არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანი"სიმღერიდან სიტყვამდე". * მიხო მოსულიშვილი„ჰელესა“ (კინორომანი). * თამარ ლომიძე"ზღვარი" (ლექსები).
* ანრი გიდელი"პიკასო" (ბიოგრაფიული რომანი) * გიგი სულაკაური"ხეტიალი" (ლექსები. რჩეული) * ბელა ჩეკურიშვილი"შეკითხვად სიზიფეს" (ლექსები)
* ლაშა ბუღაძე"ნავიგატორი" (პიესა). * ნინო ქაჯაია (მთარგმნელი)უილიმ გოლდინგი - "ბუზთა ბატონი" (რომანი) * ზაზა თვარაძე"სიტყვები" (რომანი).
* მიხეილ ანთაძე"საიდუმლოებით მოცული უ.შ", "სინქრონისტულობის პრინციპი". *
* რადიარდ კიპლინგი - "აი ასეთი ამბები" (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძე"ვახტანგური" (ლექსები. რჩეული)
* მიხო მოსულიშვილი"დიდი ძუ დათვი" (რომანი). * ნინო ნადირაძე"VIA SOLIS" (ლექსები). * მარიამ ხუცურაული"სანათა" (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling). * გივი ალხაზიშვილი"ეპისტოლეთა წიგნი" (ლექსები).
* ბესიკ ხარანაული"მთავარი გამთამაშებელი". * მიხო მოსულიშვილი"სულის მდინარე" (თორმეტი ნოველა). * ნინო სადღობელაშვილი"ფრთები და ხელები" (ლექსები).
* მამუკა ხერხეულიძე„ომში, როგორც ომში“ (მოთხრობები). * ნატა ვარადა – „დედის კერძი“ (მოთხრობები). * ზაალ სამადაშვილი – „ავტოპორტრეტი წიგნების ფონზე“ (მოთხრობები). * ვაჟა ხორნაული – „როგორც ბაღიდან...“ (ლექსები). * ირაკლი ლომოური – „ავტონეკროლოგი“ (მოთხრობები).
* მანანა ანთაძე (მთარგმნელი)ტენესი უილიამსი - Camino Real (პიესა). * თამარ ბართაია, დავით გაბუნია, ნინო მირზიაშვილი, მიხო მოსულიშვილი, ნანუკა სეფაშვილი, ირაკლი ცხადაია„ქართული პიესა 2012“ (ექვსი პიესა).
* ნატა ვარადა – "დედის კერძი" (მოთხრობები). * თამრი ფხაკაძე – "ბოსტანი კონფლიქტის ზონაში" (მოთხრობა). * რიუნოსკე აკუტაგავა – "დიალოგი წყვდიადში" (მოთხრობები).
* გიორგი კაკაბაძე"ნიკო ფიროსმანი" (ბიოგრაფიული რომანი). * მიხო მოსულიშვილი – "ვაჟა-ფშაველა" (ბიოგრაფიული რომანი).

Share | 
 

 ქართული ხალხური პოეზია

View previous topic View next topic Go down 
Go to page : 1, 2, 3  Next
AuthorMessage
Guest
Guest



PostSubject: ქართული ხალხური პოეზია   Sun Mar 01, 2009 3:03 am

***
მითხოს ალდი ჯობ მამაცად,
მშავლებს ჯობ კუკუმაური
თუშებსა _ ლუის ლუხუმი,
გუდამაყრელთ _ ბუბუნაური,
მოხევეთ _ ღუდუშაური,
ხევსურებს _ ხოშურაული.
ხმლის ქნევად, ფარის ფარებად _
მარტია მისურაული,
ამაგის გვერდის სადგომლად _
იმედა მინანაური.
ცხვარს ვინ მოზვერავს მითხოსა? _
ახალა შუქიაური,
ვინ ჩავას მოზვერულზედა? _
გამახელთ თემროზაული.
კაცსა ვინ მოხკლავს მითხოსა? _
ჩააცვეთს ბაბურაული.
ხუთ-ხუთს ვინ ჩახხოცს მარტოი? _
ძაღლიკა ხიმიკაური.
ვინ გაღმეტდების ლაშქართა? _
ღულელი არიშაული.


Arrow

გადაიწერეთ ქართული ხალხური პოეზია - http://www.nplg.gov.ge/dlibrary/coll/0001/000195/


ქართული ხალხური პოეზიაDDC Subject: Literature & rhetoric
Source: ქართული ხალხური პოეზია / მითოლოგიური, საგმირო, საწესჩვეულებო, სატრფიალო, საყოფაცხოვრებო, ისტორიული და შრომის ლექსები. 258 გვ. UDC: 821.353.1-91-1
Language: Georgian
Extent Format: 258 გვ.
Created: 2008-04-17
Modified: 2009-01-15



Object Size Format
ქართული ხალხური პოეზია [258 გვ.] 1,007Kb Adobe PDF

Exclamation
Back to top Go down
Guest
Guest



PostSubject: Re: ქართული ხალხური პოეზია   Sun Mar 01, 2009 4:03 pm


გოგი თოთიბაძე - სანათა (დეტალი), "ბახტრიონის" ილუსტრაციიდან


***

საბრალო დედაბრისასა
თაგვნი ყანასა მკიანო,
ლომნი უგრეხენ ულოსა
და ვეფხვნი შეუკვრიანო;
დევნი ურემსა უბიან,
ირემნი ძნასა ჰყრიანო,
შველნი კევრებში შებმულან,
კალოს გარს დარბენიანო;
ზედ ანგელოზნი უსხედან,
ტკბილ ხმაზედ დასძახიანო,
ჭინკები მარდად უქცევენ,
ყანასა გაჰფორცხიანო;
ტახნი მისწევენ კალოსა,
მელები კუდით ჰგვიანო,
წერონი ანიავებენ
და ბატნი დაჰკაზმიანო;
დათვებს ჰკიდიათ ტომრები,
ორმოში პურსა ჰყრიანო,
მგლები წისქვილში გაგზავნეს,
პურს მალე დაუფქვიანო;
შაშვი ფქვილს მტკიცავს, გნოლი ჰზელს,
კაჭკაჭნი ამოჰქნიანო,
მტრედნი ჩააკვრენ ლავაშსა
და გვრიტნი ამოჰყრიანო;
ვარიები ამზადებენ,
იხვნი სუფრასა შლიანო,
ზეცას ტოროლა გაგზავნეს,
სტუმრები მოჰკრიბიანო,
შენს მადლსა, ჩხიკვნი ნუ გვინდა,
სუფრასა აგვიშლიანო;
სილამაზითა ხოხობი
შუაში ჩაისვიანო,
ბულბული გალობისათვის
სულ თავსა დაისვიანო,
საწყალი ბერი ქედანი
ბოლოში მოიგდიანო,
ერთად სმენ, სჭამენ, ლხინობენ,
„ჰარალეს“ დასძახიანო.


study
Back to top Go down
Guest
Guest



PostSubject: Re: ქართული ხალხური პოეზია   Fri May 08, 2009 9:38 am

არ მეგონა

არ მეგონა, გორის ციხე
საგორავად გახდებოდა,
ლაშქარშია თეთრი ცხენი
საგოგავად გახდებოდა.
ჩემი თავი, ცათა სწორი
ასე დამიდაბლდებოდა,
ჩემ უარეს, ჩემი სწორი
ასე გამილაღდებოდა.
Back to top Go down
Guest
Guest



PostSubject: Re: ქართული ხალხური პოეზია   Thu May 21, 2009 9:40 pm

ია


ნეტავი შენ, ენძელაო,
სამჯერ მოხვალ სერზედაო.
ერთხელ მოვალ, მოვშავდები
ამ დასაწვავ ხევზედაო,
ბიჭები ქუდზე მაჭკნობენ,
გოგოები - ყელზედაო.



ეს ხალხური ლექსი არის 1982 წლის პოეზიის კრებულში, რომელსაც გამომცემლობა ”მერანი” ბეჭდავდა ხოლმე.
ლექსს თან ერთვის ცნობა:

”ლექსი გადმოგვცა მწერალმა რევაზ ინანიშვილმა, - რომელიც მოისმინა კახეთში”.

Idea

ეგეთებს - ვეღარ სწერენ, ვეღარ...

Rolling Eyes
Back to top Go down
Guest
Guest



PostSubject: Re: ქართული ხალხური პოეზია   Fri May 22, 2009 9:57 pm

***
ბატარიკა ქალაი ვარ,
ნუ მაღონებ, ცოდვა არი.
საიქიოს დაგტანჯავენ,
თუ სად სულის ყოფნა არი.


Idea

აი, რა კარგ ლექსაების ამათქმა იციან ხანდისხან...

flower
Back to top Go down
Guest
Guest



PostSubject: Re: ქართული ხალხური პოეზია   Fri May 22, 2009 10:00 pm

***
ათას უგულო მეომარს
გულადი ორი სჯობია.
არამ მწყერს, ხოხობ-კაკაბსა
ალალი ქორი სჯობია.


Idea
Back to top Go down
Guest
Guest



PostSubject: Re: ქართული ხალხური პოეზია   Fri May 22, 2009 10:03 pm

***
შაიყრებიან ყორნები,
არ გაირევენ ძერასა...
კაცი ვერსაით მაჰრჩება
თავის ბედსა და წერასა.
Back to top Go down
მინდია
Into Armury
Into Armury


Male
Number of posts : 172
Age : 31
Location : გადაღმა
Job/hobbies : მეზღაპრე
Humor : ჰორიზონტი სუფთაა
Registration date : 13.12.08

PostSubject: Re: ქართული ხალხური პოეზია   Thu Jun 04, 2009 3:59 pm

ბობო wrote:
ია


ნეტავი შენ, ენძელაო,
სამჯერ მოხვალ სერზედაო.
ერთხელ მოვალ, მოვშავდები
ამ დასაწვავ ხევზედაო,
ბიჭები ქუდზე მაჭკნობენ,
გოგოები - ყელზედაო.



ეს ხალხური ლექსი არის 1982 წლის პოეზიის კრებულში, რომელსაც გამომცემლობა ”მერანი” ბეჭდავდა ხოლმე.
ლექსს თან ერთვის ცნობა:

”ლექსი გადმოგვცა მწერალმა რევაზ ინანიშვილმა, - რომელიც მოისმინა კახეთში”.

Idea

ეგეთებს - ვეღარ სწერენ, ვეღარ...

Rolling Eyes

უჰ Crying or Very sad


(...საბრალო დედაბრისასა)

საბრალო დედაბრისასა
თაგვნი ყანასა მკიანო,
ლომნი უგრეხენ ულოსა
და ვეფხვნი შეუკვრიანო;
დევნი ურემსა უბიან,
ირემნი ძნასა ჰყრიანო,
შველნი კევრებში შებმულან,
კალოს გარს დარბენიანო;
ზედ ანგელოზნი უსხედან,
ტკბილ ხმაზედ დასძახიანო,
ჭინკები მარდად უქცევენ,
ყანასა გაჰფორცხიანო;
ტახნი მისწევენ კალოსა,
მელები კუდით ჰგვიანო,
წერონი ანიავებენ
და ბატნი დაჰკაზმიანო;
დათვებს ჰკიდიათ ტომრები,
ორმოში პურსა ჰყრიანო,
მგლები წისქვილში გაგზავნეს,
პურს მალე დაუფქვიანო;
შაშვი ფქვილს მტკიცავს,გნოლი ჰზელს,
კაჭკაჭნი ამოჰქნიანო,
მტრედნი ჩააკვრენ ლავაშსა
და გვრიტნი ამოჰყრიანო;
ვარიები ამზადებენ,
იხვნი სუფრასა შლიანო,
ზეცას ტოროლა გაგზავნეს,
სტუმრები მოჰკრიბიანო,
შენს მადლსა,ჩხიკვნი ნუ გვინდა,
სუფრასა აგვიშლიანო;
სილამაზითა ხოხობი
შუაში ჩაისვიანო,
ბულბული გალობისათვის
სულ თავსა დაისვიანო,
საწყალი ბერი ქედანი
ბოლოში მოიგდიანო,
ერთად სმენ,სჭამენ,ლხინობენ,
„ჰარალეს“ დასძახიანო.
Back to top Go down
View user profile http://www.xevsureti.ge
irinka
Into Armury
Into Armury


Female
Number of posts : 110
Age : 29
Registration date : 11.12.08

PostSubject: Re: ქართული ხალხური პოეზია   Fri Jun 12, 2009 6:51 pm

მოხევის სიმღერა

ქალს სილამაზე ხილადა
ვთხოვე-არ დამაძლევინა,
დავღონდი,წყალი მომწყურდა,
წვეთი არ დამალევინა.
მომხედა,თოლნი შემყარა,
ნაწინწკლებ წამაყრევინა,
დამრცხო,ავინთე,გავწითლდი,
თავი ძირს დამახრევინა.
სიტყვები გადამავიწყა,
ენა სულ ამარევინა.
არც მითხრა-მოდი,არც წადი,
არც თავი დამაღწევინა.
ტიალი,რაი ყოფილა,
თავბედი დამაწყევლინა.
დახე წყეულსა დიაცსა,
რა დღემდე მომაღწევინა.
Back to top Go down
View user profile
irinka
Into Armury
Into Armury


Female
Number of posts : 110
Age : 29
Registration date : 11.12.08

PostSubject: Re: ქართული ხალხური პოეზია   Fri Jun 12, 2009 6:53 pm

ნეტავი,გოგო,შენი ხმა...

ნეტავი,გოგო,შენი ხმა
ავადმყოფს გამაგონაო.
ტუჩი ტუჩს დამადებინა,
ძუძუებს ჩამაკონაო.
მალ-მალე მოდი ჩემთანა,
შენც ობოლი ხარ,მეცაო,
უბეში ხელის ჩაყოფა
შენც გეამება,მეცაო.
ნეტავი,გოგო,მე და შენ
ერთადამც დაგვაწვინაო,
დაგვხურა ჩემი ნაბადი,
მაღლით დაუშვა წვიმაო.
ნეტავი,გოგო,მე და შენ
ერთმანეთს დაგვატოლაო,
რომელიც მეტი მოვიდეს,
მაკრატლით დაგვასწორაო.
Back to top Go down
View user profile
irinka
Into Armury
Into Armury


Female
Number of posts : 110
Age : 29
Registration date : 11.12.08

PostSubject: Re: ქართული ხალხური პოეზია   Fri Jun 12, 2009 6:56 pm

მთაო,გადმიშვი მაღალო,
რა ნისლი მოგიხვევია,
მთას იქით ჩემი ლამაზი
სხვას ვისმეს ჩაუხვევია.



* * *

ქალაუ,ისე თეთრი ხარ,
როგორც საყდარში კირიო,
სიზმარში მომაგონდები,
წამოვჯდები და ვტირიო,
შენი დანახვა მეწადა,
რად მომარიდე პირიო.
Back to top Go down
View user profile
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Thu Aug 19, 2010 1:29 pm



***
კალმახებს ბადე დავუგე,
ბაყაყი დავიჭირეო.
დილას მოსული ოცნება
საღამოს დავიტირეო.



Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 11:35 am

არხვატს

არხვატო, ჩემო სამშობლო,
ჯიხვ-არწივების ბინაო,
მიამც კი შენს მტერს შამაკლა,
შენს მკერდზე დამაწვინაო!
მაკვდას, თუ მაკვდა ოშკაცი
არხვატის გულისთვინაო!
დედა ვაცხონე ვაჟისა,
ვინაც თავ მაიწყინაო!
მტერ დარჩა სისხლის მორევში,
თავიც კი იქ შასწირაო.
დაიმალების ცუდი ყმა,
მავშჩები, წაოლ შინაო.
გამაქცეულის მისვლასა
არმისვლაი სჯობ შინაო.
მაინც არ გასტყდა, არხვატო,
ბასრო ფოლადის რკინაო!
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 11:50 am

ბაღათერა ჯაბუშანური

კარკუჩით გამეემართა ბაღათერაი დილითა,
დედისძმათ გაჯავრებული ქვა-რკინას ამტვრევს კბილითა.
აივსნეს ქოთანის ბექნი ქომოციხლების მზირითა.
ყმაწვლამ ბაღათერამა ხმალ მაიქნივა პირითა.
ზოგნი ჭრნა, ზოგნი ჩაკაპნა, ზოგნი წაუვლენ ჭირითა.
რანიც წავიდეს ჭირითა, სისხლსა მისთხევენ პირითა,
მარტუამ ბაღათერამა მთა გარდიარა გმინვითა,
გადაუჩინდა დედასა გაცინებულის პირითა,
გადაუშალნა ქოჩორნი გადაპოხილნი ტვინითა.
ბაღათერაის დედამა თმანი დაიჭრნა ძირითა:
"შენს დედას, ბაღათერაო, რაად გაგიშვი შინითა?!
ბიძამ არ მოგცა ჩაჩქანი, აწ გაძღას შენი ჭირითა!"
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 11:52 am

***
ზვავი ვერ მამკლავს მთებისა,
მთიდან რო გააქ გრილი.
ტყვია ვერ მამკლავს თოფისა,
ტყვია-ბევრცოდვებიანი.
ვერც დუშმნის ენა გამჩხიბავს
დაუნდობ-შხამგესლიანი..
მოვკვდები ლექსით დაჭრილი.
ლექსით გულწყლულებიანი.
საფლავშიც ლექსით ჩავწვები
მდუღარეცრემლებიანი.
საფლავზე მოვა ლექსის ხე,
ლექსის ტოტფოთლებიანი.
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 11:54 am

***
სულეთში ბეწვის ხიდია,
გასავალადა ძნელია,
ხიდ ქვეშა დუღან ქვაბები,
კუპრი გადმოდის ცხელია,
ოდნავი შუქიც არა ჩანს,
მუდამ ყურუმი ბნელია,
ბჭენი სხენ ხიდის ყურზედა,
რომელნიც მართლის მთქმელია,
ობოლთა შვილთა დამწირავს
დედას ჩაუსხდნენ გველნია,
სამან-სამზღვრისა ამრევსა
ზურგზე აჰკიდეს კლდენია,
ძმას ძმისა მოღალატესა
მოსდეს ცეცხლი და გენია,
ქალს ქმრისა შამცვლელს,
შამლანძღველს,
ორგულსა, მავნე ენიანს,
ჯანაბეთს, ჯოჯოხეთშია
თავიც ვერ აუწევნია.
ობოლთა შვილთა დამზრდელსა
შემოაგებნეს ცხენია,
დედ-მამის დამფასებელსა
ია და ვარდი ჰფენია.

study


Last edited by Admin on Sat Jan 12, 2013 1:11 am; edited 1 time in total
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:09 pm

ხოგაის მინდი

არხოტით მზირი გავიდა, _
ქისტეთს მიუდისთ გზანია, _
ერთ იყო _ ხოგაის მინდი,
ოთხნი ეტანნეს სხვანია;
ჯერ ჩაავლივნა ჭალანი,
მემრ თვირთვილიან მთანია,
პირიქით გადავიდიან,
მითხოს მაავლეს თვალია;
მინდს სოფლად ჩასვლა ეწადის,
ძმობილ ჰყავ ფიცნაჭამია;
ეგ მიზუ _ აკლებულია,
შიგ ალაჯაის ქალია, _
გამაეგება მინდისა:
«მოსულხართ ჩემნი ძმანია»...
დანდობით ციხეს შეუძღვა:
«ქისტის სტუმარი ხარია!» _
წეს ას _ იარაღნ აჰყარა,
გამაუჯარა კარია;
შენაქოს კაცი აფრინა:
«ჩქარა, გვიჭირეთ მხარია!
მინდი ჩავიგდეთ ხელადა,
სისხლის აღების ხანია!»
საგათენებოდ აივსო
მიზუს ქავციხის კარია,
მოცვივდნენ ქისტის შვილები _
სულხან, ბათაკა _ ძმანია:
«გვაჩვენეთ ხოგაის მინდი,
ბევრი გვიკიდავ ვალია!»
«რად გინდათ ხოგაის მინდი,
წელთ არ არტყავის ხმალია!»
მინდი თავის ძმას ეტყოდა:
«ძმავ, ნუ გატეხით ხარია!»
კვირიკამ, ნანაისძემა,
ციხეში ბანდნა ჯღანია,
ჯერეთ ის გადმაუფრინდა,
ვეფხვმა დახია ჯარია:
«მინდის ნუ მახკლავთ, ქისტებო,
ხელში მიეცით ხმალია!
აბჯარ მისცენით მინდისა,
დააცდეინეთ თავია!» _
მინდის რო თავის ხმალ მისცეს,
არწივმ გაშალნა მხარნია,
თორმეტი მოკლა, მაშინვე
დადგა, ჩააგო ხმალია...
არ დაიჯერეს ძაღლებმა,
შამააწვინეს მკვდარია...

***
ხოგაის მინდი კვდებოდა,
მზე წითლდებოდა, ცხრებოდა,
ცა ჭეხდა, მიწა გრგვინავდა,
კაცს, ლომკაცს სული ხდებოდა...
ცხენი იმისი ტიალი,
ლურჯა, ტოტზედა დგებოდა,
ცოლი იმისი ბეჩავი
სანთელივითა დნებოდა,
დედა იმისი ბეჩავი
სულ შავად იმოსებოდა,
ხოგაის მინდი კვდებოდა,
მზე ჩადიოდა, ჰქრებოდა,
ჩამოდიოდა ვარსკვლავი,
მთვარე უკუღმა დგებოდა.


***
ერთ იყო ხორგაის მინდი,
ოთხნი ეტანნეს სხვანია,
პირიქით გადავიდიან,
მითხოს მაავლეს თვალია.
სოფლისად ჩასვლა ეწადის,
ძმობილ ჰყავ ფიც-ნაჭამია.

სოფელ თერეთეგოს აპირებდნენ ჩასვლას, სადაც მინდიას ძმადნაფიცი ჰყავდა, ალდისძე.
მაგრამ გზა შეეშალათ, მოხვდნენ მიზუს.

ეს მიზუც აკლებულია,
შიგ ალაჩაის ქალია.
ქავჩიით გამოგიტანათ
ქემხით ნაკერი ტყავია.
შაგყარნათ სიმაგრეჩია,
გადმოგიკეტათ კარია,
თავად ახვაში გავარდა:
“აქ მოგვიჭირეთ მხარია!
მინდი ჩავიგდეთ ხელადა,
თუ ვის გიკიდავთ ვალია”.
მინდის ნუ მახკლავთ, ქისტებო,
ხელში მიეცით ხმალია.
ხმალ თუ იხმარას მინდიმა,
შინავ გაუშვით, ხარია.
თორმეტი მახკლა მინდიმა,
დადგა, ჩააგო ხმალია.
არ დაიჯერეს ძაღლებმა,
ღაბახად დადგეს მკვდარია.

მზე წითლდებისა, წყრებისა,
ხორგაის მინდი კვდებისა.
ცაზედ მდინარი ფრინველი
თბე-ბოლოთ იხოშებისა,
ჩამოდის წვრილი მასკვლავი,
მთვარე უკუღმა ცხრებისა.




Last edited by გამრიგე on Wed Nov 03, 2010 12:58 pm; edited 2 times in total
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:12 pm

ყმაწვილის მოკვლა ჭორმეშავს

ხმა სადამ გატყდა ჭორმეშავს:
«არავინ იცის, რაზედა,
ქისტებს ყმაწვილი მოუკლავთ
ჭორმეშავის ძირ, წყალზედა...»
გოგოთურ წოვაისშვილი
მივა სახლიკაცთ კარზედა:
«ადექით, თუშის შვილებო,
აღარ გვესხდომის ჯარზედა!
ავდგათ, ჩავიდვათ საგზალი,
შავდგათ სამტერო გზაზედა!»
გამუდგა მძიმე მდევარი,
წამოვა უგზო გზაზედა,
ჩავიდეს ქეშლოს ჭალასა
წუხრ ვახშმობისა ხანზედა,
სოფლადაც ჩასვლა სწადიანთ,
ქისტს ჩამაუვას წყალზედა...
მაჟარი უთურგაისი
გავარდა ფეხის ჩქამზედა,
ნასრევი აბაკაისიც
ქისტს დაეშინჯა ტანზედა;
«ძაღლიკაისიც იქნები,
მალ-მალ წაგლალავს წყალზედა!»
დაბრუნდეს ნასახელარნი,
მალე გადმოვლეს მთაზედა,
წამაასვენეს ძაღლიკა,
შამაახდინეს ბანზედა...
ქისტებს ყმაწვილი მაუკლავთ _
არავინ იცის, რაზედა!

Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:15 pm

ლომ-ხუზაურნი

თინიბექმ უთხრა მამასა:
«მამავ, შავყაროთ ჯარია,
ჩავიდეთ მათურაშია,
ამოვირეკოთ ცხვარია!»
«შვილო, მათურას ვერ ჩავალთ,
მოკლედ აჭრიან მთანია!»
«მაშ, ხოშარაში ჩავიდეთ,
იქ მრავალ ქალი-დ რძალია!»
«არა, ხოშარას ვერ ჩავალთ,
სახვევიანი გზანია!»
«გოგოლაურთას ჩავიდეთ,
სიმდიდრე იქაც არია!»
«გოგოლაურთას ვერ ჩავალთ,
იქაც ავნია ყმანია,
კიბულს არ ჩაგვაცილებენ
ლომ-ხუზაურნი ძმანია»...
«მაშ, ცაბაურთას ჩავიდეთ,
ბეღელს მოვშალოთ თავია!» _
თინიბექმა და ალეკამ
შეჰყარეს ქისტის ჯარია,
დაესხენ ცაბაურთასა
ბეღელს მოშალეს თავია.
დილა-ადრიან ხუზაურმ
მტრის ლაშქარს მოჰკრა თვალია,
ძმას გადასძახა ლომასა:
«ადეგ, გალესე ხმალია!
ცაბაურთაში ქისტისა
ლაშქარი ჩამომდგარია,
კოჭლას ნუ გააგებინებ,
სად ივლის, ხაიბარია!»
ჯვართანას წყალთან მაუსხდეს
ლომ-ხუზაურნი ძმანია,
არ დაანებეს ქისტებსა
გადასავალნი გზანია,
მარტო მაცნედღა წავიდა
ალეკა, ჯარის თავია.
ალეკას გამაეგება
წინა უნცრუა რძალია:
«მამამთილაო, რა უყავ
თინიბექ, ჩემი ქმარია?!»
«ჯვართანას წყალზე მოგვიხდეს
ლომ-ხუზაურნი ძმანია,
წვიმურა წვიმდეს ისარნი,
ელვად ელავდეს ხმალნია,
კოჭლამ კი ჯვართანას გორით
ბეღელს აკერა მკვდარია,
წამოგვწვდენ მუჭის ღელესა,
მკვდარზე შაყარეს მკვდარია»...
«მამამთილაო, რა უყავ
თინიბექ, ჩემი ქმარია?!» _
ხელახლა ჰკითხავს ალეკას
თავის უნცრუა რძალია.
«თინიბექს ჯიბეს უპოვნეს
დის მზევინარის თმანია,
ზედ დაანათეს ხანჯრები,
დაკუწეს, როგორც მხალია;
იქ დარჩა მუჭის ღელესა
წითლის არაყით მთვრალია;
გვერდით დავუბი ლურჯაი,
ტიროდა როგორც ქალია,
თავით დავუსჭვე დროშაი,
აჟრიალებდა ქარია».

Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:17 pm

***
წოვეთში, გიგის ციხეო,
ქვამც ნუ სდებულხართ ქვაზედა!
მოგიხდეს ჭარელთ შვილები,
ალი დაგხვიეს თავზედა.
გამაგრდი, გიგის ციხეო,
ჯაჭვი გადიცვი ტანზედა!
გიგი ცოლს ეუბნებოდა:
«წამალი მიწყე წამზედა,
რომ შემოგვაკლდეს ტყვიაი,
ღილი აიჭერ ტანზედა»...
თოფი მოარტყეს გიგისა
მარცხენა ძუძუს თავზედა,
წაიღეს გიგის სიათა,
გადვიდნენ ლეკის მთაზედა,
ხელიც მოაჭრეს გიგისა,
ჭარს ჰკიდავ ციხის კარზედა...
ამაგ ლექსისა მათქომსა
ქალს ცრემლი მამდის თვალზედა,
გიგის ხელების ნაწვეთი
მაღლით ჩამომდის თავზედა.
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:22 pm

შატილს გადიდდა ხოხობი

შატილს გადიდდა ხოხობი,
გულდიდად დაჯდა ჯარზედა,
დაზარდა შვიდი წიწილი
არწივის ნაბუდარზედა;
შვიდნივ იზარდნენ ლომებად,
განთქმულნი დაღესტანზედა,
შვიდთავ უყიდა ჩაჩქნები,
შვიდთავ დაჰხურა თავზედა,
შვიდთავ უყიდა ფრანგული _
ხელი მიუდისთ ხმალზედა:
«შვილებო, მიხვალთ საომრად,
ფრთხილად იყავით გზაზედა,
შინამც ნურცერთი მომსვლიხართ,
თუ ვინმ გაჯობათ ცდაზედა,
თუ ის ქალ ახადის ციხით
აქ არ მამგვარეთ კარზედა! _
გზას თვითონ ჩაასწავლიდა, _
ჩაჰყეთო ფშავის წყალზედა...»
ახადს, გოდერძის ციხეო,
მოგადგნენ თენებაზედა,
სიმურგვლივ შემოგიარეს,
კარი გაგიღეს წამზედა;
თუ ეგრე მალე გაგტეხდნენ,
ქვაც ნუ გდებიყო ქვაზედა!
ცოტა ხან როგორ ვერ გასძელ,
ალი დაგხვიეს თავზედა,
გამაიყვანეს პირად მზე,
მოსტირის, მოჰყავთ გზაზედა;
ახადზე ჩამოატარეს,
გახდეს მათურის მთაზედა,
მიდიან, მიშილინდობენ,
მისაუბრობენ ცდაზედა,
წინ ფშაველ შამაეყარათ,
თხის ტყავი სცვავის ტანზედა,
დადგა და კითხვა დაუწყო:
«პასუხ მითხარით წამზედა,
ეგ ქალი საიდან მოგყავთ,
ცრემლი რომ მოსდის თვალზედა?!»
«ქალი ახადით მოგვყავის,
ბეგარ ავიღეთ ფშავზედა,
მაგის საქმარეც აქა გვყავ,
შატილს ჩამოვსხავთ ჯარზედა!»
«ვაჰმე, რა საქმე გიქნავისთ
ლაშარის ჯვარის ყმაზედა!
ბეგარს ვინ აგაღებინებთ,
ცხენისმჭამლებო ფშავზედა?!»
«რამ გადაგრია, ფშაველო,
რამ შაგაწყინა ჭკვაზედა?!
ჩვენ ვართ ხახაბის შვილები,
განთქმულნი დაღესტანზედა!
შენ წერას აუტანიხარ,
მიტომ გვიდგები შარზედა,
გიჯობს, ჭკვიანად წახვიდე,
სანამ თავ გაბამს ტანზედა!» _
«მეც კი გახლავარ ფშაველი,
არ გაგექცევით განზედა,
მოდი, გაუშვით ეგ ქალი,
ნუ გავალთ მუქარაზედა!
თუ ეგ ქალ წაგაყვანინოთ,
წვერიც ნუ მსხმია ყბაზედა!» _
შვიდ ქისტმა, ერთმა ფშაველმა
ხმლები აანთეს წამზედა;
ეგრე ფრინავდა ფშაველი,
რო შავარდენი ცაზედა;
ექვსს _ წუთში დასჭრა თავები,
მკვდარი შაყარა მკვდარზედა,
მეშვიდეს _ ყურებ დასთალა:
«ამბავ მიართვის ჯარზედა!»
შვიდსავ იარაღ აჰყარა,
აისხა ლერწამ ტანზედა,
თავის იარაღ ქალს მისცა,
უთხრა: «დავ, გასწი გზაზედა,
მამას უთხარი, გოდერძის,
კაცს რა გამოლევს ფშავზედა,
ნუ ეტყვი ჩემსა სახელსა,
ჩვენ ვიყვეთ და-ძმობაზედა»...
«თუ შენი გულისაც იყვეს,
ჩვენ ვიყვეთ ცოლ-ქმრობაზედა...»
ქალი შინ გამააბრუნა,
გაჰგზავნა მამის კარზედა...
გამაეთხოვეს ერთმანეთს,
ცრემლი სდიოდათ თვალზედა.



Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:24 pm

ბატატი

გარდმოვიტანე ფანდური,
ჩავათამაშე ხელია,
ხევსურეთს ბატატ გაითქვა,
რო წინა დროში ლელია.
სხვა არვინ გამიგონია
ქალი ვაჟების მტერია,
ახლა გამოჩნდა ბატატი,
ბაჩლელ ლელაის ფერია:
«მითხოში უნდა გარდვიდა,
წამოვიყვანო ცხენია, _
სხვაგან არ მოიხელთების
ბატატის შესაფერია.
ტახტის თავითი მიკიდავ
აბჯარი ასასხმელია:
ხანჯალი სპილოსტრიანი,
თავით-ბოლომდე ჭრელია,
ხირიმი დასევადული,
მამპაპეული, ძველია.»
აიმას ამბობს ბატატი:
«თოვლის გაშრობას ველია, _
ქისტეთში უნდა გარდვიდე,
მითხოს ვადინა მტვერია!»
შიკრიკი გამოუგზავნეს:
«ბატატო, დაგვეხსენია,
ძირს ნუღარ გაუნედლებდით,
გახმეს მტერობის ხენია!»
ბატატმ მისწერა წერილი:
«აჩარო მაინც ჩემია!»
მითხოს დაადო ბეგარა,
ცხრა გაუკვეთა წელია.
გაუგავ არხოტივნებსა,
ურჯულო დადგა ძალზედა,
წავიდეს მონადირენი,
შამახდეს ტერღის მთაზედა.
ტერღის-წვერ-გადამდინრებსა
ყორნები დაჰყეფს თავზედა,
შამახდეს არხოტივნები
ქისტებს სასწორო გზაზედა,
ჯერ იქ მოითვრნეს სისხლითა,
აწ ჩავლენ ტერღის წყალზედა...
ბოსელთ აბრუნდეს არწივნი,
ეთელებიან მკვდარზედა.

Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:27 pm

ქისტების დასხმა ფშავლების ცხვარზე

ანდარუყოს მეთაურობით
წამოვლენ ბარის ქისტები,
დიდ უდგასთ საუბარია,
მაუვლენ ანდარუყოსა:
«დიჩინ, გვიჭირე მხარია!»
ემზადა ანდარუყოი,
ფეხზედ ჩაიცვა ჯღანია,
უბეს ჩაიდვა სუდარი,
ჯალაფთ დასწერა ჯვარია;
მოვიდეს კალოთანასა,
იყვას ვახშმობის ხანია,
მონახეს ქიბიშაურნი _
უღლად ხევსურნი ძმანია;
ქისტურად ჰკითხეს ამბავი;
ერთურთს დაუცეს თვალია, _
ეტყვიან ქიბიშაურსა
გიორგის: «მოგვეც მხარია!»
ემზადა ქიბიშაური,
ვეფხვმა აისხა ბწკალია,
ხკითხევდა ანდარუყოი:
«ფშავლებს სად უდგა ცხვარია!»
«ვიდინათ, ანდარუყოო,
ჯერ მიგვიდიან გზანია!»
შუღამის ხან რო მავიდა,
ქისტებმ მააწყვეს ჯარია,
იეჭვა ქიბიშაურმა:
«რა დროს სტუმრობის ხანია!»
გულში სთქვა: «ქისტო, იცოცხლე,
შენ მოგიმოკლდეს გზანია!»
დაგვიკრა ანდარუყოსა
ობლის ნალესი ხმალია, _
ქიბიშაურის ფრანგულმა
აისხა სისხლის ცვარია...
გიორგი ქიბიშაურმა
შააღო «სუდის» კარია,
«ნაჩალნიკ» გაუჯავრდება:
«ხევსურო, შენი ბრალია!»
«მავხკლავდი, შენი ჭირიმე,
ქისტებმ გაბედეს ძალია,
წელთ მესხა იარაღები,
განათუ ვიყავ ქალია!»
ამა ლექსისა მათქვამი
კალოთანს კოშკში ჰბრძანია...
სალექსო გამომიგზავნე,
გიორგივ, ჯიხვის რქანია!

Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:31 pm

ყარა-ნამაზი

ბორჩალოელი თათრები
ბორნით გამოვლენ მტკვარსაო;
დაჰყვება ყარა-ნამაზი
ალგეთის ხეობასაო,
კითხულობს ფშავლის ფარებსა,
სად აყენებენ ცხვარსაო,
გაიძმობილებს ყვავ-ყორანს,
მის კვალზე ლეში ყარსაო,
ვისაც კი გზად შეეყრება,
მინდორთ გასწირავს მკვდარსაო...
ნუ მიხვალ, ყარა-ნამაზო,
ემანდ ვეფხი წევს გზასაო,
ბევრ თათარ უნადირებავ
ყაყიჩათ გამიხარდსაო...
არ იშლის ყარა-ნამაზი,
მოათამაშებს ხმალსაო:
«რაად მიძოვებ, ფშაველო,
საიალაღე მთასაო?!
იარაღ მამცენ, ყაყიჩავ,
თორემ ხმლით მოგჭრი თავსაო!»
«დამეხსენ, ყარა-ნამაზო,
ნუ მიბოჟირებ ცხვარსაო!
ნუ მიტრიალებ ქეჩებსა,
შირაქში მიმდინარსაო!
ფშავლის ბალღ რისთვის მაჰკალი,
რად მახვევ ცოდო-ბრალსაო?!
შენ დაჩვეულხარ, რჯულძაღლო,
გზაზედ მგზავრების ცრცვასაო,
ჯიბეში ხელის ჩაყოფას,
ხელზე ფულების თვლასაო!» _
გაჯავრდა ფშავლის გაზრდილი:
«ჩემსას გაგაცნობ თავსაო!
არ მოგცემ, ყარა-ნამაზო,
ჩემს ხანჯარსა და ხმალსაო!
არ უბარებავ ჩემს გამზრდელს,
მზევინარს, ყაყიჩთ რძალსაო,
აიყაროდი თოფიცა,
მიაწვადოდი სხვასაო!»
გადაუფრინდა ფშაველი,
ამაეფარა ქვასაო,
თოფ დაჰკრა ყარა-ნამაზსა,
სისხლ ორგნით იქამს ჩქამსაო;
თათარ ცხენს გადმაეკიდა,
შაშვივით აღებს ყბასაო...
ყარა-ნამაზის მამკვლელსა
რად არ აძლევენ ჯვარსაო?!
ეგ რო მაეკლა ყროლ რუსსა,
გახდიდენ აფიცარსაო...
ემაგის მალექსებელი
მათრახს ვუჭრელებ ტარსაო,
ბერდიაი ვარ, ჩარგლელი, _
შირაქს ვაძოვებ ცხვარსაო.
დალიე შასანდობარი
ლამაზის გიორგისაო!
ძაღლისა ლეკის ტანზედა
ხანჯარი იცნო ძმისაო...
შარაში წამაეგება, _
ორთავ ხელებსა სჭრისაო.


Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3807
Registration date : 09.11.08

PostSubject: Re: ქართული ხალხური პოეზია   Fri Aug 27, 2010 4:48 pm

მამუკა ქალუნდაური

გადმოდგა სადღვებელაზე
ქუჩუმიანი ფარია,
კითხულობს ქალუნდაური:
«სად ომობს ჩემი გვარია?»
«ბეგენგორს, ქალუნდაურო,
ომს ება შენი გვარია»...
მარტუა ჩაჰყვა ლაშქარსა,
ხოცა ზურაბის ჯარია,
მეთორმეტეს რომ შამოჰკრა,
დადგა, ჩააგო ხმალია...
ომიდან მობრუნებულმა
სამნად ჩაჰყუდნა ქვანია.
Back to top Go down
View user profile http://armuri.4forum.biz
Sponsored content




PostSubject: Re: ქართული ხალხური პოეზია   Today at 10:56 am

Back to top Go down
 
ქართული ხალხური პოეზია
View previous topic View next topic Back to top 
Page 1 of 3Go to page : 1, 2, 3  Next

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: ბალღოო, აეს არი შენ სამშობლო...-
Jump to: