არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანი"სიმღერიდან სიტყვამდე". * მიხო მოსულიშვილი„ჰელესა“ (კინორომანი). * თამარ ლომიძე"ზღვარი" (ლექსები).
* ანრი გიდელი"პიკასო" (ბიოგრაფიული რომანი) * გიგი სულაკაური"ხეტიალი" (ლექსები. რჩეული) * ბელა ჩეკურიშვილი"შეკითხვად სიზიფეს" (ლექსები)
* ლაშა ბუღაძე"ნავიგატორი" (პიესა). * ნინო ქაჯაია (მთარგმნელი)უილიმ გოლდინგი - "ბუზთა ბატონი" (რომანი) * ზაზა თვარაძე"სიტყვები" (რომანი).
* მიხეილ ანთაძე"საიდუმლოებით მოცული უ.შ", "სინქრონისტულობის პრინციპი". *
* რადიარდ კიპლინგი - "აი ასეთი ამბები" (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძე"ვახტანგური" (ლექსები. რჩეული)
* მიხო მოსულიშვილი"დიდი ძუ დათვი" (რომანი). * ნინო ნადირაძე"VIA SOLIS" (ლექსები). * მარიამ ხუცურაული"სანათა" (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling). * გივი ალხაზიშვილი"ეპისტოლეთა წიგნი" (ლექსები).
* ბესიკ ხარანაული"მთავარი გამთამაშებელი". * მიხო მოსულიშვილი"სულის მდინარე" (თორმეტი ნოველა). * ნინო სადღობელაშვილი"ფრთები და ხელები" (ლექსები).
* მამუკა ხერხეულიძე„ომში, როგორც ომში“ (მოთხრობები). * ნატა ვარადა – „დედის კერძი“ (მოთხრობები). * ზაალ სამადაშვილი – „ავტოპორტრეტი წიგნების ფონზე“ (მოთხრობები). * ვაჟა ხორნაული – „როგორც ბაღიდან...“ (ლექსები). * ირაკლი ლომოური – „ავტონეკროლოგი“ (მოთხრობები).
* მანანა ანთაძე (მთარგმნელი)ტენესი უილიამსი - Camino Real (პიესა). * თამარ ბართაია, დავით გაბუნია, ნინო მირზიაშვილი, მიხო მოსულიშვილი, ნანუკა სეფაშვილი, ირაკლი ცხადაია„ქართული პიესა 2012“ (ექვსი პიესა).
* ნატა ვარადა – "დედის კერძი" (მოთხრობები). * თამრი ფხაკაძე – "ბოსტანი კონფლიქტის ზონაში" (მოთხრობა). * რიუნოსკე აკუტაგავა – "დიალოგი წყვდიადში" (მოთხრობები).
* გიორგი კაკაბაძე"ნიკო ფიროსმანი" (ბიოგრაფიული რომანი). * მიხო მოსულიშვილი – "ვაჟა-ფშაველა" (ბიოგრაფიული რომანი).

Share | 
 

 ნინო თარიშვილი

View previous topic View next topic Go down 
AuthorMessage
Admin
Into Armury
Into Armury


Male
Number of posts : 3868
Registration date : 09.11.08

PostSubject: ნინო თარიშვილი   Sat Feb 21, 2009 3:55 pm

ნინი -

ბობო,მე გამიგია ერთი ძალიან კარგი პოეტი ქალის მგონი- ნინო თარიშვილი -შესახებ.
რამდენიმე ლექსი ვნახე მისი და მომეწონა.
როგორც ვიცი ,ერთ ძალიან ცნობილ ქართველ პოეტს უწერდა ლექსებს.საინტერესო ისტორიაა.
აქ ლიტმცოდნეები და ლიტერატორები ხარტ.ამ ქალბატონის შემოქმედებაზე რას იტყვით?
და დიდი ბოდიში თუ სახელი და გვარი არასწორად დავწერე,ანუ ამ პოეტესას სხვისი ისტორია მივაწერე.
მე ასე მახსოვს,მგონის,არ მეშლება.
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3868
Registration date : 09.11.08

PostSubject: Re: ნინო თარიშვილი   Sat Feb 21, 2009 3:57 pm

Arrow


ნინო თარიშვილი

ჩემს ტოლებს

ვიცი, რომ მზითვად
არ მომცემენ "ვეფხისტყაოსანს",
არც წასაღებად
დაჰკეცავენ ქირმანის შალებს,
არც ქართულ კაბას
ჩამაცმევენ ჯვარის საწერად,
არც ვერცხლის ქამარს
მომავლებენ დარდიან წელზე.
ცაში ოთახი განათდება იაპონურად,
ბედნიერებას მომილოცავთ უცხო კილოზე,
მრავალ წერილებს გამაყოლებთ გზის საპოვნელად,
მრავალ მოკითხვას დავუხვდები, ვით მკვდარ მიმოზებს.
დავიმალები
სიყვარულის ცისფერ სუნთქვაში,
დიდი იქნება აღტაცება მზეგამართული,
უხვი კოცნები, ვით კახეთში ღვინის მარნები,
და სადღეგრძელოს მოიტაცებს
სიტყვა ქართული.
ნამჯისფერ ფრჩხილებს დაამძიმებს მთვრალი ჰაერი.
გულის პასუხი ყარამფილებს ვეღარ დაყნოსავს
და მე ვიქნები სიკვდილივით გაუხარელი,
რადგან მზითევში არ მომცემენ "ვეფხისტყაოსანს”.


sunny
Back to top Go down
View user profile http://armuri.4forum.biz
Admin
Into Armury
Into Armury


Male
Number of posts : 3868
Registration date : 09.11.08

PostSubject: Re: ნინო თარიშვილი   Sat Feb 21, 2009 4:03 pm

ნინო თარიშვილი


არავინ მოდის

გადმოიფინა ატმები ქარვის,
თაფლის თვალები გააღო მთვარემ.
სუნთქვა მწუხარე მომესმა ქარის
და ქარის სუნთქვა მე მოვიპარე.

ფიქრებმა სწრაფად იცვალეს ფერი,
თვალი მივანდე შორეულ ლოდინს.
ო, არსად არის თვალი ცისფერი -
არავინ მოდის, არავინ მოდის!...

დავტოვებ წიგნებს! დავტოვებ ოთახს...
შიშველ ფეხებით ვეხები მწვანეს,
გარეთ ბალახებს წვეთები მორთავს,
ფოთლებმა დარდი გადამაცალეს.

ნიავი არხევს ბუჩქებში იებს,
ხელს ვერ შემახებს ვერვინ ამქვეყნად.
მთვარე იფარებს ვერცხლის არშიებს,
სიკვდილის ჩონჩხზე უნდა დავემყნა.

მზეს დავაწყვიტავ სამეფო ტაძრებს,
არ მეშინია ქარის და შფოთვის,
მხოლოდ ღიმილი ატმების ამრევს,
არავინ მოდის! არავინ მოდის!...

1922



* * *

ალერსი მინდა ფეხშიშველა,
კოცნები,
ოცნება ცხელი,
მე შენმა სახემ ვერ მიშველა,
იწვის სამხრეთული ვნება
მტევნებად,
მკრთალია ხელები
და ჩემი ტანის სითბო,
დახურულ თვალების სიტკბო,
ჩემი სიყვარულის რთველი.
ხარ უცნაური ვაჟი!
თითქოს იძირება ზღვაში
მწვანე გამოხედვის ფარდა,
თითქოს არ გყოფნის სივრცე,
ეს არის შენი დარდი...
აკლდამა,
მოკვდები,
მოკლდება ხელი გაწვდილი შენსკენ.
მელოდი, მაგრამ ვერ მოვედიო.
იყო ღამე და მთვარე, როგორც რევოლვერი,
როგორც შეყვარება ტიციანის ხელებზე.
სიზმარში მაკოცებს ვამპირი,
დამიცდის უფრო უარესი,
შენ ხომ მე სიყვარულს დამპირდი
და მინდა ცისფერი ალერსი.

1924


იმის ხელებს

მე იმის ხელებს შევადარებ მინდვრის ზამბახებს,
მოხრილ წამწამებს უღიმიან ანემონები.
ვეტრფი ვნებების შეთქმულებას და ამბოხებას,
თვით ფერმკრთალ სიკვდილს ათრთოლებით დავემონები.

შუადღის ალზე ცა ეხვევა გირლიანდებად,
ცის ფერზე ვფიქრობ ცრემლიანი მე განუწყვეტლივ,
მთვარის ქორწილი მზის ლოდინში დაგვიანდება,
სანთლისფერ დილას გააქანებს საღამოს ეტლი.

ატყდება ქარი საოცარი იდუმალებით,
ტყეს მწვანე წარბებს ჩამოართმევს, ტყეს გაახელებს.
მე გაბრაზებულ მზის აჩრდილებს დავემალები
და ფოთლებშუა დავინახავ თოვლივით ხელებს.


1922

Arrow


”ცისფერყანწელების მეგობარი ქალია ნინო თარიშვილი. როგორც ამბობენ, ის 18 წლის იყო, როცა პაოლოს საყვარელი გახდა. მაგრამ მერე პაოლო სასტიკად მოიქცა, (რბილად რომ ვთქვათ), როცა სიგიჟემდე უყვარდა, მაშინ მიატოვა და ნინოს წერა შეუწყვეტია, ალბათ ძლიერი სტრესის გამო.
ძალიან კარგი ინტერვიუ-პორტრეტები აქვს გამოცემული წიგნად. გალაკტიონზე, პაოლოზე და ტიციანზე, სადაც ძალიან ბევრი სკანდალური ცნობებია შეტანილი.

სხვათაშორის, მისი ლექსები იმდენად ნოვაცია იყო, რომ აღვირახსნილობად და გარყვნილებად მიიღეს და უნივერსიტეტიდან გარიცხეს.

არაჩვეულებრივი ვერლიბრისტია.. პირველი ეპატაჟისტი ქალი” -

აი, ამას წერენ ერთ ფორუმზე...

Arrow
Back to top Go down
View user profile http://armuri.4forum.biz
mestumre



Female
Number of posts : 1
Age : 32
Location : tbilisi
Job/hobbies : usaqmuri rejisori
Humor : :))))))
Registration date : 19.02.12

PostSubject: Re: ნინო თარიშვილი   Sun Feb 19, 2012 4:35 pm

თუ არ ვცდები იმასაც ამბობენ, რომ ელენე დარიანის ლექსები პაულოს კიარა ამ არაჩვეულებრივ ქალს ეკუთნის ........
თუ არ ვცდები.....
Back to top Go down
View user profile http://www.ragac.ge
Sponsored content




PostSubject: Re: ნინო თარიშვილი   Today at 4:03 am

Back to top Go down
 
ნინო თარიშვილი
View previous topic View next topic Back to top 
Page 1 of 1

Permissions in this forum:You cannot reply to topics in this forum
არმური (ნისლი მთათა ზედა) :: მთქმელი და გამგონებელი :: პოეტების ქვეყანა-
Jump to: