაგე,
დღეგრძელობას ვეძიებდი, ჟამთა სრბოლით დავიდაგე,
დოქმა მითხრა საიდუმლოდ: მომაგებე ბაგეს ბაგე,
ქვეყნად განა კიდევ მოხვალ, დალიეო, რას ქადაგებ.

თარგმანი სპარსულიდან ვახუშტი კოტეტიშვილისა.

***
ერთ დროს ეს ჩემი ხელადა, ალბათ, ჩემსავით ღელავდა,
მზეთუნახავის ნაწნავი ბორკავდა ქცეულს ხელადა,
ხელი რომ უდევს დოინჯად, ასე არ ჰქონდა ძველადა,
მიჯნურის ყელზე ეხვია, ლაღად და უდარდელადა.

თარგმანი სპარსულიდან ვახუშტი კოტეტიშვილისა.

http://ka.wikipedia.org/wiki/ომარ_ხაიამი -
ომარ ხაიამი, სრული სახელი - ყიას ედ-დინ აბუ-ლ-ფათჰ ომარ იბნ იბრაჰიმ ხაიამ ნიშაბურელი (*1048 – † 1122) - ირანელი პოეტი, მათემატიკოსი და ფილოსოფოსი.



***
ქვეყანა ნახე და რაც ნახე - არაფერია,
რაც თქვი, რაც გულში ჩაიმარხე - არაფერია,
გინდ დამწყვდეულმა ივაგლახე - არაფერია,
თუ გინდ ქვეყანა გადალახე - არაფერია.

თარგმანი სპარსულიდან ვახუშტი კოტეტიშვილისა.

***
გზა გამიმრუდდა და ცხოვრება ჩემი ბნელია,
სიმშვიდე გაჰქრა, კაეშანში ყოფნა ძნელია,
დიდება უფალს, რადგან ქვეყნად ნაღველი მაინც
სახვეწი არ მაქვს და ადვილად საშოვნელია.

თარგმანი სპარსულიდან ვახუშტი კოტეტიშვილისა.

***
ერთი მოვიდა, სხვა წავიდა, ერი და ბერი,
არავინ იცის საიდუმლო, ბინდით ნაფერი,
ჩვენი ბედისა არრა ვიცით, ამ მცირეს გარდა,
ღვინის სარწყავი ჯამები ვართ, სხვა არაფერი.

თარგმანი სპარსულიდან ვახუშტი კოტეტიშვილისა.

***
ჩვენ ამა ქვეყნად, დროებით რომ გვერგუნდა ბედად,
მწუხარება და უბედობა კვალდაკვალ გვდევდა,
აფსუს, რომ დარჩა აუხსნელი ეს გამოცანა,
მივალთ და მიგვაქვს ათასგვარი დარდი და სევდა.

თარგმანი სპარსულიდან ვახუშტი კოტეტიშვილისა.

***
სარდაფში გვიხმეს, განთიადმა როცა იალა,
მოქეიფენი, ვინც სასმელმა გაგვატიალა,
ადექ, აავსე ეს ფიალა მჩქეფარე ღვინით,
მანამდის, სანამ ჩვენ ვქცეულვართ ღვინის ფიალად.

თარგმანი სპარსულიდან ვახუშტი კოტეტიშვილისა.

რა საოცარი ნახატებია.........

სოსო მეშველიანი wrote:

რა საოცარი ნახატებია.........

ეს ნახატები ასე თუ ისე გამოხატავს ომარ ხაიამის პოეზიას და -

რაკი ომარ ხაიამის პოეზია არ არის მხოლოდ ”ღვინო, დუდუკი, ქალები”, იმიტომ გამოსდით ეგეთი ნახატები...

სუფიები - არის ეგეთი ორდენი მუსულმანურ სამყაროში, რომლის წევრებიც დერვიშებად დახეტიალობენ ინდოეთიდან გიბრლატარის სრუტემდე და თავიანთსას ქადაგებენ...

ომარ ხაიამი კიდევ - თავისას ფიქრობს...
თავისას რომ ფიქრობს და სუფიებისგან განზე გამდგარა - ამიტომაც არის დიდი პოეტი...

ომარ ხაიამი მე ერთადერთ პოეტს მაგონებს ევროპიდან - ფრანსუა ვიიონს.
და თუ რატომ მაგონებს, დავწერ მერე ამაზე...



და მე მგონია, რომ ეს ძალიან კარგი თარგმანებია ქართულად...

mixo, aq iqneb giorgi lobJaniZis TargmanebiC mogeZia da dagedo. kargada aqvs xaiami naTargmni.

ომარ ხაიამი

***
უქონლობისა არა მჭირს საფიქრალ-სავაგლახო რამ,
ან განა მიტომ არ ვთვრები, ვინმეს არ შევუძრახო რამ.
ღვინოა გულის სალბუნი, მოსალხენ-საინახო რამ.
მე, ჩემო, შენგნით დავბრმავდი, შენ იქნებ დაინახო რამ.


(სპარსულიდან თარგმნა გიორგი ლობჟანიძემ).

ომარ ხაიამი

***

მარადისობას ვერ შევიცნობთ მძიმე წიგნებით,
ვერ გავიხარებთ ამოუხსნელ გზათა მიგნებით,
ჩვენ მარტოოდენ ფარდის მიღმა ვმსჯელობთ და ვდაობთ
და ოდეს ფარდა აიხსნება, აღარ ვიქნებით.

სპარსულიდან თარგმნა ვახუშტი კოტეტიშვილმა
118-ე რობაი