არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  

Share | 
 

 უცნობი პოეტები და უცნობი პოეზია

View previous topic View next topic Go down 
Go to page : Previous  1, 2
AuthorMessage
bao
Into Armury
Into Armury
avatar

Female
Number of posts : 391
Age : 57
Registration date : 11.12.08

PostSubject: Re: უცნობი პოეტები და უცნობი პოეზია   Tue Feb 24, 2009 12:34 pm

წავიკითხე ყველა კომენტარი, საინტერესოა, საკვლევიცაა უდაოდ, მაგრამ მთავარია,რომ ეს ჩვენია! ჩვენი! ქართული სულისა და გენის გამონაშუქი!...
Back to top Go down
View user profile
სანათა
Into Armury
Into Armury
avatar

Female
Number of posts : 340
Age : 57
Registration date : 10.11.08

PostSubject: Re: უცნობი პოეტები და უცნობი პოეზია   Tue Feb 24, 2009 2:23 pm

ბობო wrote:
Arrow
ჯერჯერობით ვერც გიო არაბული დაასაბუთებს გიორგა ჯაბუშანურის ავტორობას, რაც საბუთები მოიყვანა (იქნება მხოლოდ მღეროდა ხოლმე ის კაცი ამ ლექსს?) და ვერც სანათა - მიხა ხელაშვილის ავტორობას...

თუ იმით ვიმსჯელებთ, ამ ავტორებს კიდევ რა დაუწერიათ, მიხა ხელაშვილი უფრო იტყოდა - ”ლექსო, ამგთქომ, ოხერო” უბრალო პოეტის ნათქვამი არ არის - მთელმა საქართველომ აიტაცა ეს ლექსი და ”დედას ვუყვარვართ შვილები, / დედა არ გვახსოვს შვილებსაო” - ამ სტრიქონიდან ერთი ნაბიჯია ”წავიდე, მეც იქ მივიდე, სამძიმარ ვუთხრა ჭირისაო” - ამის თქმამდე...

ერთია, გული რას გვიგრძნობს და მეორეა - დასაბუთება თუ შეგვეძლება...

სანათას მობოდიშება გიოს მიმართ, გაუგებრობის დამთავრებად ჩავთვალოთ...

კახეთში ეგრე ამბობენ ხოლმე და მეც გავიმეორებ - რომელიც გინდა თითი მომაჭრა, ყველა ერთნაირად მეტკინება. ხევსურებიც ჩემები ხართ და ფშავლებიც - ნუღარ ასტეხთ აქა უნიადაგო დავასა, თორო - ვაი, თქვენი ბრალი!

Exclamation
მიხო!
მე, კარგად მოგეხსენება, მხოლოდ დიდი სიყვარული მალაპარაკებს და შენი ნათქვამის არ იყოს, რა დედა რა მამა! ჩემთვის აბსოლუტურად ერთნაირად სასიხარულოა, ფშავლის აღმოჩნდება ეს ლექსი თუ ხევსურისა.
აქ საუბარი მიდიოდა, როგორ უნდა მოხდეს სახალხო მოლექსეთა ლექს-კაფიების პერსონიფიცირება და გიომ შემოიტანა მართლა საინტერესო ასევე გაუპიროვნებელი ლექსი, “იარებოდა დედაი”, რომელიც ცალკე ლექსად უკვე აღარც აღიქმება და არის გაგრძელება “ვეფხვის და მოყმის” ბალადისა. თავით ბალადის ხალხურობაზე არც არავინ დავობს იმიტომ, რომ უნუგეშოდ დიდი ხნის წინ არის ჩაწერილი და ახლა ძალიან ძნელია(ან არის კი საჭირო?!)ავტორის დადგენა. ჩემთვის პირადად, როგორც ერთი მკითხველისათვის არც მეორე ნაწილის ავტორის დადგენა შემატებს ან დააკლებს ამ დიდებულ ლექსს არაფერს, არც არასოდეს წამომიწყია ამ საკითხზე საუბარი და არც მოსაზრებები და ვარაუდები გამომითქვამს. წაკითხვით საკმაოდ ბევრი წამიკითხავს და რაც წამიკითხავს, ძირითადად არის ამ ლექსების ვარიანტების ჩაწერის ქრონოლოგიის მოწესრიგების მცდელობა და ჩაწერის ფაქტების შედარება-დაპირისპირება. ამ საკითხზე ფოლკლორისტთა (ზ.კიკნაძე, ტ.მახაური, დ.გოგოჭური, ალ.ჭინჭარაული) კამათისას ჩემი პოზიცია მუდამ დღევანდელის თანხვედრილი იყო, გამოწვლილვით შეისწავლონ სპეციალისტებმა(და არა გიო არაბულმა, მარიამ ხუცურაულმა და ა.შ.) ლექსის სავარაუდო შექმნის დროინდელი ფშავ-ხევსურეთის პოეტური რეალობა, მოახდინონ საკვლევი ლექსის ტექსტოლოგიური კვლევა და ისე გააკეთონ დასკვნები, რაკი ასეთი აუცილებლობა დგება ლექსის პერსონიფიცირებისა.
აქვე ისიც მინდა ვთქვა,მიხო, იქნებ მიმითითო ერთი მაინც ფშაველი ავტორი, მკვლევარი ან დაინტერესებული მკითხველი, ვინც ოდესმე, სადმე სადავოდ ჰხდიდა რომელიმე (თუნდაც ამ)ლექსის წარმომავლობის, ავტორის ან ჩაწერის ადგილის საკითხებს და მათ გადაწყვეტას მოითხოვდა. ამას ახლა იმიტომ გეუბნები, რომ არგანმა და შენ, გიოს პრეტენზიულ განცხადებაზე ჩემს პასუხს, ფშავ-ხევსურთა კამათი და ომი დაარქვით. არადა, რომ არა გიოს ის განცხადება, მე ხომ როგორც აქამდეც არასოდეს, არც ახლა ამოვიღებდი ხმას. კიდევ ერთხელ ვიმეორებ, მე ლექსი მომწონს და მეფასება თავისთავად და სულ ერთია ფშაური აღმოჩნდება თუ ხევსურული! მე ხომ თანაბრად მიყვარს ჩემი ხევსური დედა და ფშაველი მამა!
ოღონდაც, სადაც დაფიქსირდება ვარაუდი, რომ ავტორი არის გიორგა ჯაბუშანური, მე ვფიქრობ, ნებისმიერი განათლებული ადამიანი ვალდებულია, მიუთითოს, რომ არსებობს მიხა ხელაშვილის ავტორობის ვარაუდიც.
Back to top Go down
View user profile http://www.geowebi.com/sanatha/
არაბული
Into Armury
Into Armury
avatar

Male
Number of posts : 190
Age : 26
Location :
Job/hobbies :
Humor :
Registration date : 27.12.08

PostSubject: Re: უცნობი პოეტები და უცნობი პოეზია   Wed Feb 25, 2009 3:16 pm

ის რომ ამ ლექსს არას დააკლებს ჩემი არც აუგი და არც ქება არას მოჰმატებს ეს მე წინა პოსტებშიც ვთქვი......... კიდევ ისც ვტქვი და თუ არ ვთქვი ახლა ვამბობ რომ ამ ლექსის ავტორი ვინც არ უნდა იყოს, ამ ლექსს მაგით არც არაფერი მოემატება და არც დააკლდება და ისევ შედევრად დარჩება....

ბოდიშის მოხდა არ იყო საჭირო,

რაც შეეხება გიორგა ჯაბუშანურის ავტორობა უფრო მიმაჩნია ვიდრე სხვა ვინმესი, ეს ჩემი აზრია............ იმედია ამას შეისწავლის ვინმე კარგი ენათმეცნიერი და სწორ დასკვნას გამოიტანს...

რაც შეეხება მიხა ხელაშვლის ავტორობას. ერთი ფაქტი მინდა ავღნიშნო...... რამდენიმე ხნის წინ გიგი ხორნაულს შევხვდი, რომლის მამის ვანო ხორნაულის მიერ იქნე გადამალული მიხას ლექსები ეხში.... ბატონმა გიგიმ მითხრა რომ ახლა უნდა გამოვიდეს მიხა ხელაშვილის ახლიდან შევსებული კრებულის მეორე გამოცემა..... იმ ეხში კი სადაც მიხას ხელნაწერები იქნა აღმოჩენილი არსადაა ეს ბალადა ("ვეფხვისა და მოყმის") მართალია ამ ფაქტიტ არც არაფერი მტკიცდება უბრალოდ პატარა ფაქტია რომელიც ვფიქრობ მაინც მნიშვნელოვანია.... ასევე მინდა ავღნიშნო ისიც რომ ამ ნაწერებში აღმოჩენილია ისეთი ლექსები რომლებიც ნამდვილად არ ეკუთვნის მიხას, ფოლკლორისტებისთვის ზოგი ლექსის ავტორი ცნობილიც კია, მაგრამ ეს ლექსები მიხას არქივში ამმოჩნდა, რატომ ინახავდა მიხა ამ ლექსებს?! თუ იმიტომ რომ უბრალოდ კარჰი ლექსები იყო მაშ სადაა "იარებოდა დედაი", მითუმეტეს თუ მიხასია ეგ ნაწილი..... საინტერესოა ამ ბალადის გაგრძელება მიხასია, მაშინი რატო არ შეიტანდა ამ ლექსებში.... მართალია მისი სახელის ხსენება აკრძალული იყო, მაგრამ ვინც ეს იცოდა რომ "ლექსო ამოგთქომ ოხერო" ხელაშვილის იყო და ეს ცაინიშნა, რატო არ ცაინიშნავდა ასეთ მშვენიერ ნიმუშს როგორიც "იარებოდა დედაია"?! ...... ან მიხა რატო არ შEიტანდა საკუთარ ლექსებში...... კიდევ ავმობ ეს არაა ისეთი ფაქტი რომელიც რამეს ამტკიცებს ან თიშავს, მაგრამ მაინც გასათვალისწინებალია..................... ვფიქრობ ამაში თქვენც დამეთანხმებით და კიდევ შეცდომით არ გაmიგებთ,, მერე კი კიდევ არაფერს დამწამებთ...

დანარჩენად კი - მარიამის პოსტს
Quote :
წავიკითხე ყველა კომენტარი, საინტერესოა, საკვლევიცაა უდაოდ, მაგრამ მთავარია,რომ ეს ჩვენია! ჩვენი! ქართული სულისა და გენის გამონაშუქი!...
ვეთანხმები


Last edited by არაბული on Wed Feb 25, 2009 8:15 pm; edited 1 time in total
Back to top Go down
View user profile http://lib.ge/
ვაჟა ხორნაული
Into Armury
Into Armury
avatar

Male
Number of posts : 1350
Location : თბილისი
Job/hobbies : პოეტი
Humor : სანაქებო
Registration date : 09.12.08

PostSubject: Re: უცნობი პოეტები და უცნობი პოეზია   Wed Feb 25, 2009 6:41 pm



ამგვარი დავა ყოველთვის იქნება და საკითხი ბოლომდე ამოუხსნელი დარჩება,
რაც იმის დასტური იქნება,რომ პოეზია,მართლაც,მარადიული იდუმალებაა_ეს მე იმდენად მახარებს,რომ მაინცდამაინც არ მაინტერესებს,ვინაა მეორე ნაწილის ავტორი...ჩვენია,ქართველია!
...
კაცი რომ ოთხტაეპიან ლექსში ერთმანეთის მიყოლებით "მავიდა"_ს,"გაიგა"_ს,"შავიდა"_ს და "წავიდა"_ს გარითმავს,"იარებოდა დედაის" დამწერიუ არაა.
...
ამ უსარგებლო და ძვირფასი წუთების დამკარგვინებელ კამათს,ჩემი აზრით,ბევრად სჯობია,კიდევ ერხელ,თუნდაც მეასედ და მეათასედ ,
წავიკითხოთ ეს,მართლაც,ლექს_საოცრება და ჭეშმარიტი პოეზიის ნათელში ვიხაროთ.
...
ჩემო გიო,აქედანაც გიხდი მადლობას იმ უმშვენიწერესი სურათებისათვის...წარმოვიდგინე,რა ლამაზი და თანაც სევდიანი იქნებოდა შენგან გადაღებული ნასახლარები,ნაწისქვილარები,ნაკოშკარები_ერთ ციკლად შეკრული.
Back to top Go down
View user profile http://www.urakparaki.ge/?m=7&WUID=1466
არაბული
Into Armury
Into Armury
avatar

Male
Number of posts : 190
Age : 26
Location :
Job/hobbies :
Humor :
Registration date : 27.12.08

PostSubject: Re: უცნობი პოეტები და უცნობი პოეზია   Wed Feb 25, 2009 8:12 pm

მე მაინც იმედი მაქვს რომ დადგინდება ავტორი.... და თუ არ დადგინდა ან დადგინდა ამით ამ ლექსის გენიალურობას არც არაფერი დააკლდება და არც შეემატება...... მართალს ამბობთ, მთავარია რომ ქართველის დაწერილია და ქართულია..... გეთანხმებით!

მიხა ხელაშვილის ავტორობასთან დაკავირებით მე ჩემი აზრი გამოვთქვი წინა პოსტში; ეს იყო და ეს....



Quote :
ჩემო გიო,აქედანაც გიხდი მადლობას იმ უმშვენიწერესი სურათებისათვის...წარმოვიდგინე,რა ლამაზი და თანაც სევდიანი იქნებოდა შენგან გადაღებული ნასახლარები,ნაწისქვილარები,ნაკოშკარები_ერთ ციკლად შეკრული.


მეც მინდა წიგნებზე მადლობა გადაგიხადოთ, დღეს ავიღე თქვენი დატოვებული წიგნები..... უღრმესი მადლობა..... რაც შეეხება ფოტოებს, მოგვიანებით ნელ-ნელა კიდევ ბევრს დავდებ...
Back to top Go down
View user profile http://lib.ge/
ვაჟა ხორნაული
Into Armury
Into Armury
avatar

Male
Number of posts : 1350
Location : თბილისი
Job/hobbies : პოეტი
Humor : სანაქებო
Registration date : 09.12.08

PostSubject: Re: უცნობი პოეტები და უცნობი პოეზია   Wed Feb 25, 2009 10:45 pm


კიდევაც დაიზრდებიან
ალგეთს ლეკვები მგლისანი!


cheers
Back to top Go down
View user profile http://www.urakparaki.ge/?m=7&WUID=1466
არაბული
Into Armury
Into Armury
avatar

Male
Number of posts : 190
Age : 26
Location :
Job/hobbies :
Humor :
Registration date : 27.12.08

PostSubject: Re: უცნობი პოეტები და უცნობი პოეზია   Wed Feb 25, 2009 10:59 pm

ვაჟა ხორნაული wrote:

კიდევაც დაიზრდებიან
ალგეთს ლეკვები მგლისანი!


cheers

ასე იმედიანად და კარგად სხვა ვერავინ დაასრულებდა ამ საუბარს , ასე ლამაზად....


Last edited by არაბული on Wed Jun 03, 2009 8:27 pm; edited 1 time in total
Back to top Go down
View user profile http://lib.ge/
არგანი
Into Armury
Into Armury
avatar

Male
Number of posts : 295
Location : თბილისი
Registration date : 18.12.08

PostSubject: Re: უცნობი პოეტები და უცნობი პოეზია   Tue Mar 03, 2009 12:26 am

ერთი ლექსის ავტორი გამიგია, ერთი სტროფისაც, სამი სტრიქონისაც (ჰაიკუ), მაგრამ ერთი სტრიქონის - არა.


"მერმე გამოველ, დავხკივლე, ზღვაო გაწირე ღელვაო.."ვინც ამ სტრიქონის ავტორს დაკარგულ გენიოსად არ აღიარებს, ის ნუ დაჯდება ჩემთანა.. Rolling Eyes
Back to top Go down
View user profile
Admin
Into Armury
Into Armury
avatar

Male
Number of posts : 4191
Registration date : 09.11.08

PostSubject: Re: უცნობი პოეტები და უცნობი პოეზია   Tue Mar 03, 2009 12:38 am

არგანი wrote:
ერთი ლექსის ავტორი გამიგია, ერთი სტროფისაც, სამი სტრიქონისაც (ჰაიკუ), მაგრამ ერთი სტრიქონის - არა.


"მერმე გამოველ, დავხკივლე, ზღვაო გაწირე ღელვაო.."ვინც ამ სტრიქონის ავტორს დაკარგულ გენიოსად არ აღიარებს, ის ნუ დაჯდება ჩემთანა.. Rolling Eyes

Exclamation Exclamation Exclamation

მერმე გამოველ, დავხკივლე, - ზღვაო, გაწირე ღელვაო...

Idea
Back to top Go down
View user profile http://armuri.4forum.biz
არგანი
Into Armury
Into Armury
avatar

Male
Number of posts : 295
Location : თბილისი
Registration date : 18.12.08

PostSubject: Re: უცნობი პოეტები და უცნობი პოეზია   Tue Mar 03, 2009 12:56 am

როცა ბარათაშვილის "სულო ბოროტოს" ვკითხულობთ , იქ სადაც ავტორი ამბობს:- განვედ ჩემგან სულო ბოროტო...არ გვიჭირს წმინდა წერლთან პარალელის გავლება (მაცხოვრის უდაბნოში გასვლა) და ეს ძალიან კარგია, თუმცა არ გვიკვირს, რადგან ეს ბარათაშვილია, რომელიც თავისი ცხოვრებით (პოეზიით) მოიპოვა ძალა "ბოროტი"შეერისხა...
მაგრამ, როდესაც უცნობი ავტორს (რომელსაც შეიძლება მხოლოდ ეს სტრიქონი დარჩა), შეუძლია სტიქიაზეც ბატონობა (ისევ წმიდა წერილის ის ადგილი, როდესაც მაცხოვარი ზღვის ღელვას დააცხრობს, აღარაფერი მაქვს სათქმელი.. .
ნუ ვიტყვით, რომ ეს ცარიელი სიტყვებია და მისი გამეორება ყველას შეუძლია.
აბა ,სცადეთ!
Back to top Go down
View user profile
ვაჟა ხორნაული
Into Armury
Into Armury
avatar

Male
Number of posts : 1350
Location : თბილისი
Job/hobbies : პოეტი
Humor : სანაქებო
Registration date : 09.12.08

PostSubject: Re: უცნობი პოეტები და უცნობი პოეზია   Sat Mar 21, 2009 8:48 am

არგანი wrote:
როცა ბარათაშვილის "სულო ბოროტოს" ვკითხულობთ , იქ სადაც ავტორი ამბობს:- განვედ ჩემგან სულო ბოროტო...არ გვიჭირს წმინდა წერლთან პარალელის გავლება (მაცხოვრის უდაბნოში გასვლა) და ეს ძალიან კარგია, თუმცა არ გვიკვირს, რადგან ეს ბარათაშვილია, რომელიც თავისი ცხოვრებით (პოეზიით) მოიპოვა ძალა "ბოროტი"შეერისხა...
მაგრამ, როდესაც უცნობი ავტორს (რომელსაც შეიძლება მხოლოდ ეს სტრიქონი დარჩა), შეუძლია სტიქიაზეც ბატონობა (ისევ წმიდა წერილის ის ადგილი, როდესაც მაცხოვარი ზღვის ღელვას დააცხრობს, აღარაფერი მაქვს სათქმელი.. .
ნუ ვიტყვით, რომ ეს ცარიელი სიტყვებია და მისი გამეორება ყველას შეუძლია.
აბა ,სცადეთ!





კარგი მიგნებაა. sunny
ასეთია პოეტური სიტყვის მაგია.
უდიდესი სასწაული_სამყაროს შექმნაც ხომ სიტყვასთანაა(ღმერთის სიტყვასთან) დაკავშირებული,
ერთსტრიქონიანი ავტორის სიბრძნეც ამ სასწაულის მშვენიერი ანარეკლია.


cheers
Back to top Go down
View user profile http://www.urakparaki.ge/?m=7&WUID=1466
სანათა
Into Armury
Into Armury
avatar

Female
Number of posts : 340
Age : 57
Registration date : 10.11.08

PostSubject: Re: უცნობი პოეტები და უცნობი პოეზია   Fri Apr 17, 2009 5:58 pm

დანაბარები მოვიდა

თოფის ხმამ გამამღვიძა
შარახევს მყოფი დილითა,
დანაბარები მოვიდა
გოგოლაურის პირითა:
“ადექით , შავერდაანო!
ნუ სტყვრებით, წოლა-ძილითა!
პავლეს გამართულ სახლშია
იძინებთ რაის პირითა,
ერთ დღეს არ მიშველებიხართ,
აგებდა ცოდვა-ჭირითა,
ეხლა კი მალ-მალ მასდიხართ
სძღებით ხინკლით და ღვინითა,
კარგადა გხვდებათ ეთერი –
გაცინებული პირითა.
გიკეთებთ ხაჭო-ერბოსა,
ამააქვს ქვევრის პირითა,
დაგიცხოთ ქადა-პურები,
ხატში წახვედით წირვითა.
ხევისბერი გყავთ ბასილი
ბაჭიჭიანი წვივითა,
ხთის შვილთ ფერხისა უმღერეთ,
ლევანს აღარა სტირითა,
გიყვართ გაშლილი მაგიდა
დამშვენებული ღვინითა,
თვითონ კი არას მაიტანთ,
სუ უქონლობას ჩივითა.
ჩვენს მოსვლას არა კადრულობთ
ჩამოვხმი მოლოდინითა.
ორსართულიან სახლ მიდგა
თეთრად ნაგები კირითა,
შიგნიდან ლამფა გაკრული,
გათლილი შალაშინითა;
გარედან ელექტრონები
ანათებს ქალაქივითა,
მზეზე შავადა პრიალებს
მოაჯირები რკინისა,
რიგრიგობითა დგებიან
მასწავლებლები ქირითა,
ცხვარ-ძროხაც უთვალავი მყავ
ნაკვები მწვანე თივითა,
ოროლი ცხენი საფერხე
კარს მიდგა ჟიგულივითა,
ბაბუა მოხელედა მყავ,
თვალგამოთხრილი ჩხირითა.
დარაჯად ლადოთ ლევანი
თვალჭრელი ღადუნივითა;
ჩემ დაკეთებულ ჩხუტები
დუშეთში ჩააქვთ ვირითა,
გავავსე სალაროები
რაც ფულ ავიღე იქითა.
სუ კარგ უკეთესს მიზიდვენ,
გავსუქდი კუნეტივითა,
ქუბდიასავით თავ დამაქვ
გასიებული ტვინითა.
შიგაით ვარჩევ ქალებსა
თურქეთის ხონთქარივითა,
ერთ პავლეს უნდა მოვგვარო
ტანწვრილი კალმახივითა,
ეთერსაც კარგად მაულის,
სუ ავადობას ჩივისა!

ვახტანგ შავერდაშვილის ეს კარგი სალაღობო ახლა ვიპოვე და თქვენც მოგიტანეთ. ავტორი კი ჰყავს მაგრამ მისი ბევრი ლექსი არაა ცნობილი და ორიოდესთვის აქ ცალკე გვერდის გახსნას კი, ვგონებ, არ აქვს აზრი. არადა რა მშვნიერი სალაღობოა, ნახეთ და იხალისეთ
Back to top Go down
View user profile http://www.geowebi.com/sanatha/
ვაჟა ხორნაული
Into Armury
Into Armury
avatar

Male
Number of posts : 1350
Location : თბილისი
Job/hobbies : პოეტი
Humor : სანაქებო
Registration date : 09.12.08

PostSubject: Re: უცნობი პოეტები და უცნობი პოეზია   Sat Apr 18, 2009 9:49 am



საოცარი ლექსია_იგი მკითხველს ერთხელ კიდევ აგრძნობინებს არამარტო ფშაურის,არამედ,საერთოდ,ქართული ენის ფენომენს,მის მადლიანობასა და მაგიურობას.
არ შემცდარა ვაჟა-ფშაველა,როდესაც ამბობდა,რომ ფშაური "ძველი ქართულია".
ილია ნაკაშიძე წერდა:"აი,ფშაველასა და ფშაველთა ენა,სტილი რკინისა პირდაპირ ხალხის გულიდან ამოღებული,როგორც კლდის ღრმა ნაპრალიდან უტეხი მადანი...ენა დინჯი,ენა მხატვრული,ენა მძლავრი."
პავლე ინგოროყვა:"ფშავ-ხევსურული არქაული ქართულია და არა პროვინციალიზმი."
ფშაურში ცოცხლად არის დაცული "მთელი რიგი არქაული გრამატიკული ფორმები,ნიშანდობლივი ძველი ქართული სალიტერატურო ენისათვის"(შოთა ძიძიგური).
დიდი პოეტის ფსევდონიმიც ბევრის მთქმელია:"ვაჟა-ფშაველა"_ათასწლოვანი ტრადიციის მქონე ენაზე მეტყველი ქართველი,ძირძველი ქართველი,უაღრესად ქართველი,_ასეთია ამ პოეტური ფსევდონიმის წარმომავლობა."(თამაზ ჩხენკელი).
...
დიდი მადლობა,ქალბატონო სანათა, კიდევ ერთი მარგალიტის გამომზეურებისათვის.
Back to top Go down
View user profile http://www.urakparaki.ge/?m=7&WUID=1466
nini
Into Armury
Into Armury


Female
Number of posts : 673
Registration date : 17.11.08

PostSubject: Re: უცნობი პოეტები და უცნობი პოეზია   Fri Jul 17, 2009 10:19 pm

ხალხური შემოქმედებიდან,ფოკლორის ნიმუშებიდან როგორ უნდა ''გამოვკრიბოთ'' ინდივიდუალური ავტორი ?ანუ როგორ და რა კრიტერიუმებით ხდება შეფასება მავანი ავტორი-სახალხო მთქმელი,მელექსეა თუ პოეტი?-ეს კითხვა ერთ ლიტპორტალზე დავსვი.



ბატონმა მიშამ-''ილტოსპირელმა'' მსწრაფლ მიპასუხა ლექსით-


დროა ყველაფრის ბატონი,
გამომჩხრეკი და გამრჩევი,
ყველას და ყოვლის ცალ-ცალკე
სახელმდები და დამჩემი,
ამ რთულ შეკითხვის პასუხზეც
იოლ ვერ გავიქაჩები,
ზემოთაც საკმარისად ა
სიტყვები ვაინაჩრები!
პოეტს და ხალხურ მელექსეს
შორის სხვაობის დამმჩნევი
ალღოა წამკითხველისა,
ნაწერის მი-მომქაფჩევი,
ცოდნაა პოეზიისა,
მისი ძირების ჩამჩემი.
ხალხს ოქროს კოვზი უჭირავს,
ერთ კაცს ნაჩორკნი ჩამჩები!
თუმც ყოველ ხალხურს თავიდან
ინდივიდის აქვს კანჭები,
მერე ბევრს ისხამს ხელ-ფეხსა
უძლიერედება მაჯები,
შორდება პირველპატრონსა,
მრავლად ეღება ფანჯრები,
ბოლოს მზესავით ბრდღვიალებს,
სულ სიბრძნით ნაფორაჯები,
სულ სილამაზედ ნადნობი,
იოლად მოსამარჯვები.
მე, მაგალითად, პირადად,
ახალ ლექსთან რო დავჯდები,
იოლად ვარჩევ ავტორებს
ღვთისშვილნია თუ ქაჯები,
ხალხურია თუ ინდივიდს
დაუგლეჯია ჭაჭები,
კანონთ კი არაად ვაგდებ,
მრავალთაც რომ ქნან ფხაჭები.
ჩემთვის სტილია ნიჭივრად
გამოფენილი ფარჩები,
ლამაზად გაკიდებული
გულნაკლულად რო არ ვრჩები,
სხვა დანარჩენი ბლეფია,
სოროს წასთრიან მაჩვები,
ვერც როდის გახალხურდება,
ვერც იმღერებენ "დაჩები",
ვერც "პოეტს" არგებს რაიმეს,
ვერც მკითხველ მიექანჩები...
ეს რამდენ მალაპარაკე,
აქმდე დუმილს ნაჩვევი,
ლალიო, კითხვის დამსმელო,
აგრემც დედასამც შარჩები!



ძალიან ნიჭიერია ეს ადამიანი.

დავაზუსტებ ''ლალი'' ჩემი ნიკია ურაკზე,იმდენჯერ ვარ საიტიან წაშლილ აღდგენილი,რომ მოხდა ისე,რომ ჩემი მეგობარი დავარეგისტტრირე იქ -ლალი და ბოლოს ეს ნიკი შემრჩა.
Smile


Last edited by nini on Fri Jul 17, 2009 10:24 pm; edited 1 time in total
Back to top Go down
View user profile
nini
Into Armury
Into Armury


Female
Number of posts : 673
Registration date : 17.11.08

PostSubject: Re: უცნობი პოეტები და უცნობი პოეზია   Fri Jul 17, 2009 10:21 pm

ხალხური შემოქმედებიდან,ფოკლორის ნიმუშებიდან როგორ უნდა ``გამოვკრიბოთ`` ინდივიდუალური ავტორი? ანუ როგორ და რა კრიტერიუმებით ხდება შეფასება მავანი ავტორი-სახალხო მთქმელი, მელექსეა თუ პოეტი?

ეს სტილისტურად სრულიად გაუმართავი ტექსტია, რიგი ხარვეზების გამო:
1. ხალხური შემოქმედება (უნდა იყოს ,, ხალხური ზეპირსიტყვიერი მემკვიდრეობა”) და ფოლკლორი ერთი და იგივეა. აქ ავტორის არა თუ ,,გამოკრება” (რაც თვითონ ფრიად მოუხერხებელი ტერმინია, უფრო სწორედ - საერთოდ არ არის ტერმინი...ნონსენსია, სწორი იქნებოდა ,, გამორჩევა”, ,,გამოცალკევება”, ,,გამოყოფა”...), არამედ ავტორის ძიება საერთოდ უაზრობაა, ისევე როგორჩ ზღვაში იმის კვლევა-ძიება, წყლის რომელი მოლეკულა რომელი მდინარის მიერაა მოტანილი... ხალხური სწორედაც იმიტომ ჰქვია, რომ მხოლოდ ტექსტები და ისიც მრავალჯერ შეცვლილ-გადამუშავებული,მიმატებულგამოკლებული, (ე.ი.გაკეთილშობილებული ან შერყვნილი ტექსტები) ხალხმა შემოინახა. ავტორები კი სამუდამოდ ინკოგნიტოდ დარჩნენ (ან ერთი ავტორისა სულაც არ არის
და მის დღევანდლამდე მოღწეული ფორმის ჩამოყალიბებაში შეიძლება ნებისმიერი რაოდენობის
ადამიანს მიეღო მონაწილეობა.
2. მეორეც ის რომ ტერმინი ,,ხალხური მთქმელი” ისეთივე არასწორი რამ გახლავთ, როგორიც ზემოთაღნიშნული ,,გამოკრება”. ასეთი რამ ბუნებაში არ არსებობს. არსებობენ ადამიანები სოფლადაც და ქალაქადაც, რომელთაც უყვართ რისიმე გალექსვა ანუ გარითმვა. ან კაფიაობა-
შაირობა. ან იწერენ ამას თავად, ან არა. და თუ ისე მოხდა, რომ ეს მათი ,,რიფმაჩობა” სერიოზული მხატვრული დონის ნაწარმოებით დაგვირგინდა, იგი არც ,,სახალხო მთქმელი” იქნება, არც ,,რიფმაჩი”, ჩვენ მას აღტაცებით უნდა ვუთხრათ: ,,თქვენ ისეთი კარგი ხართ, თქვენ პოეტი ბრძანდებით!” საერთოდ, თუ ,, ვინ არის უფრო დიდი პოეტი”, ამას ერთადერთი, თანაც
- არა ,,ვინმე”, არამედ ,, რ ა მ ე” ადგენს: მისი შეუვალობა და შეუცდომლობა დ რ ო !!!

ამ საკმაოდ ღამენათევ ოპუსს ერთი პატარა ამბითა და ერთი, ამ ამბის გამო დაწერილი ლექსით
დავასრულებ.
1963 წელს ხელში ჩამივარდა ტერენტი გრანელის წიგნი - ნამდვილი მოულოდნელობა!
პირველი კრებული მისი ავტორის გარდაცვალების შემდეგ, ახალგამოსული... და მე, ვისაც მანამდე ტერენტი გრანელი საერთოდ არ გამეგონა, რამდენიმეჯერ მისი წაკითხვის შემდეგ
გაუგონარი რამ გადავწყვიტე... და სისრულეში მოვიყვანე კიდეც ეს დანაშაული: მე ეს წიგნი
მოვიპარე და დეიდაშვილის ბიბლიოთეკიდან, რომელიც თბილისის ერთერთ პრესტიჟულ
უბანში მდებარეობდა, ჩემს სოფელში წავიღე, თან ისე, რომ დედაჩემმაც არ იცოდა დიდხანს...
ახლა არ მახსოვს, იმ წიგნში ეწერა თუ სხვა წყაროში წაიკითხე ტერენტისა და პაოლოს
ჩხუბის ამბავი... მიზეზი: უთანხმოება ერთადერთ საკითხში: ვინ არის უფრო დიდი პოეტი?!!
ორივენი მიაბრძანეს სადაც ჯერარს, როცა ზედ შუა რუსთაველზე უხეშად დააღღვევ საზ.
წესრიგს!.. აქ პაოლომ, დენდივით ჩაშმოტკილმა ეს გააპროტესტა: როგორ მიბედავთ დაპატიმ-
რებას, მე პოეტი ესა და ეს ვარო! თურმე კანონდამცველებს ამაზე გულიანადაც გაეცინათ:
რა გიგავს ბიჭო, შენ პოეტსო! გახარებული წამოვარდნილა სულკურთხეული და ხორციელად
დიდნაგვემი ტერენტი და უყვირია, სწორი ხართ. არაა ეს პოეტი, პოეტი მე ვარო!
აუხედდაუხედიათ კანონისკაცებს და მისი სამოსის მიხედვით დაუსკვნიათ, კი, ეს კი გავს პოეტსო! იქით პაოლოს ძმაბიჭები დაქიჩმაჩებულან გარედან და პაოლო მალევე გაუყვანიათ სვაბოდაზე, ტერენტი კი, ვითარცა მათი აზრით - გამოუსწორებელი პოეტი, გარკვეული ხნით დაუტოვიათ თავისთან... ეს ყველაფერი ასე გამოწვლილვით რომ გავიგე, ნამეტანი ვიდარდე.
თან ისიც რომ ვიცოდი, ახალგაზრდა გარდაიცვალა, ამან უფრო დაამძიმა ჩემი მდგომარეობა...
მახსოვს, აგვისტოს ბოლო იყო მაშინ და მეექვსე კლასში წასასვლელად ვემზადებოდი...იმ
დღეებში დავწერე ეს ლექსიც, რომელმაც ოთხი წლის შემდეგ ლაშა გახარიასთან დამამეგობრა
მისაღები გამოცდების დროს...

ტერენტი გრანელის ფიქრები საპატიმროში
პაოლო იაშვილთან ჩხუბის შემდეგ

დავიგვიანეთ?!.
დავიგვიანეთ...
- იქნებ ადრეა?!.
- იქნებ ადრეა?!.
ქარტეხილივით ქარი გრიალით
მიაბურთავებს დღეებს ავდრიანს...

ჩვენ მოგველოდა მიწა - დამზრალი
გამყინვარების ეპოქის თოშით...
მაგრამ სამხრეთის მზემ არ გვაცალა
და აგვიჭრელა თვალები თოვლში...

თოვლი - უყალბეს მარგალიტივით
მომაბეზრებლად ბრწყინავდა დიდხანს
და დამშეული სდევდა სიკვდილი
ყველა დიდ მამონტს
და ყველა დიდ ხარს...

უფალო, დღეთა, უამინდოთა,
გთხოვდი ან შეცვლას, ან აცილებას ?!.
ხომ თავად უწყი - გულით მინდოდა
მაცხოვრის გვემის განაწილებაც!..

ჩვენი მოძმენი დაშთნენ ყარიბად,
თარს გადააკვდნენ ტრფობით სნეულნი...
მიიქცნენ გლოვად და მწუხარებად
ხენი ოცნების - რტომიმსხვრეულნი...

მაგრამ ვიცადეთ თუმც ასე დიდხანს,
მაინც ხომ ღმერთის ტოლად მოვედით?!.
მაშ, მარადისი რად გვტანჯავს კითხვა:
- ვინ არის უფრო დიდი პოეტი?!.



ეს ბატონმა იმედო ჯახუამ დამიკომენტარაSmile
Back to top Go down
View user profile
nini
Into Armury
Into Armury


Female
Number of posts : 673
Registration date : 17.11.08

PostSubject: Re: უცნობი პოეტები და უცნობი პოეზია   Fri Jul 17, 2009 10:21 pm

ინდივიდუალურისა და კოლექტიურის დაპირისპირება


ხალხური შემოქმედება მრავალგვარია-სიტყვიერი,გამოყენებითი(ფერწერა,ქანდაკება,მეთუნეობა.ქსოვა-ქარგვა), ქორეოგრაფიული,მუსიკალური.
ხალხური სიტყვიერება ხალხის დამწერლობამდელი შემოქმედების ნაყოფია,იმ დროიდან ზეპირეად იქმნება და ისე გადაეცემა თაობებს.
მე-19 საუკინის შუა წლებში ევროპელებმა ძველი პოეზიისა და რწმენა-ჩვეულებების აღსანიშნავად დაამკვიდრეს ტერმინი ფოლკლორი,რაც სიტყვასიტყვით ხალხური ცოდნას ნიშნავს.
ინდვიდუალურისა და კოლექტიურის დასაპირისპირებლად, ვფიქრობთ გამოგვადგება ვაჟა-ფშაველას,მისი ძმებისა და ახლო ნათესავების მაგალითი,
მე-19 საუკუნის ფშაველმა და ხევსურმა მთქმელებმა მემკვიდრეობით მიიღეს, შეისისლხორცეს,მერე კი თავადაც შექმნეს,შეასრულს და მომავალ თაობებს გადასცეს ნაწარმოებები,ასეთი მოწონებით რო სარგებლობს.მათ შორის მართლაც ბევრია აზრის გასხივოსნების ნიმუძი და ეს ყოველივე ტრადიციების გათვალისწინებით ხდებოდა.ეს ხალხი რჩებოდა თავის ტრადიციულ ფოლკლორულ გარემოში, მხოლოდ ვაჟამ შეძლო ტრადიციულობის არტახების დაწყვეტა ,გამოფრენა თავისი კანიდან და შედევრების შექმნა. ეს ვერ მოახერხეს იქვე გაზრდილმა პოეტის ძმებმა თედომ და ნიკომ. აქვე გავიხსენოთ ვაჟას დროის ცნობილი ფშაველი მელექსეები -მერცხალა,ჯაბანა და სხვები, რომელთა შესანიშნავ პოეზიას მგოსანი მაღალ შეფასევას აძლევდა,თუმცა მხოლოდ ხალხურის დონეზე.
ამდენად ფოლკლორი ტრადიციის ძალითაა ძლიერი.ინდივიდუალურ შემოქმედებასაც ტრადიცია ასაზრდოებს,ოღონდ ფოლკლორულისგან განსხვავებულია მასთან დამოკიდებულების შინაარსი: მწერალი იზრდება ლიტერატურულ ტრადიციებზე,მაგრამ მას არა აქვს უფლება თავისი თხზულებების საფუძვლად აქციოს უკვე ცნობილი,ავვტორისეული ნაწარმოების იდეა,მასალა მხატვრული სახეები და ა,შ.
ჯერ კიდევ მითოლოგიური სკოლიდანმოდის შეხედულება ხალხური შემოქმედების "უპიროვნობის შესახებ",ეს თვალსაზრისი გააკრიტიკეს , უარყვეს და მის მაგივრად შემოიტანეს "ანონიმურობა", ეს ნიშნავს,რომ ხალხურ შემოქმედებას ყავს ავტორი,რომელიც უცნობად რჩება.
ხალხური სიტყვიერება შემსრულებლის გარეშე არ არსებობს.ის პირი რომელიც პირველად იტყვის ლექსს, ტრადიციული ზეპირსიტყვიერების მასალის საფუძველზე თხზავს.ზეპირსიტყვიერი ტრადიცია ,კი როგორც ითქვა , ამ პირის(შემსრულებლის)გარეშეც არსებობს.როგორც კი ეს პირი არ გაითვალისწინებს ტრადიციულის ანუ გავა გარეთ,იგი ინდივიდუალურ პოედა გახდომის პრეტენზიას გამოაცხადებს.
ხალხური პოეტის გონებაში ჩასახული და ჩამოყალიბებული ნაწარმოებები არასდროს რჩება პირვანდელ ფორმაში. თუ მასში გამოთქმული აზრი მსმენელის გულს მოხვდა, მისაღები გახდება საზოგადოებისთვისთს და იწყებს ზეპირად გავრცელებას. სხადასვა გემოვნების და პოეტური ნიჭის ადამიანთა ხელში ნაწარმოები იხვეწება და ივიწყებს პირვანდელ ავტორს,თუნდაც მანდ დააფიქსიროს თავისი პიროვნება ,როგორც ეს გვაქვს ხოლმე ხალხურ ლექსებში : "პეტრია საზანდარი ვარ,ლექსების გამომჩარხავი", ან "ე მაგის გამამლექსები ალვანში თუშის ქალია" და ა,შ.
ფოლკლორულად მაშინ შეიძლება ცაითვალოს ნაწარმოები,როცა გაუძლევს დროს და ზეპირად გადავა თაობიდან თაობაში.ფოლკლორულ ნაწარმოებს სტრუქტურის თავლსაზირისთ არ ჭირდება ავტორი, მას შეიძლება ყავდეს მთხრობელი.მეძღაპრე,მაგრამ ავტორი როგოვ მხატვრული სტრუქტურის ელემენტი, არ გააჩნია.
ავოტორობის საკითზხზე შესანიშნავად აქვს აზრი ფორუმულირებული ვლ.პროპს.. იგი თვლის,რომ ფოლკლორი გენეტიკურად ენასთან უნდა განიხილებოდეს. ენაც ხომ"არავისგან არ არის გამოგონილი და არც ავტოი ჰყავს და არც ავტორები". იგი წარმოიქმნება და სრულიად კანონზომიერად იცვლება ხალხის ნებისგან დამოუკიდებლად ყველგა იქ , სადაც კი მისთვის არის შექმნილი ხალხის ისტორიული განვითარების საჭირო პირობები.

თ.ქურდოვანიძე "ქართული ფოკლორი".



იყოს ესეც აქ
Back to top Go down
View user profile
სანათა
Into Armury
Into Armury
avatar

Female
Number of posts : 340
Age : 57
Registration date : 10.11.08

PostSubject: Re: უცნობი პოეტები და უცნობი პოეზია   Mon Aug 03, 2009 9:56 pm

ცას საკიდლით რას დაჰკიდა


ცას საკიდლით რას დაჰკიდა
ცაბაურთა დაწყეული?
მანდ სუყველა საბლით აბავ:
ტაგან-ჩხუტი, სარძეული,
ნეტა რარიგა დადიან,
ან ბებერი, ან სნეული?
წმინდა გიორგიმ დასწყევლოს,
თვალ თუ აქვით შაჩვეული!
პირაღმ ვეღარ მიბრუნვილა
კატა პირთავქვ გაქცეული,
ნაროულაზე გავარდა,
თავ-პირი აქვ დამტვრეული!
მაყრებს აქით გადაგითხევსთ
მუშტ ხვეტაის მოქნეული...
ანამც კიბე მიმიყუდნა,
ან ვაზი მქნა ახვეული!

Back to top Go down
View user profile http://www.geowebi.com/sanatha/
Sponsored content




PostSubject: Re: უცნობი პოეტები და უცნობი პოეზია   

Back to top Go down
 
უცნობი პოეტები და უცნობი პოეზია
View previous topic View next topic Back to top 
Page 2 of 2Go to page : Previous  1, 2

Permissions in this forum:You cannot reply to topics in this forum
არმური (ნისლი მთათა ზედა) :: სტუმრები და მასპინძლები :: "ვერცხლის თასადამც მაქცია" - სტუმრად სანათასთან-
Jump to: