არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  

Share | 
 

 ლექსო ლეკიაშვილი

View previous topic View next topic Go down 
AuthorMessage
Admin
Into Armury
Into Armury
avatar

Male
Number of posts : 4289
Registration date : 09.11.08

PostSubject: ლექსო ლეკიაშვილი   Tue 17 Mar 2009 - 17:27

Arrow
Back to top Go down
View user profile http://armuri.4forum.biz
ნეკერა
Into Armury
Into Armury
avatar

Female
Number of posts : 142
Age : 33
Location : თბილისი
Job/hobbies : პოეტი
Humor : კარგი
Registration date : 27.12.08

PostSubject: Re: ლექსო ლეკიაშვილი   Wed 18 Mar 2009 - 4:12

ორმაგი მოციქული ციკლიდან „პოემატოგრაფი”
ფილმი და თამაში „ჰიტმენი”

მისია I
ანუ
„მე, ჰიტმენი, ხელობითა ვიქმ საქმესა ამა დარი...”

ხელისგულში მოვაქციე
ცხადიცა და სიზმარიც,
მეეჭვება, ჩემზე მეტის
ვინმემ შეძლოს ატანა...
დრო მყავს, როგორც არბალეტით
გასროლილი ისარი,
სივრცე - როგორც მოქნეული
სამურაის კატანა!

თვით სატანაც თვალს არიდებს
ჩემს სისხლიან ნაბიჯებს,
ერთადერთი სახელი მაქვს -
კოდი 47...
სიცოცხლეს კი ის არ გვართმევს,
ვინც სიცოცხლეს გვანიჭებს
მეც თანდათან მივეჩვიე
და თანდათან დავმშვიდდი!

ჩემი გზების გასაყარზე
ერთხელ კიდევ მივედი
და მომიწევს ერთხელ კიდევ
ჩუმად დავასამარო
როიალის გამწყდარ სიმით
მოხრჩობილი იმედი
და ოპტიკურ სამიზნეში
ჩამწყვდეული სამყარო.

მე ვეღარ ვგრძნობ ცოდვებისგან
გამოწვეულ სიმძიმეს,
არ მივიკვლევ ამ ცხოვრებას
ტანჯვითა და წვალებით,
მე ყოველთვის მშვიდადა ვარ
და როდესაც ვიძინებ,
არ მდევნიან მსხვერპლის ღიად
დარჩენილი თვალები.

მხოლოდ ერთი გადამირჩა -
ჩემი ბედის მისანი!
ვინც მე იმას მაპოვნინებს,
ჩემი სულიც მისია...
სიკვდილია ჩემთვის დღემდე
ერთადერთი მიზანი,
სიცოცხლე კი - ერთი დიდი
უხმაურო მისია!

სავე

მისია II
ანუ
„ლოცვად მუხლმოყრილი ჰიტმენს შევედრები...”

როგორც ვატყობ, პიროვნების
გაორება მეწყება
ვერ გავიგე, რომელი ვარ -
კილერი თუ პოეტი,
ჩემი სული ცოდვებისგან
აღარ გაირეცხება,
მაგრამ მაინც... წამოვედი
და ტაძრამდე მოვედი.

გირჩევნიათ მოკვდავებს,
აღარ გამომეკიდოთ -
მე არ ვერჩი არავის,
სანამ არ შემაწუხებს
გარდერობი, რომელშიც
ძველებურად ჰკიდია
სისხლიანი წარსული და
სისხლისფერი ჰალსტუხი!

მეც ვიყავი თქვენნაირი
და თქვენს ყოფას, ცივილურს,
ვამოკლებდი ჩემი ნაღდი
წესრიგით და ეთიკით
და გულიდან ამოხეთქილ
კივილებს და ტკივილებს
ვერ მიყუჩებს ვეღარც მუშტი,
ვეღარც ანესთეტიკი.

ქვეყნად ყველა სისხლის წვეთი
ჩემი ნატერფალია,
ხელთ მაქვს ყველა გასაღები,
უფსკრულის კარს რაც აღებს...
მე - ბნელეთის მოციქული -
უფალთან ვკრავ ალიანსს
და სკალპელით გადაჭრილი
სისხლძარღვივით ვცახცახებ!

ამ ქვეყნისგან გარიდება
სხვას ყველაფერს მერჩივნა,
დავიღალე, აღარ მინდა,
რომ ცოდვებმა მარჩინოს...
მე ვხოცავდი, რათა ჩემი ხორცი გადამერჩინა
და ვლოცულობ, რათა ჩემი სული გადავარჩინო!

14.07.2008წ.


P.S. მე შენით ვამაყობ, დიიიიიიდო პოეტო Smile
Back to top Go down
View user profile http://armuri.4forum.biz/forum.htm
2x+1



Female
Number of posts : 15
Age : 98
Location : ასათიანი
Job/hobbies : უსაქმურების არმიის გენერალსიმუსი
Humor : x2+2ab+85
Registration date : 07.03.09

PostSubject: Re: ლექსო ლეკიაშვილი   Wed 18 Mar 2009 - 16:35

უზენაესი (საბჭოს) ქურუმი

ციკლიდან: `პოემატოგრაფი~
ფილმიდან: `მუმია~



არ მგონია, ჩემნაირი
კიდევ სადმე სხვა თუა
(ეჰ, რამდენი საუკუნე
გაპარულა ნატვრაში...)
წყევლასავით ვერ ვიშორებ
ანუბისის სტატუას,
დილის სხივიც ვეღარ აღწევს
ჩემს ბნელ ჰამუნაპტრაში!

ხოჭოები და ფიქრები ისევ მჭამენ, მხოლოდ
მაშინ ჩერდებიან, როცა
ქვიშა ვარ...
მე ვარ ბოროტი... და არ ვიცი, რა დამიშავა
დანარჩენმა კაცობრიობამ.

სივრცე წინ მაქვს გადაშლილი,
თითქოს ტაროს კარტია,
მეც ვმკითხაობ _ დროის მონა
დარდით ნალამუნები...
მინდა, თავი დავაღწიო
ამ ქაჯების პარტიას,
მიმელიან სადღაც ჩემი
ანაქსუნამუნები!

მე ვარ ბოროტი... მაგრამ მიყვარს, ისე
როგორც ადრე მიყვარდა,
ფარაონის ძვირფასი ცოლი,
მასაც ვუყვარდი,
სწორედ ამისთვის დაგვსაჯეს,
და ჩემი გული, ხოჭოებისგან შეჭმული გული
და ტვინი,
და რწმენა
სადღაც პირამიდის ბნელ სენაკში გადამივარდა...

და მას შემდეგ ვწევარ ასე,
ურწმუნო და უტვინო,
შემარჩინეს მხოლოდ სული _
ისიც უღვთოდ ვნებული,
და აქედან როცა ვუმზერ
თქვენს დამქანცველ რუტინას,
მგონია, რომ ყველანი ხართ
მუმიფიცირებული!

ბევრს, და, მათ შორის, თქვენც, გეგონათ, რომ
მე მთელი ეს დრო
სარკოფაგში ვიწექი,
და მერე ავდექი,
დაახლოებით ისე, როგორც ერთმა პოეტმა დაწერა:
`სარკოფაგიდან დგებაო მუმია!~
მაგრამ ცდებით!

მე აქა ვარ, არაერთხელ
შერაცხული ავსულად,
როგორც ხედავთ, შერისხვამაც
ვერ ამომდო აღვირი,
მე აქა ვარ და არასდროს
თქვენგან არსად წავსულვარ,
მე _ ქურუმი იმჰოტეპი,
ოსირისის მახვილი!

და როდესაც ხალხთან გამოვედი,
მე ისინი დავიმორჩილე,
და მათ დაიწყეს ჩემთვის და ჩემი სახელით
ბრძოლა,
ისინი დადიოდნენ ქუჩაში და იძახდნენ
ჩემს სახელს
(მე კი მრავალი სახელი მაქვს):

_ იმ-ჰო-ტეპ!
_ იმ-ჰო-ტეპ!
_ ჩაუ-შეს-კუ!
_ ჩაუ-შეს-კუ!
_ ზვი-ა-დი!
_ ზვი-ა-დი!
_ იუ-შენ-კო!
_ იუ-შენ-კო!
_ მი-შა!
_ მი-შა!
_ ზიგ ჰაილ!
_ ზიგ ჰაილ!
_ ზიგ ჰაილ!
Back to top Go down
View user profile http://www.www.www
Tabagari Tea
Into Armury
Into Armury
avatar

Female
Number of posts : 127
Age : 32
Registration date : 27.12.08

PostSubject: Re: ლექსო ლეკიაშვილი   Sat 28 Mar 2009 - 14:47

# 35

ეს ლექსი დავწერე #35 "მარშრუტკაში"



თქვენ შემომხედეთ... და ჩემი ლექსი
გადაგეღვრებათ თმებში წვიმებად...
თქვენ ჩაიკითხავთ ამ ლექსს და ჩემზე,
როგორც სულელზე, გაგეღიმებათ.
თქვენ წახვალთ... ტერფთა უნაზეს კვალზე
მოვა რითმების შმაგი დინება...
მე გავიხსენებ თქვენს მწვანე თვალებს
და ღამე აღარ დამეძინება...
მივდივარ უხმოდ, თქვენგან შეშლილი...
ტუჩებიც თბილი, მზერაც თბილია...
ეს მე ვარ - ლექსო ლეკიაშვილი!
ჩაბრძანდით, თქვენი გადახდილია!

Very Happy
Back to top Go down
View user profile
Sponsored content




PostSubject: Re: ლექსო ლეკიაშვილი   

Back to top Go down
 
ლექსო ლეკიაშვილი
View previous topic View next topic Back to top 
Page 1 of 1

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: