არმური (ნისლი მთათა ზედა)
არმური
არმური (ნისლი მთათა ზედა)

არმური - ლიტარენა, უფრო კი – ბიბლიოთეკა
Armuri (scotch mist over mountains) - literary Arena from Georgia (country)


Forum started: Sun 9 Nov 2008
 
HomeHome  PortalPortal  CalendarCalendar  GalleryGallery  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  
* თამარ გელოვანისიმღერიდან სიტყვამდე. * მიხო მოსულიშვილიჰელესა (კინორომანი). * თამარ ლომიძეზღვარი (ლექსები).
* ბელა ჩეკურიშვილიშეკითხვად სიზიფეს (ლექსები) * ხათუნა ცხადაძე (მთარგმნელი) უმბერტო ეკო „ფუკოს ქანქარა“
* ლაშა ბუღაძენავიგატორი (პიესა). * ნინო ქაჯაია (მთარგმნელი)უილიმ გოლდინგი - „ბუზთა ბატონი“ (რომანი) * ზაზა თვარაძესიტყვები (რომანი).
* მიხეილ ანთაძესაიდუმლოებით მოცული უ.შ, სინქრონისტულობის პრინციპი. *
* რადიარდ კიპლინგი - აი ასეთი ამბები (თორმეტი და კიდევ ერთი ზღაპარი), მთარგმნელი ანი მოსულიშვილი * ვახტანგ ჯავახაძევახტანგური (ლექსები. რჩეული)
* მიხო მოსულიშვილიდიდი ძუ დათვი (რომანი). * ნინო ნადირაძეVIA SOLIS (ლექსები). * მარიამ ხუცურაულისანათა (ლექსები და ჩანაწერები).
* Zurab Karumidze"Dagny or a Love Feast" (English brushed up and fine-tuned by Amy Spurling).
* ბესიკ ხარანაულიმთავარი გამთამაშებელი. * მიხო მოსულიშვილისულის მდინარე (თორმეტი ნოველა). * ნინო სადღობელაშვილიფრთები და ხელები (ლექსები).
* მამუკა ხერხეულიძეომში, როგორც ომში * ზაალ სამადაშვილი – ავტოპორტრეტი წიგნების ფონზე * ირაკლი ლომოური – ავტონეკროლოგი
* მანანა ანთაძე (მთარგმნელი)ტენესი უილიამსი - Camino Real (პიესა). * ქართული პიესა 2012 (ექვსი პიესა).
* თამრი ფხაკაძე – ბოსტანი კონფლიქტის ზონაში (მოთხრობა). * რიუნოსკე აკუტაგავა – დიალოგი წყვდიადში
* გიორგი კაკაბაძენიკო ფიროსმანი (ბიოგრაფიული რომანი). * მიხო მოსულიშვილი – ვაჟა-ფშაველა (ბიოგრაფიული რომანი).

Share | 
 

 შოთა ხუცურაული

View previous topic View next topic Go down 
AuthorMessage
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: შოთა ხუცურაული   Sat Jan 10, 2009 5:35 pm



სანათა იორზე ჩასულიყო და ქმარ-შვილსა და თავის ძმა პავლიკოსა მანქანებს ურეცხავდა თითოს სამ თუმნადა და ეს კაფია მაშინ უთხრა შოთა პაპამა.

***
აკი გითხარ, მარიამო,
წყალზედ მარტომ არ იარო.
აემ ფშავლებ დამიხელთავ,
გონთ არც იგრე არიანო.
თავის პატრონ დავითოცა
სუ ტყუილა დარდიანობს.
თქვენი მანქანების მემრე
ძროხან ბევრებ დადიანო,
შაჰკითხოდე, თითოს თავზე
რამდენ ხაჭონ სწადიანო.


Arrow

სანათას ლექსების პუბლიკაციაზედ "ლიტპალიტრაშია".

ბობორიკა - სანათას:

შენ იცოდე, რომ დიდების
წამზომ უკვე ჩართულია,
და შენ "დეკებს" ესალმება
ტარიელი, ჭანტურია!
და აგრეთვე, ყველა ისიც,
ვინც კი ცოტა ჭკვასრულია.


შოთა პაპა - ბობორიკას:

"აგეთა თავის ჭკვისაა,
სხვათას არ იგებს არასა,
დამკვლეველ გამასჩენიხარ,
ფშავის ენამწარ ქალასა".


(აქ: "დამკვლეველ" არფრით ნიშნავს დამკვლელს, არამედ არის - დამაკვალიანებელი, გზაზე დამყენებელი).

ბობორიკა - შოთა პაპას:

ენამწარ ჩემთან არ არი,
თქვენ, ალბათ, აბრაზებთაო.
სანათაც იმისთვი ჰქვიან,
დადის და ანათებსაო.
აქ ყველას იმით გვახარებს,
ლექსად სწერს არაკებსაო.


ბაო – ბობორიკას

***
ლიტერატურულ პალიტრას
ფერი შემატა სანათამ.
და მაგის გვერდით ჟურნალში
ვეღარვინ გამოანათა.
სუ შამებრალნენ ყველანი,
თითო ფურცელის ამარა,
სანათას ჰონორარითა
ანტალიაშიც წავალა.
ან ერთ "ლეპტოპსა" ვიყიდი,
ან ფშავში სააგარაკოს.
ან სუფრას გავშლი დუქანში
პოეტთან საამხანაგოდ


სანათა - ბობორიკას

შენ ფშავისკე ნავალს გხმობენ,
დეკის ჩაის დამლეველსა...
შოთამ ნაკვლევ დაგიწუნა,
არც რას გერჩის დამკვლეველსა.


ბობორიკა - სანათას

სანათაო, სმენად ამო
ლექსად გხედავ, დარდებისად.
გწუნოს პაპამ ენის გამო, -
ნაკვლევ არის დამკვლევლისა.


ბობორიკა - ბაობაბს

ალათასა-ბალათასა,
ჯავრი არ აქვს სანათასა:

სწორედ დუქანს წამოსხამთა,
ბობორიკს და ბაობაბსა...


Last edited by არჩანდა on Sat Jan 10, 2009 5:45 pm; edited 1 time in total
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: შოთა ხუცურაული   Sat Jan 10, 2009 5:39 pm

Sanata - ბობო, შენ ხოხბებს ჩემი თამთაც რომ წავახმაროთ? წუხელის ლამის ისტერიკამდე მისული მარტო შოთა პაპას ლექსს გამოუკეთებია.



***
უძილაურთ ქალ გამწარდა,
მსროლელია გასაოცი,
ივრის გაღმა გააწვდინა,
მამისახლის ტუფლ-კალოში.
დაუხეველ არ დაურჩა,
ფარდა, ტილო, პირსახოცი,
გამაუყვათ რუსის ჯარი,
მარტო არი გადამხოცი,
პუტინს უნდა შაუგზანონ,
აეს მაცილ-ტარტაროზი...


Arrow

ვააახ, კაცოოო! აეს შოთა პაპა ხუცურაული რა კარგადა სწერამსა - ღმერთო, ნეტავი, მე აეგრე შავძლებ როდისმე? სუფთა ხალხური ტონალობაა და თან თავისებურია, კაცოოოოო! სად არიან ბობოისკარელები - ეგე, ჰნახეთა! - აი, აჰააა! - აეგრე უნდა ნამდვილი კაფიაი! მე ეხლა უნდა გავჩუმდე - მე ხმა არ ემემეღება შოთა პაპასთანა... - ჩემისთანები ბაგაზე ათასობით არი დაბმული....


Last edited by არჩანდა on Sat Jan 10, 2009 6:13 pm; edited 1 time in total
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: შოთა ხუცურაული   Sat Jan 10, 2009 5:43 pm

სანათას რომ ძალიან მაგარი შოთა პაპა ჰყავისა, იმან სთქო ამ ბოლო დროის ხუთდღიან ომზედა (2008, აგვისტო), გაგიჟებული რუსი რო შამოგვივარდა კბილატკიებული და გაცოფებული დათვივითა და სუ კაი-კაი ვაჟკაცები დაგვიხოცა:

***
ბევრ გყავდათ ჩასველებულიც,
წარა-უგონთურ მავლებსა.
დედა ვუტირე დამწყებსაც,
რუსისთვი გზის მამსწავლებსაც.
ბუში და ნიკო სარკოზი
გვერდში დაუდგნენ ფშაველსა.


მოდით, თავი მდაბლად დავუხაროთ ყველას, ვინც იმ ცოფიანი დათვის მძვინვარებას შეეწირა...
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: შოთა ხუცურაული   Sat Jan 10, 2009 6:06 pm

ესეც სულ ახალი კაფიაობა სანათასი და შოთა პაპასი.
ძროხა უყიდნია შოთა პაპასა - ჩაუტანია მეზობლისთვი ფული, ხოლო ცოლისთვის და იმის მეგობრებისთვის ნაყიდი ძროხის გამოგდება დაუვალებია. და ის ძროხა მარტო არ წამოსულა, სხვა ოთხი ძროხა გამოუყოლებიათ, მოუცილებიათ ახალ სახლამდე და მერე ისევ უკან გაურეკნიათ - დაქალებ მააცილებდნენ, დაქალებიო! - სანათა იცინის.
და ის ახალნაყიდი ძროხა შაუგდია შოთა პაპასა ბოსელში თავის სხვა ძროხასთანა და - თურმე, რჩოლავენ ერთიმეორესა, ვერ შაგუებულან და შასულა შოთა პაპა გასაშველებლადა, რო - რით ვეღარ უნდა შაეთვისოთ ერთიმეორესაო!
კი შასულა იმ ბოსელშია, მაგრამა დაუნახავთ თუ არა გადამტერებულ ძროხებს, რო - პატრონ მაგვივიდაო, ისევ გაუწევნიათ ერთიმეორეზედა და შუაში მოუყოლებიათ შოთა პაპა!.. ერთი აქედან აწვებოდა რქებითა და მეორე - იქიდანა!..
და ვაიი, როგორ გაბრაზებულა შოთა პაპა - აუღია ხერხი და დაუხერხნია რქები ორივესათვისა, რო - ეგრე მაგიხდებისა თქვენაო!
ეგრე იცის შოთა პაპამაო, - ეცინება სანათასა, - ადრე ორი დიდი ღორი ჰყავდა, ვერ შერეკა სადგომშია; ჰოდა, თოფ დასცა და ისე დახოცა ორთავენიო...

სანათა - შოთა პაპასა

ძმიშვილის თავი გენაცვალოს
როსტომსა, თავის ბიძასა,
იმ დროთ ხო თოფი გიჭრიდა,
დღეს ხერხი გიჭრის - მტრისასა...
ეგრე ხოცავდი ღორებსაც -
თავისას, განა სხვისასა.
კიოთ კანჭებად გვიმზადებ
დაჭრილ რქებს ძროხებისასა.


Arrow

შოთა პაპა - სანათასა

ხშირ-ხშირა ჯიშს ვუხსენებდი,
დედასაც მამყიდლისასა.
რქებზე ხერხებსა ვლესავლი,
მამჭრელებს მაგ ენისასა.


Arrow

არჩანდა - სანათას

სანათავ, სიგრძეი მაუკელ
მაგ წათლილი ენისასა.
შოთა პაპაი წამალი აქვ -
კბილებს ლესავს ხერხისასა.
Back to top Go down
View user profile http://armuri.4forum.biz
სანათა
Into Armury
Into Armury
avatar

Female
Number of posts : 340
Age : 57
Registration date : 10.11.08

PostSubject: Re: შოთა ხუცურაული   Tue Jan 27, 2009 5:51 pm

არჩანდა wrote:
ესეც სულ ახალი კაფიაობა სანათასი და შოთა პაპასი.
ძროხა უყიდნია შოთა პაპასა - ჩაუტანია მეზობლისთვი ფული, ხოლო ცოლისთვის და იმის მეგობრებისთვის ნაყიდი ძროხის გამოგდება დაუვალებია. და ის ძროხა მარტო არ წამოსულა, სხვა ოთხი ძროხა გამოუყოლებიათ, მოუცილებიათ ახალ სახლამდე და მერე ისევ უკან გაურეკნიათ - დაქალებ მააცილებდნენ, დაქალებიო! - სანათა იცინის.
და ის ახალნაყიდი ძროხა შაუგდია შოთა პაპასა ბოსელში თავის სხვა ძროხასთანა და - თურმე, რჩოლავენ ერთიმეორესა, ვერ შაგუებულან და შასულა შოთა პაპა გასაშველებლადა, რო - რით ვეღარ უნდა შაეთვისოთ ერთიმეორესაო!
კი შასულა იმ ბოსელშია, მაგრამა დაუნახავთ თუ არა გადამტერებულ ძროხებს, რო - პატრონ მაგვივიდაო, ისევ გაუწევნიათ ერთიმეორეზედა და შუაში მოუყოლებიათ შოთა პაპა!.. ერთი აქედან აწვებოდა რქებითა და მეორე - იქიდანა!..
და ვაიი, როგორ გაბრაზებულა შოთა პაპა - აუღია ხერხი და დაუხერხნია რქები ორივესათვისა, რო - ეგრე მაგიხდებისა თქვენაო!
ეგრე იცის შოთა პაპამაო, - ეცინება სანათასა, - ადრე ორი დიდი ღორი ჰყავდა, ვერ შერეკა სადგომშია; ჰოდა, თოფ დასცა და ისე დახოცა ორთავენიო...

სანათა - შოთა პაპასა

ძმიშვილის თავი გენაცვალოს
როსტომსა, თავის ბიძასა,
იმ დროთ ხო თოფი გიჭრიდა,
დღეს ხერხი გიჭრის - მტრისასა...
ეგრე ხოცავდი ღორებსაც -
თავისას, განა სხვისასა.
კიოთ კანჭებად გვიმზადებ
დაჭრილ რქებს ძროხებისასა.


Arrow

შოთა პაპა - სანათასა

ხშირ-ხშირა ჯიშს ვუხსენებდი,
დედასაც მამყიდლისასა.
რქებზე ხერხებსა ვლესავლი,
მამჭრელებს მაგ ენისასა.


Arrow




ჰოოოდა დილას პავლიკომ გამაგებინა, შოთა პაპას აემ ურქებო ძროხას, ხბო მოუგია და თურმე პაპა სწუნობს, ძალიან პატარაა და არ გამამდგა ძროხაო...
ეს სალაღობო კი შევუთვალე, მაგრამ ახლა შისის კანკალითა ვარ, გვარიდან თუ არ მამიკვეთა, კაი დღეს არ დამაყრის...

ბიძავ,მატება გქონია,
მოამბის პირსამც შაქარი,
ძროხას ბოჩოლა მოუგავ
მოწითანო და საღარი
მაინც უმადურ დაიდიხარ,
გითქომ: გამხდარი რათ არი?
რით შაემატნა, ბეჩავი
პატიმრად გყავდა გამხდარი.
ბოსელას არ გაიცდენია,
შემოდგომა და ზამთარი.
კაი რამ, მაკე გიყიდავ,
შენდ იბერწებდა გამცდარი,
ეგრე ექცევი საქონთა,
როგორც ქრისტიანს თათარი.
ეგება ტყუპიც მეეგო,
თუ შაგბრალვიყო საწყალი,
შენ ნებით არ ყოფილიყო
უცაღრუბელოდ დამრჩალი,
შენ ხელით არა ჰქონიყო
რქები ყანწებად დამძვრალი.
აგეძრახები თავისა
ამდენხან ნაუმძრახალი,
შაგვითქვი საგიორგობოდ
მაგ მოზვერაის ბარკალი.
ჩემ ხუმრობა არ გეწყინოს,
ფშაურ წეს გვაქვის დამწვარი,
მეც შენ ფესვ ამოვეზარდე,
ენაც შენფრად მაქ წამხდარი,
იწყენ და ცივ წყალ დალიე,
იორ ჩაგიდის ჩანჩხარით.



Last edited by სანათა on Tue Jan 27, 2009 6:29 pm; edited 1 time in total
Back to top Go down
View user profile http://www.geowebi.com/sanatha/
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: შოთა ხუცურაული   Tue Jan 27, 2009 6:24 pm

ხევსური და ფშაველი

მთქმელი - შოთა ხუცურაული.
ჩამწერი - სანათა.



ხევსური:
ხინკალი მიყვარს ისეთი,
ჭიპში რო გასდის ქონია.


ფშაველი:
ფშავლი შაქნილი იქნები,
ჩემ ხასიათი გქონია.
Back to top Go down
View user profile http://armuri.4forum.biz
Admin
Into Armury
Into Armury
avatar

Male
Number of posts : 4150
Registration date : 09.11.08

PostSubject: Re: შოთა ხუცურაული   Wed Nov 14, 2012 2:25 pm



მარიამ ხუცურაული

წვიმიანი დღის საფერადებელი

დიდი ხნის ამბავია ესა... ალბათ 10–12 წლის წინანდელი. შემოდგომის ზუსტად ასეთივე მოჟამულ დილას სანადიროდ მიმავალ ჩემს ძმა პავლეს ავეტორღიალე. ჰო, ზუსტად ავეტორღიალე, როცა მთელი ორი კვირის ხვეწნა–მუდარის მერე, რომ ბეწენწურების ჭალაში ქაცვის მოსაკრეფად წავეყვანე, მაინც უარი მითხრა და იმ დილას ივრამდე ჩასულს დავეწიე ჩემი ვედროთი და ფოტოაპარატით.

ამ ჩემს პავლიკოს ცოტა მონდომებაში უჭირს, თორემ თუ მოანდომებ, მერე ისეთ დღესასწაულებს აწყობს.... ჰოდა, ეს მონდომების დღე ყოფილა... რაკი ქაცვიც დავკრიფეთ, ორი წყლის ქათამიც მოვკალით და მშვენიერი ფოტოებიც გადავიღეთ.

ჭალა–ჭალა ჩემმა შილიფად სიარულმა კი ის შედეგი გამოიღო, რომ საღამოს სიცხე მომცა და როცა შემწვარ ნანადირევზე დაპატიჟებული ბიძაჩემი, შოთა–პაპა, გვესტუმრა თავისი ცნობილი პანტის ჟიპიტაურით, მე ლოგინში ვიწექი, თავთით მისი ცოლი ცისანა და ორი მეზობლის ქალი მესხდნენ და თაფლიან–ძახველიანი ჩაითი მმკურნალობდნენ. აბა, სხვა რაღა უნდოდა და მაშინ მომალექსა:


***
ვერ გასმინეთ, ჭყანტიანში
იარებდი, როგორც ვაცი.
გასცივდი და ექიმბაშად
დასვეს ჩემი დედაკაცი.
არაყს შასწყრნენ, გიწამლებდნენ
თაფლითა და ძახველითა,
თუ ვერ მაირჩი, დაგემეხონ,
ექიმიც და მნახველიცა...



დღეს ჩვენი შოთა პაპა იუბილარია...

ობლობიდან მოყოლებული იმდენი გაჭირვება და სიმწარე უნახავს, ათ კაცს ნამდვილად გაამწარებდა. ამის მიუხედავად მაინც გაუტეხელია, მაინც ყველას მასპინძელია სიონ–ორხევში დამბალი ხაჭოთი, ერბო–კარაქით, პანტა–ქლიავების ჟიპიტაურით და ფშაურად წათლილი მახვილი ენით. მავანთავით გაჭირვებასა და უქონლობა–უყოლელობაზე კი არა, იმაზე წუწუნებს, რომ ძველებურად ვერც სანადიროდ დადის და ვერც იორს აუვლ–ჩაუვლის ბადით ხელში... ერთს კი ყველა ამჩნევს – აბედნიერებს ვანათისგორის ფერთაცვლასა და ივრის მარადიულ მდინარებაზე ყურება...ღმერთო, დიდხანს ინდომე ასე მცირედით მისი ბედნიერად ყოფნა და დიდხანს დაგვაგულე იქ ჯანსრული, ხალისიანი და ენაგალექსილი... ამინ!

study

ბმული - https://www.facebook.com/notes/mariam-xucurauli/წვიმიანი-დღის-საფერადებელი/10151300687625269

Back to top Go down
View user profile http://armuri.4forum.biz
Sponsored content




PostSubject: Re: შოთა ხუცურაული   

Back to top Go down
 
შოთა ხუცურაული
View previous topic View next topic Back to top 
Page 1 of 1

Permissions in this forum:You cannot reply to topics in this forum
არმური (ნისლი მთათა ზედა) :: სტუმრები და მასპინძლები :: "ვერცხლის თასადამც მაქცია" - სტუმრად სანათასთან-
Jump to: