არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანისიმღერიდან სიტყვამდე. * მიხო მოსულიშვილიჰელესა (კინორომანი). * თამარ ლომიძეზღვარი (ლექსები).
* ბელა ჩეკურიშვილიშეკითხვად სიზიფეს (ლექსები) * ხათუნა ცხადაძე (მთარგმნელი) უმბერტო ეკო „ფუკოს ქანქარა“
* ლაშა ბუღაძენავიგატორი (პიესა). * ნინო ქაჯაია (მთარგმნელი)უილიმ გოლდინგი - „ბუზთა ბატონი“ (რომანი) * ზაზა თვარაძესიტყვები (რომანი).
* მიხეილ ანთაძესაიდუმლოებით მოცული უ.შ, სინქრონისტულობის პრინციპი. *
* რადიარდ კიპლინგი - აი ასეთი ამბები (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძევახტანგური (ლექსები. რჩეული)
* მიხო მოსულიშვილიდიდი ძუ დათვი (რომანი). * ნინო ნადირაძეVIA SOLIS (ლექსები). * მარიამ ხუცურაულისანათა (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling).
* ბესიკ ხარანაულიმთავარი გამთამაშებელი. * მიხო მოსულიშვილისულის მდინარე (თორმეტი ნოველა). * ნინო სადღობელაშვილიფრთები და ხელები (ლექსები).
* მამუკა ხერხეულიძეომში, როგორც ომში * ზაალ სამადაშვილი – ავტოპორტრეტი წიგნების ფონზე * ირაკლი ლომოური – ავტონეკროლოგი
* მანანა ანთაძე (მთარგმნელი)ტენესი უილიამსი - Camino Real (პიესა). * ქართული პიესა 2012 (ექვსი პიესა).
* თამრი ფხაკაძე – ბოსტანი კონფლიქტის ზონაში (მოთხრობა). * რიუნოსკე აკუტაგავა – დიალოგი წყვდიადში
* გიორგი კაკაბაძენიკო ფიროსმანი (ბიოგრაფიული რომანი). * მიხო მოსულიშვილი – ვაჟა-ფშაველა (ბიოგრაფიული რომანი).

Share | 
 

 ომარ თურმანაული - Omar Tourmanaouli

View previous topic View next topic Go down 
Go to page : Previous  1, 2
AuthorMessage
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Wed Feb 11, 2015 11:10 pm

ომარ თურმანაული

***
გულო, რა მალე მეღლები,
გონო, რა ხშირად მემღვრევი,
ტირილი მინდა, ვერ ვტირი,
სიმღერა მინდა, ვერ ვმღერი...
სიცოცხლევ, აღარ მინდიხარ,
ჩვევის გამოღა გებღრევი...

---
ფშაურად, „მობღრევა“ - მოჭიდება.

2015
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Tue Mar 03, 2015 4:14 pm

ომარ თურმანაული

***
კითხვამ – ყოფნა თუ არყოფნა –
ჩემამდეც ბევრი იარა;
კითხვამ – ყოფნა თუ არყოფნა –
კვლავ ბევრი უნდა იაროს;
ბევრნაირ სისხლის ამრევი
მეც გულს ჩამეჭრა იარად,
მეც მათქმევინა: „ასეთი
რა ხარ, შე ოხერ-ტიალო!“
ჯერ კი ვთქვი: „თავი მოვიკლა...“,
მერე კი ისევ ვთქვი „არა!“
თოხი ავიღე, სიმინდებს
ძირები მოვუფხვიერე,
წვიმა ვინატრე, გულიდან
ღრუბელმა გადამიარა.
და წასვლა-მოსვლის მიზანი
და ყანასავით ვიცანი _
ამოვა, მოსვლა ის არის,
იზრდება, ყოფნა ის არის,
ტაროს ან თავთავს მოიბამს,
იმისი საქმეც ის არის,
ამაო ფიქრი ღვარძლია,
ხვიარაა და ის არის;
და რადგან ყოფნით არყოფნა
რაა, ვერ გამოვიცანი,
მოვკვდები, მერე ვიფიქრებ
არყოფნაზე და ის არის.

ბმული - http://youtu.be/uoILhxVngvQ

Smile
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Sat May 16, 2015 8:50 am

ომარ თურმანაული

ეფემერულობის ელეგია

ვეფერებოდით ერთურთის ლანდებს
და არარსებულ ზღვის წყალში ვბანდით...
ჩვენ არსებობით არ ვგავდით ერთურთს,
ერთმანეთს არარსებობით ვგავდით...
გვეჩვენებოდა, მზე გვწავდა ვითომ...
გვეჩვენებოდა, გვიყვარდა ვითომ...
გვეჩვენებოდა, თითქოს ვიყავით...
თითქოს ზღვა იყო... თითქოს მზე იყო...
და მოჩვენება გრძელდება ისევ
და ერთურთს ისე გრძნობით ვეხვევით,
თითქოსდა მართლა რეალურია
ჩვენი თვალები, მხრები, ფეხები...
თითქოს ვარსებობ, ისე მეხები;
თითქოს არსებობ, ისე გეხვევი
და ვირცხვენთ, თითქოს მართლა ვარსებობთ
და ჩვენს არყოფნას თითქოს ვერ ვხვდებით...

1991


Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Sun Jul 05, 2015 10:22 am

ომარ თურმანაული

საკუთარ თავზე ნათქვამი

მოგი..წვი თურმანულო
ლურჯ ზღვაზე თეთრი ნიფხავი
შენ სხვაგან არ გამასდგები
ჯერ კიდევ როდის გითხარი!
ოცი წელია სხვაგან ხარ
მაინც იმ შენ ფშავს მიჰბღავი!


Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Tue Jan 19, 2016 9:36 am

ომარ თურმანაული

***

ვინც არ გასცა, შოთა ამბობს,
თურმე სულ ტყუილად მოსცდა,
და თუ ღმერთმა რამე მოგვცა
თურმე გასაცემად მოგვცა:
სხვისთვის მოგვცა სავსე გული,
სავსე ბოცაც სხვისთვის მოგვცა...
სხვისთვის საჭიროა მოცლა,
სხვისთვის საჭიროა მოცდა,
სხვისთვის საჭიროა კოცნაც
იმ სხვას კოცნა უნდა როცა...
რაც მომეცი,ღმერთო, სხვისთვის
მე ამ ყველაფრისთვის გლოცავ,
მარა ჭკუაც რომ მოგეცა
სხვებსაც არ აწყენდა, ცოტა...

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Fri Nov 18, 2016 7:23 pm



ომარ თურმანაული

რაღაც, ხუმრობასავით...

ამდენ ხანს ხო ვბერდებოდი,
ეხლა – სანაძლეოს დავდებ –
ზუსტად ამდენივე ხანში
უნდა გავახალგაზრ–დავდე!
ეგერ თქვენ და,
აგერ მე და,
უფალს დავიყენებ თავმდებს:
წლებს, რომლებიც მაბერებდენ,
ჯავრით მათრობდენ და მკლავდენ,
კუდებით ქვებს ვასროლინებ,
როგორც ბოროტების ჩამდენთ...
თუ ქადილი ტყვილად შემრჩეს
ისევე თქვენ გაგიხარდეთ:
აგერ თქვენ და,
ეგერ მე და,
სამარეში ცოცხლად ჩამდეთ,
ქონება კი, ალალ–თქვენი,
მოერევით ვინაც რამდენს!

2016 წლის 18 ნოემბერი, პარასკევი

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Wed Feb 22, 2017 7:14 pm

ომარ თურმანაული

სიზარმაცის აპოლოგია

პოვნაც ძალმიძს ახალ რითმის,
მაგრამ რისთვის, ძმაო, რისთვის?
ძველი თავზე საყრელად მაქვს,
თითს რომ არ დავადო თითი!

2017

Arrow
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: ომარ თურმანაული - Omar Tourmanaouli   Fri May 12, 2017 12:01 pm

ომარ თურმანაული

ისევ ხუმრობასავით

ალბათ ცოტა თუ გინახავთ
გიჟი, ჩემსავით კერკეტი,
გიამბობთ, რაც დამემართა
ბევრი წიგნების კირკიტით:
პარალელურად ვიკითხე
ვაჟა, ჰუმი და ბეკეტი,
გადავაკეთე ათ–ათჯერ
ათივე მცნების საკეტი,
შევკარი ეკლექტიკური
მორალის ჭრელი „ბუკეტი“,
ანუ ერთგვარი, ახალი
ადამიანის მაკეტი
და სინას მთაზე ავბობღდი
ახალ მცნებათა პაკეტით
იმასთან, ყოფნა-არყოფნის
ვისაც ხელში აქვს ბერკეტი
(ვინც ზოგს წარმოუდგენია
როგორც მოხუცი,
ბერკუტი,
ზიარჭურჭელის მაგვარად
სავსე რისხვით და სიკეთით),
აღვიღე თავი, ის იყო
მინდოდა მეთქვა: „უკეთუ...“,
რომ რისხვით გამაწყვეტინა:
„ნუ ახურებო, მოკეტე!..
დამთვრალხარ ჟიპიტაურით,
გინა ვისკით თუ საკეთი!
სატანას მიუყარეო
ეგ შენი ლოცვის საკენკი!“
პირზე შემაშრა სათქმელი
და შეცბუნებულ O.K.–თ
ძირს ნაწილ–ნაწილ დავეშვი,
როგორც რუსული რაკეტა...

P.S.
და რაკი გამხელილი სჯობს
ცოდვა და არა „სეკრეტი“,
გეტყვით, რომ მუზამ გამწირა
და ვწერ ბახუსის შეკვეთით...

2017

Arrow
Back to top Go down
View user profile http://armuri.4forum.biz
Sponsored content




PostSubject: Re: ომარ თურმანაული - Omar Tourmanaouli   

Back to top Go down
 
ომარ თურმანაული - Omar Tourmanaouli
View previous topic View next topic Back to top 
Page 2 of 2Go to page : Previous  1, 2

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: